Hermes - 01.12.1971, Blaðsíða 25
Heimsókn til Karls Stefánssonar
Sjálfsagt hefði ég brugðizt illur við og neitað að
taka verkið að mér, ef ég hefði vitað út í hvað ég var
að hætta mér, en í sakleysi mínu og fáfræði lét ég
undan. Því fór sem fór. Dimmt laugardagskvöld í
roki og rigningu þeysti ég í leigubíl til Kópavogs
og talaði illa um Guðmund ritstjóra við sjálfan mig
alla leiðina. Kalli hafði sagt mér að sumum þætti
ekki mjög gott að rata til hýbýla hans, og hann gaf
mér leiðarlýsingu, sem ég lagði mjög lauslega á
minnið. Lét ég nægja að segja bilstjóranum að aka
sem leið lægi að Nýbílavegi 8, og treysti á að hann
myndi bjarga sér og mér á leiðarenda. Kæruleysi í
ferðalögum að vetrarlagi hefnir sín gjarnan, og svo
fór einnig nú. Bílstjórinn stöðvaði tæki sitt, góndi í
allar áttir eins og fáviti og spurði mig svo hvort ég
væri viss um að ég vissi hvert ég væri að fara. Ég
gafst þá upp og fór að reyna að endurflytja leiðar-
lýsingu Karls, og þegar við höfðum ekið aftur á bak
drjúgan spotta, verið stöðvaðir einu sinni af lög-
reglunni, farið upp vitlausan afleggjara, brölt í ófæru
drullusvaði og þjösnazt tvisvar yfir bílastæði sem gert
var úr stórgrýti, fundum við loks rétta afleggjarann
og rétta húsið, eða nógu líklegt til þess að ég hætti
á að sleppa bílnum og leggja fótgangandi út í óviss-
una. Á hurðina var kirfilega letrað: Karl Stefánsson,
og þegar ég hafði hringt dyrabjöllunni og hurðir
lokizt upp stóð Karl Stefánsson þar og bauð mér að
ganga inn, og ég held að ég hafi ekki í annan tíma
verið fegnari að sjá nokkurn mann.
Við gengum til stofu og settumst við að horfa á
sjónvarpið. Fyrst voru náttúrlega fréttirnar, nú og
svo kom Dísa, og auðvitað þurftum við svo að tala
saman um hitt og þetta, sem Hermesi kemur ekkert
við. Loks þegar þeir í sjónvarpinu voru farnir að tala
við gamlan prest af Snæfellsnesinu, dró ég upp vasa-
bók og blýant og varð gáfulegur í framan, önnur
heimasætan náði þá í stílabók og ritfæri og fékk
föður sínum, stóðum við þá jafnt að vígi og gátum
byrjað.
Manstu hvenær þú kepptir í fyrsta skipti?
— Já, ég man það. Það var á Austurlandsmóti
‘62, nei, ‘61. Það var fyrsta mótið sem ég keppti á,
25