Monitor - 17.11.2011, Side 14
14 Monitor FIMMTUDAGUR 17. NÓVEMBER 2011
um, skóla og jafnvel vinnu líka. Lífi ð sem atvinnumaður er
þannig að maður er með mikinn frítíma, sem getur verið
kostur og galli. Það er galli að því leyti að þá hefur maður
kannski meiri tíma til að fara að velta sér upp úr hlutum
eins og þegar maður saknar fjölskyldunnar eða kærast-
ans, sem hefur búið heima á Íslandi þann tíma sem ég
hef verið úti. Þess vegna kom ég mér í sálfræðifjarnám frá
Háskólanum á Akureyri.
Það er algengt bæði í karla- og kvennaknattspyrnu
að leikmenn hugsi mikið um útlitið inni á vellinum.
Hugsar þú um að líta vel út á vellinum?
Já, auðvitað hugsar maður um það líka. Ég slétti alveg á
mér hárið og set á mig maskara fyrir leiki eins og stelpur
gera. Ég er ekkert að dressa mig upp og fara í „extreme
make-over“ en þegar það eru sjónvarpsleikir og svona
þá hendir maður kannski aðeins í grímuna á sér. Mér
fi nnst skipta máli að líta vel út. Ég spila ekki í svörtum
takkaskóm, fi nnst bara miklu meira kúl að spila í hvítum,
og ég er yfi rleitt í hjólabuxum innanundir sem eru í sama
lit og treyjan en ekki stuttbuxurnar. Maður reynir kannski
að vera með hárbönd í stíl við búninginn. Auðvitað hugsar
maður um lúkkið innan vallar alveg eins og utan hans.
Tekur þú þá aukalegan tíma í að hafa þig til fyrir
sjónvarpsleiki?
Kannski aðeins (hlær), en auðvitað er aðaleinbeitingin á
leiknum. Þetta er samt hluti af þessu.
Leyfi r atvinnuknattspyrnukona sér skyndibitafæði og
nammi á laugardögum?
Já, ég er alveg nammigrís en ég er ekkert rosalega mikið
fyrir skyndibitann. Mér fi nnst súkkulaði mjög gott og
það er kannski einn af mínum ókostum. Ég held að allir
atvinnumenn geti skrifað upp á það að þeir hafi lagt
ýmist óhollt fæði og drykki inn fyrir sínar varir. Ég held
mig þó frá áfengi og öðrum vímuefnum svo ég leyfi mér
súkkulaði á laugardögum í staðinn.
Mér skilst að þú hafi r gaman af því að syngja. Þessa
dagana er fyrrum landsliðsmaðurinn í handbolta, Logi
Geirs, að reyna að meika það sem poppari. Má búast við
að þú æðir inn í þann bransa áður en langt um líður?
Ég er með viskírödd og ég held að þær séu ekki vinsælar
söngraddir. Reyndar gerði Birgitta Haukdal garðinn
frægan á sínum tíma og ég gæti mögulega fetað í hennar
spor en ég þyrfti að fá smá kennslu. Eða ekki smá, ég
þyrfti að fá mikla kennslu. Að öllu gamni slepptu, þá held
ég ekki. Mér fi nnst gaman að syngja og hef oft sagt að ég
hefði viljað vera poppstjarna ef ég hefði getað það. Ég er
hins vegar langt frá því að geta það, ég fékk víst hæfi leika
í fæturna. Ég hugsa að ég reyni bara að rækta þá hæfi leika
og sjái til með sönginn.
Hvað átt þú eftir að gera sem knattspyrnukona? Átt þú
þér einhver yfi rlýst markmið?
Ég á eftir að gera fullt. Ég er náttúrlega bara 25 ára og
er kannski að fara á mín bestu ár núna svo ef ég næ að
halda mér meiðslalausri þá get ég náð ennþá lengra.
Mig dreymir um að komast á Heimsmeistaramótið með
landsliðinu, halda áfram að standa mig vel þar og hjálpa
liðinu til að brjóta fl eiri blöð í þeirri sögu. Persónulega er
ég síðan að fara í stórt og krefjandi verkefni, eitthvað sem
getur orðið mikill draumur. Ég þarf auðvitað að hafa fyrir
hlutunum, sem ég ætla mér að gera, og ég er alveg full af
eldmóð núna. Mér fi nnst ég nýr leikmaður eftir að hafa
loks komist út úr þessum meiðslum, mér fi nnst eins og ég
hafi verið í barneignafríi þar sem ég er að koma til baka
núna. Ég er að fara að spila með liði sem er eitt besta lið
heims í kvennaboltanum í dag og yfi rlýst markmið þess
er að vinna þýska meistaratitilinn, bikarinn og Meistara-
deildina svo það hljóta að vera mín markmið líka.
Talandi um barneignir, er það eitthvað sem afreksí-
þróttakona má við að vera að hugsa út í á sínum bestu
árum?
Við bíðum bara eftir því að karlarnir geti farið að ganga
með börnin. Nei, auðvitað er það eitt af því sem er á
pásu hjá manni. Fótboltinn er eitthvað sem maður getur
auðvitað gert í svo stuttan tíma, maður getur eignast börn
seinna. Það er allt í lagi, maður verður að ferma börnin
svona um sjötugt (hlær). Núna er maður á fullu í þessu,
þetta tekur allan tíma og orku, svo hitt verður að bíða
betri tíma. Ég er hins vegar mikil barna- og fjölskyldu-
manneskja svo mig langar að stofna til fjölskyldu einn
daginn og fara að búa til litla fótboltastelpur eða –stráka
framtíðarinnar, það væri ekkert leiðinlegt.
ÞETTA EÐA HITT
Lundakjöt eða pizza? Lundakjöt.
Þjóðhátíð eða EM? EM, ef ég er að spila
þar. Ef þú meinar að horfa á karlana á EM,
þá er það klárlega Þjóðhátíð.
Adidas eða Nike? Hvorugt.
Hvort myndir þú frekar velja að missa
alla fótboltahæfi leika eða að Þjóðhátíð í
Eyjum yrði lögð niður fyrir fullt og allt?
Að Þjóðhátíð yrði lögð niður, sorrí allir.