Hermes - 01.12.1971, Blaðsíða 14

í síðasta blaði var lítillega drepið á framhalds-
námið útfrá samþykkt menntamálanefndar Stúdenta-
ráðs Háskólans. Mörgum leikur eflaust forvitni á að
vita hvað er á döfinni í því efni. Við snerum okkur
því til sr. Guðmundar, skólastjóra i Bifröst, og er
það sem hér fer á eftir byggt á því samtali. Það skal þó
skýrt tekið fram í upphafi að enn er flest í lausu lofti
sem viðkemur málinu og það sem sagt verður hér er
því að mestu leyti vangaveltur um þá möguleika sem
fyrir hendi eru.
Undanfarið hefur starfað níu manna nefnd sem
er skipuð tveim fulltrúum frá Samvinnuskólanum,
fjórum fulltrúum frá Verzlunarskólanum og Verzl-
unarráði og þrem frá menntamálaráðuneytinu. Er
nefndin undir forsæti Birgis Thorlacíus, ráðuneytis-
stjóra. Fyrir nokkru óskaði Samband ísl. sveitarfélaga
eftir að fá að skipa einn fulltrúa í nefndina og var það
veitt svo nú er þarna tíu manna hópur.
Hlutverk nefndarinnar er að kanna verzlunar-
fræðslu í landinu og vinna úr þeim gögnum sem hún
aflar sér frumvarp til laga um verzlunarmenntun. Er
fyrirsjáanlegt að slík lög verða sett, sem í sjálfu sér
er mikill áfangi, því engin lög eru til um þetta efni.
Starf nefndarinnar hefur að vísu legið niðri í haust
vegna fjarveru formanns hennar af landinu og hinn
nýi menntamálaráðherra hefur ekki enn getað sett
sig inn í málið sökum tímaskorts.
Aftur á móti hefur undirnefnd starfað með þeim sr.
Guðmundi Sveinssyni, dr. Jóni Gíslasyni og Indriða
Þorlákssyni. Á vegum þessarar undirnefndar var gerð
könnun sem þeir Baldur Sveinsson, kennari við
Verzlunarskólanum og Hrafn Magnússon, kennari við
Samvinnuskólann önnuðust. Þessi könnun beindist
að söfnun gagna um ástand verzlunarfræðslunnar í
dag og menntun þess fólks sem við þau störf vinnur.
Könnunin var í þrem liðum sem beindust að einka-
rekstri, samvinnurekstri og opinberum fyrirtækjum
eða ríkis- og sveitarfélögum. Lokið er við könnun inn-
an samvinnuhreyfingarinnar og einnig innan einka-
rekstursins þar sem gagna var aflað ýmist frá stórum
Framhaldsnám
eða smáum fyrirtækjum og reynt á þann hátt að fá
þverskurð af ástandinu frekar en heildarmynd. Könn-
un hjá opinberum fyrirtækjum er hins vegar ekki
lokið enn, m. a. vegna mikilla anna hjá þeim aðiljum
við gerð íjárlagafrumvarpsins en áætlað að í næsta
mánuði liggi niðurstöður fyrir. Er hér um að ræða
óhemju mikið magn upplýsinga sem unnið er í skýrslu-
vélum. Undirnefndin mun síðan draga þessar upp-
lýsingar saman í aðalatriði og leggja niðurstöðurnar
fyrir aðalnefndina.
Helzti þröskuldur á veginum til þessa er hve öll
undirbygging undir verzlunarmenntun er litil eða
nánast engin, og því óhægt um vik að móta raunsæar
hugmyndir fyrr en grunnskólafrumvarpið er orðið
að lögum. Að vísu má búast við að það verði innan
skamms, og ár til eða frá skipti minnstu máli. Um hug-
myndir þær sem liggja að baki grunnskólafrumvarp-
inu eru sennilega flestir sammála en andstaða sú sem
orðið hefur vart gegn því beinist fyrst og fremst að
fjármögnun, því sveitarfélögum finnast þau nú þegar
leggja sinn skerf fram til menntamála og eru ekki fús
að taka á sig aukin útgjöld.
Fullvíst er að landsprófið verði lagt niður og sömu-
leiðis gagnfræðapróf en eftir níu ára grunnskóla komi
grunnskólapróf sem allir taki við 16 ára aldur og þá
taki við tveggja ára framhaldsdeild sem miði að undir-
búningi undir sérnám. Er líklegt að héraðsskólarnir
og efstu bekkir gagnfræðaskólanna falli inn í kerfið
á því stigi. Þetta framhaldsnám yrði nokkuð almenn
menntun sem á síðara vetri beindist að sérgreinum án
þess þó að binda nemendur um of. Að því loknu
kæmu svo hinir ýmsu sérskólar og myndu verzlunar-
14