Hermes - 01.12.1971, Blaðsíða 10

Á síðasta aðalfundi Nemendasambandsins var
brotið blað í sögu þess. Kvenmaður var í fyrsta sinn
kjörinn formaður. Kvenskörungar margir hafa út-
skrifazt frá Bifröst og sumar hverjar svo aðsópsmikl-
ar, að klunnalegar tær flestra karlmanna hafa ekki
komizt í námunda við netta og fagra hæla þessara
kvenna. En þrátt fyrir það, hefur engin kvenskörung-
anna fundið náð fyrir augum kynsystra sinna og
„sterkara kynsins“ sem formannsefni, — fyrr en nú.
Blaðamann Hermesar bar að garði þeirra hjóna,
Kristínar og Hallgríms T. Sveinssonar, kvöld eitt í
október. Það var tekið höfðinglega á móti gestinum,
og honum boðið til stofu, þar sem biðu góðgjörðir
miklar, svo sem rjómaterta og te. Og á meðan sæt-
indunum voru gerð skil og teið sötrað, var margt
spjallað og víða komið við, en því miður eru ekki
tök á að birta það allt hér, þó skemmtilegt væri.
— Hvert telur þú vera hlutverk N.S.S. ? (Forvitni
blaðamannsins var vöknuð, og eðlilega byrjaði hann
á „typiskri“ spurningu).
— Þessi samtök eru afsprengi skólafélags Sam-
vinnuskólans, og samskipti félaga þess eru í raun og
veru framhald af vistinni i skólanum. Hlutverk sam-
bandsins er því að viðhalda kynnum og auka vináttu,
skapa sameiginleg áhugamál og starfsgrundvöll í
félagslífi. Það á einnig að vinna að auknum tengslum
á milli útskrifaðra árganga, eldri og yngri. Þetta er
gert með því, að skipuleggja þá þætti félagslífs, sem
við verður komið i svo sundurleitum hópi.
Hins vegar er það vandamál, sem Nemendasam-
bandið á við að glíma, ekki síður en önnur félög,
hversu fólk virðist vera „önnum kafið“ við sín eigin
málefni, að það gefur sér ekki tíma til þess að sinna
félagsmálum og þroska félagsanda sinn í samskipt-
um við aðra. Flestir vilja heldur sitja heima fyrir
framan sín sjónvörp og glápa, í staðinn fyrir að koma
á staði, þar sem það getur hitt sína gömlu félaga og
eignazt nýja. En á móti svona hugsunarhætti verður
að vinna, og það er vissulega gert.
Með tilkomu Hamragarða batnar aðstaða N.S.S. til
Kvöldstund
með Kristínu
Bragadóttur
mikilla muna, og ég fagna þvi mjög. Nú opnast
ýmsir möguleikar, sem ekki voru fyrir hendi áður,
svo sem bekkjarkvöld o.fl. Þarna er billiardborð,
saunabaðstofa, setustofa og sérstakt fundaherbergi,
sem brýn þörf hefur verið fyrir. Ég vil nota þetta
tækifæri til þess, fyrir hönd núverandi stjórnar, að
þakka forráðamönnum S.Í.S. fyrir þetta höfðing-
lega framlag þeirra, sem Nemendasambandið nýtur
ásamt starfsmannafélögum Sambandsins og hinna
ýmsu aðildarfélaga þess.
Reyndar efast ég um, að þeir, forráðamennirnir,
láti svo lítið að lesa Hermes, svo að þetta er kannski
ekki bezta tækifærið til þess að færa þakkir, en samt
— hver veit ?
— Nokkur gagnrýni hefur komið fram í sambandi
við kjör núverandi stjórnar. Þykir mörgum það vera
orðinn æri þröngur hópur kunningja og bekkjarfélaga,
sem ráði orðið ríkjum. (Kristín lyftist upp í sófanum
við spurninguna og reiðiglampa brá fyrir í augum
hennar).
— Ég vil eindregið andmæla þessum áróðri. Sá
10