Hermes - 01.12.1971, Blaðsíða 15

og Samvinnuskólinn falla undir þann flokk. Leiðir
þá í rauninni af sjálfu sér að eftir tveggja til þriggja
ára nám í sérskóla lægi leiðin í háskólann fyrir þá
sem þess óskuðu. Myndi þá opnast braut fyrir fólk
með verzlunarmenntun í lögfræði og viðskiptafræði.
Um frekari valkostu yrði vart að ræða enda veitti
hver sérskóli aðeins möguleika á frekari námi í á-
kveðinni deild háskólans, líkt og undanfarið hefur
verið með skiptingu menntaskólanna í stærðfræði- og
máladeildir, sem hvor um sig veita aðeins aðgang að
ákveðnum háskóladeildum.
Grunnskólafrumvarp okkar er að miklu leyti sniðið
eftir danskri löggjöf. Verzlunarfræðslan er hinsvegar
með mismunandi móti á Norðurlöndum. Svíar ganga
einna lengst en þar eru eingöngu ríkisskólar, í Noregi
er þetta blandað og eru verzlunarskólar þar jöfnum
höndum ríkis- og einkaskólar með þeim ákvæðum
að einkaskólar fá ríkisstyrk að svo miklu leyti sem
fræðsla þeirra fellur undir hina almennu fræðslu-
löggjöf. Ef skólarnir aftur á móti eru með námskeið
eða veita kennslu í námsgreinum utan við reglugerð-
ina verða þeir að standa straum af þeim kostnaði
Lagasmiðurinn, tekstahöfundurinn, málarinn, í fáum
orðum sagt: Jóhann G. Jóhannsson hefur orðið
fyrstur Bifrastarmanna sem lætur á markað eftir-
prentun á málverki. Þetta er mynd af poppstjörn-
unni sálugu Jimmí Hendrix í eðlilegum litum (lit-
ríkur persónuleiki) og fæst hjá málaranum á Kr.
2.000.— og er takmarkað upplag.
sjálfir. Loks eru Danir en þar eru verzlunarskólarnir
sjálfseignarstofnanir með hin ýmsu verzlunarsamtök
að bakhjarli sem greiða 1/6 af rekstararkostnaði en
ríkið greiðir 5/6.
Fullvist má telja að hérlendis verði eitthvert þess-
ara þriggja skipulaga fyrir valinu, enda hæpið fyrir
okkur að fitja upp á heimatilbúnu fjórða kerfi. Að
mörgu leyti væri eðlilegast að taka upp danska kerfið
ekki síst þar sem undirstöðumenntunin verður sniðin
eftir þeirra skipulagi og til Dana höfum við sótt ýmis
góð ráð um árin.
Af þessu sést að um margt er að ræða við skipu-
lagningu verzlunarfræðslunnar og mikið starf fyrir
höndum áður en málið verður til lykta leitt. Að undir-
búa slíka löggjöf frá grunni er mikið nákvæmnis- og
þolinmæðisverk en á næstu misserum gefast væntan-
lega svör við þeim fjölmörgu spurningum sem risið
hafa.
Að lokum væri gaman að líta á fjármögnun verzl-
unarskólanna í dag. Rekstur staðarins að Bifröst
kostar á þessu ári um 6 milljónir og þar af er styrkur
af núgildandi fjárlögum sautján hundruð og fimmtiu
þúsund. Verzlunarskólinn fær á fjárlögum 11 milljónir
og að auki frá Reykjavíkurborg 4,9 milljónir en
engan styrk frá verzlunarsamtökunum. Niðurstaðan
er því sú að Verzlunarskólinn fær hærri styrk á Hvern
nemanda en Samvinnuskólinn. Á þessum skólum
er þó reginmunur þar sem Verzlunarskólinn er tví-
settur heimangönguskóli en Samvinnuskólinn er ein-
settur heimavistarskóli. Þessi munur kemur enn frekar
í ljós þegar litið er á húsnæðið upp í Bifröst sem fer
undir nemendabústaði og aðstöðu mötuneytis í sam-
anburði við kennslurýmið. Vonir standa þó til að
þetta misrétti milli skólanna verði lagað á næstunni.
Hermes þakkar sr. Guðmundi, skólastjóra, fyrir
hans góðu og greiðu svör og vonar að þessir punktar
svali forvitni einhverra um þetta efni. Verður gaman
að fylgjast með hver þróunin verður og mun Hermes
leitast við að fræða lesendur sína um gang mála, eftir
því sem unnt er.
15