SunnudagsMogginn - 27.11.2011, Blaðsíða 21

27. nóvember 2011 21
Skemmtileg gleðifroða
Hláturmildari verða ekki krakkarnir en í
kynningu á Þorgrími Þráinssyni.
Skrambi skemmtilegt, ekki síst þegar
þeir lesa: „Uppáhaldsbók hans er Ertu
Guð afi? sem hann skrifaði sjálfur.“ Nú er
hann að kynna bókina um Steina Petru,
ömmu vinar síns, Ívars Ingimarssonar
atvinnumanns í knattspyrnu, en hún er
sjálf mikill áhugamaður um knattspyrnu:
„Hún var þekkt fyrir að öskra fjarða á
milli … og tapar sér algjörlega þegar hún
horfir á fótbolta – ein!“ Hann les stuttan
kafla úr bókinni, um ástríðu þessarar
konu, sem gekk á fjall á hverjum degi í
leit að fögrum steinum.
Þormóður Símonarson tekur gítarinn
með sér í pontu og syngur lög sem urðu
til á ferðalaginu ytra, annað angurvært:
„Walking alone on a rainy day …“ Og hitt
varð til á Írlandi, öllu fjörugra, um veð-
urfar, Íra sem þolir ekki rigninguna,
Spánverja sem þolir ekki sólina og Íslend-
ing sem þolir ekki frostið.
„Hún er fædd í desember árið 1984,“
lesa krakkar úr grunnskólanum, en nem-
endurnir skipta kynningu á höfundunum
með sér. Og svo er komið að því: „Í kvöld
ætlar Tobba að lesa upp úr nýjustu bók
sinni, Lýtalaus.“
„Hæ,“ segir Tobba og lagar toppinn.
„Ég mæli með þessum bol, þetta er eins
og sundbolur og maður veit alltaf hvar allt
er. Þá fer ekki allt út um allt.“ Hún segir
að sem bloggari á DV hafi hún tekið eftir
að færslur um samskipti kynjanna voru
alltaf vinsælastar. Það er grunnurinn að
því, að hún lagði fyrir sig skutluskáld-
skap. „Sumt má vera skemmtileg gleði-
froða.“ Og merkilegt nokk, í fyrstu bók-
inni kemur Ólsarinn Þorgrímur fyrir og í
þeirri síðustu Ólsarinn Stefán Máni.
Sem á síðasta orðið með nýjustu skáld-
sögu sína Feigð og er kynntur til leiks af
nemendunum: „Það sem fékk Stefán til að
skrifa var þörf fyrir að skapa eitthvað, til
að finna tilgang í tilverunni … Stefán
borðar hafragraut í morgunmat … hann
horfir stundum á fræðsluþætti frá BBC og
Desperate Housewives … og hann heldur
með Víkingi Ólafsvík og Newcastle Unit-
ed.“
Í blálokin fá höfundarnir áritað skjal og
rauða rós. Og svo stýrir Ester fjöldasöng:
„Bráðum koma blessuð jólin …“
Frægur draugastaður
Í lok kvölds er farið í kaffi heim til for-
eldra Stefáns Mána á Fornu-Fróðá, Sig-
þórs Guðbrandssonar og Magneu Sig-
urbjargar Kristjánsdóttur. „Fyrst þegar
ég fór vestur buðu þau okkur höfund-
unum heim á leiðinni til baka,“ segir
hann. „Svo varð það hefð og þau halda
boð fyrir þá sem koma, líka þegar ég er
ekki á meðal höfunda, og taka það svo
alvarlega að allt er á hvolfi í veitingum.
Þeim finnst það gaman – það eru jólin
hjá þeim.“
Ekki skortir á veitingarnar á jólunum
á þessu heimili. Borðið svignar undan
reyktu læri sem er stórt eins og allt um
þessar slóðir, gröfnum laxi, laufabrauði
sem hjónin skáru út og síldinni „sem
veður hérna úti“. Og auðvitað hanga
jólaseríur um alla veggi, líka á bátnum
við vinnuskúrinn, og svo eru bikarar um
allt, ekki bara með jólaöli og rauðvíni,
heldur líka bikarar sem Magnea hefur
unnið í sjóstangveiði.
„Þetta er frægur draugastaður,“ segir
Sigþór. „Þóroddur fórst hérna undir
Enninu – skipið fórst með manni og
mús. Svo gengu þeir aftur og það var
glatt á hjalla hérna.“
Hann þagnar til áhersluauka.
„Það hefur ekkert breyst, nema ég er
ekki draugur ennþá.“
„Það fórst fjöldi manna á Fróðá og
munaði engu að yrði auðn,“ segir Helgi
spámannslega. „Og það er næsta öruggt
að vísirinn að þessum sögum er sannur.“
Vigdís leggur blessun sína yfir sög-
urnar með því að skjóta inn í á völdum
stöðum „það er satt“ og „heilagur sann-
leikur“.
Skyndilega rennur upp ljós fyrir Þor-
grími. „Eruð þið systkin?“ spyr hann
Helga og Magneu.
„Við höfum verið systkin alveg frá því
ég fæddist,“ svarar Magnea.
Ertu á Facebook?
Allt gott tekur enda. Í kveðjuskyni færir
Tobba Magneu bók sína fyrir við-
urgjörninginn, opnar hana og segir hlý-
lega: „Hérna er listi yfir menn sem vant-
ar konur. Sonur þinn er númer sjö.“
„Takk elskan,“ segir Magnea.
„Ég held samt að við finnum alveg
konu handa honum. Það tekur bara
nokkra mánuði,“ heldur Tobba áfram.
„En frænda hans?“ kallar Helgi –
maður á besta aldri.
„Hann er á lausu,“ segir Magnea til
skýringar.
„Ert þú á Facebook? spyr Tobba og er
gengin í málið.
Vigdís lítur á blaðamann með spurn-
arsvip.
„Ertu ekki að verða búinn að skrifa?“
Jólalegt var um að litast í stofunni hjá Magneu og Sigþóri.
Systkinin Magnea og Helgi ræða við Tobbu. Hún sló í gegn.
Morgunblaðið/Eggert
GÓÐGJÖF FYRIR ALLA SEM FERÐAST
Hvernig á ég að klæða mig í
fjallgöngum?
Hvaða útbúnað þarf ég að
taka með á fjöll?
Hvort er betra að nota
gas- eða bensínprímus?
Hvað er ferðaáætlun?
Hvað á ég að gera ef ég
villist í vondu veðri?
Hvað á ég að borða á
ferðalögum?
Hvernig virkar áttaviti?
Hvernig bý ég um brunasár
eða opið beinbrot?
Fæst í öllum helstu
bókabúðum og á
www.bokakaffid.is S Sæmundurbókaútgáfa
Alfræðirit fyrir útivistariðkendur
... og margt, margt, fleira!
Allt er liðið, enginn getur vakið
upp þau tré sem missa laufið sitt,
eitt varst þú og eina vorið mitt.
Ný og glæsileg ljóðabók
eftir Matthías Johannessen
þar sem hann glímir
við sáran missi.
SÖKNUÐUR
MATTHÍASAR