Hermes - 01.08.1971, Blaðsíða 17
hjá hreppnum. Ekki varð nú samt þessi meirihluti
hreppsnefndar langlífur. Sjálfstæðisflokkur og Fram-
sóknarflokkur mynduðu nýjan meirihluta og hætti
Jenni þá störfum hjá hreppnum og tók bát á leigu
ásamt öðrum og fór að gera út á handfæri. Sú útgerð
fékk þann endi, að eftir stanzlausar vélarbilanir þá
drap vélin loks á sér úti við Kolbeinsey í illu veðri
og varð varðskip að draga bátinn til Akureyrar og
var fleytan skilin eftir þar.
Á meðan Jenni spreytti sig á útgerð og hreppsmál-
um, vann Stella hjá Kaupfélaginu á staðnum og
einnig-einn vetur í Amtbókasafninu, auk húsmóður-
starfanna.
Eftir áföllin í útgerðinni ákváðu þau að flytja í
Borgarnes hvað þau gerðu 1968 ásamt börnunum
fjórum, Áslaugu, Rósu, Birnu og Ólafi. Auk þeirra
er merkisköttur á heimilinu sem heitir Júlíus og gegn-
ir því nafni svo og annar sem heitir Jón og er að
líkindum Júlíusson.
Þegar til Borgarness kom hóf Jenni vinnu við
byggingar, bókhald o. fl., en stofnaði árið 1969
verzlunina Brák sem þau hjónin reka nú, auk þess
sem þau eru að byggja íbúðarhús hér í bæ.
Eftir að hafa rakið úr þeim gamimar um lífs-
hlaupið fram að þessu, vind ég mér í að spyrja
þau þriggja spurninga sem mér leikur hugur á að fá
svör þeirra við.
Undirrituð spyr: - Hverju vilduð þið helzt breyta
í Samvinnuskólanum ef þið væruð að fara aftur núna ?
(með fyrirvara hafi því ekki verið breytt).
Stella: - Ég vildi að meira hefði verið um rökræð-
ur í kennslustundum og að nemendur hefðu fengið
að láta í ljós sína skoðun á því hvort þeir teldu að
það sem verið var að kenna væri rétt, ýta ætti
undir frjálsari skoðanamyndun, svo og hefði kennsla
í notkun bókasafnsins verið mjög til bóta.
Jenni: - Samvinnusögukennslunni í það form að
kenna tvö meginatriði. 1. í hverju Samvinnuhugsjón-
in er fólgin. 2. Draga upp sanna mynd af Samvinnu-
hreyfingunni í dag. Sú afrekaskrá trúnaðarmanna af
æðstu gráðu og kaupfélagsstjóra sem kennd er nú,
er ekki sönn mynd af hreyfingunni. Hafi nemendur
ekki starfsreynslu innan Samvinnuhreyfingarinnar,
en aðhyllist hugsjónina sem slíka, þá er sú mynd sem
dregin er upp í Bifröst einungis til þess fallin að valda
vonbrigðum þegar farið er að vinna fyrir hreyfing-
una eins og framkvæmd hennar er í dag.
Undirrituð spyr: - Munduð þið telja það til bóta,
ef nemendur innan Samvinnuskólans fengju tæki-
færi til að ræða og gagnrýna framkvæmd samvinnu-
stefnunnar við forráðamenn hennar ?
Jenni taldi að nemendur í Bifröst væru e. t. v. ekki
nógu gamlir og hefðu of litla reynslu sem starfsmenn
samvinnufélaga til að gagnrýni gæti komið að notum.
Nemendur innan Bifrastar gerðu sér velflestir ekki
grein fyrir, vegna þess hve kennslu i Samvinnusögu
er ábótavant og hún einhæf, hversu framkvæmd sam-
vinnuhreyfingarinnar væri breytt á síðustu árum, í
þá átt að sættast við „einkaframtakið“ með stofnun
alls konar hlutafélaga, og væri raunar furðulegt að
hreyfingin skyldi geta bundizt samtökum við þau öfl
sem hún var stofnuð til að standa gegn. Nú væri
Samvinnuhreyfingin notuð sem fjárhagslegt afl til að
standa undir Framsóknarflokknum, en ekki lengur
lögð á það áherzla að bæta hag félagsmanna, heldur
mikið frekar að hossa einstökum Framsóknarmönn-
um.
Undirrituð spyr, hvert álit þeirra:sé á Nemenda-
sambandinu og hvað þeim finnist að hlutverk þess
ætti að vera.
Þau eru sammála um að ekki hafi myndazt eins
náin tengsl og æskilegt væri milli yngri og eldri nem-
enda og væri það sjálfsagt að einhverju leyti sök eldri
nemenda og breyttra aðstæðna. Jenni sagði að sér
fyndist að mesta gagn sem nemendasambandið gæti
gert, væri að halda úti blaði sem flytti:
1. Stöðugar og miklar fréttir af nemendum hingað
og þangað að af landinu, ekki löng viðtöl endilega
heldur og smáfréttir.
2. í blaðinu ætti að vera frjáls vettvangur til um-
17