Hermes - 01.08.1971, Blaðsíða 34

- Verður þetta opið hvenær sem er?
- Nei, ekki er það nú ætlunin. Eins og ég sagði
áðan er ekki búið að ganga fullkomlega frá þeirri
hlið málsins. Þó er ljóst að þarna verður opið allan
ársins hring, sennilega frá kl. 5 síðdegis og um helgar
og tímanum deilt niður á félögin að einhverju leyti.
Þá má og geta þess að í húsinu er fyrirhuguð „Hall-
grímsstofa", sem fram að þessu hefur verið niðri í
Sambandshúsi og geymir ýmsar minjar frá tíð Hall-
gríms Kristinssonar.
Einnig er í húsinu fundarsalur fyrir um 50 manns
þar sem ætlunin er að hafa fyrirlestra, umræðuhópa
og myndasýningar eftir því sem tilefni gefst til og
jafnvel smá samsæti.
- Þið hafið ráðið umsjónarmann?
- Já, til að hafa umsjón með húsinu hafa verið
ráðin hjónin Ólöf Jónsdóttir og Eiríkur Guðmunds-
son. Þau sjá um alla hirðingu hússins og annast sölu
á gosdrykkjum og kaffi og kökum. Einnig er hug-
myndin að þau hafi með höndum dagbók hússins þar
sem í verði ritað frá degi til dags allt sem þar fer fram.
- Nú er þetta allstórt hús.
- Já, þetta er töluvert hús, tvær hæðir og kjallari
með stórum garði umhverfis, tilvöldum fyrir útivist
og sumarskemmtanir.
- Með þessu opnast margir möguleikar.
- Já, það er enginn vafi að þarna er komin lausn
á þeim húsnæðisskorti sem háð hefur starfsemi NSS
talsvert. Það verður ekki nógsamlega brýnt fyrir fólki
að notfæra sér það sem þetta hús hefur upp á að
bjóða, þvi starfsemin stendur og fellur með áhuga
félagsmanna. Allar ábendingar um starfsemina eru
vel þegnar og hér með vildi ég auglýsa eftir þeim,
bæði á undan og eftir að starfsemin hefst. Annað
atriði sem ég vildi líka leggja mikla áherzlu á er að
þarna verði komið upp eins konar „sögusafni“ NSS.
Þarna þarf að safna saman Vefaranum, Þefaranum,
Ecco Homo og annarri ritstarfsemi í sambandi við
Samvinnuskólann. Einnig þarf að hýsa alla þá muni
sem snerta félagsskapinn á einhvern hátt.
34
Hver bekkur þyrfti að eiga sitt myndaalbúm og
ættu bekkjarfulltrúarnir að gangast fyrir því að safna
saman myndum af sínum bekk í skólanum, helzt
með það fyrir augum að andlit allra kæmu fram
ásamt skemmtilegum atvikum úr skólalífinu. Síðan
yrði þetta sett upp t. d. af fyrrum formönnum ljós-
myndaklúbbanna eða öðrum listrænum mönnum
með viðeigandi textum. Vildi ég skora á menn að
láta af hendi eitthvað af myndum í þessu skyni eða
til að gera afrit af ef þeir vilja síður missa þær. Eins
er verkefni fyrir hendi að taka afrit af beztu litmynd-
unum og eins þeim kvikmyndum sem kunna að vera
til frá Bifröst. Það eru tilmæli mín til allra sem geta
eitthvað lagt fram í þessu skyni að koma því á fram-
færi nú þegar þar sem að söfnun slíkra hluta er allt-
af erfiðari eftir því sem lengra líður.
- Nokkuð að lokum?
- Ég vildi benda utanbæjarfóiki á að þegar það
kemur í bæinn að láta ekki hjá líða að líta inn í félags-
heimilið að Hávallagötu 24 og heilsa upp á gamla
kunningja, og ef til vill stofna til nýrra kynna. Ég
spái því að slík heimsókn verði ekki svo lítill hluti
af Reykjavíkurferðinni. grj.
NEMENDAMÓT
Annað nemendamót N.S.S., sem haldið var á Hótel
Sögu var föstudaginn 16. apríl sl. Atli Freyr Guð-
mundsson setti mótið kl. 20.00 og bauð gesti vel-
komna og þó einkum heiðursgesti mótsins, fyrsta
formann N.S.S., Sigurvin Einarsson, alþingismann,
skólastjóra og kennara frá Bifröst og maka þeirra.
Tilnefndi hann Árna Reynisson veizlustjóra og fórst
Árna stjórnin vel úr hendi. Vigdís Pálsdóttir í Borgar-
nesi flutti hátiðarræðu við mikinn fögnuð og Ríótríó
skemmti. Luku allir upp einum munni um að hátíðin
hefði tekist vel. Myndir: Ágúst Haraldsson.