Morgunblaðið - 02.12.2011, Blaðsíða 38

38 MENNING
MORGUNBLAÐIÐ FÖSTUDAGUR 2. DESEMBER 2011
Helgi Snær Sigurðsson
helgisnaer@mbl.is
Á aðfangadag í fyrra birtist lítil frétt í Morg-
unblaðinu þess efnis að hugsanlega myndu tök-
ur á annarri þáttaröð bandarísku sjónvarps-
stöðvarinnar HBO, Game of Thrones, fara fram
hér á landi. Síðla þessa árs fékkst það svo stað-
fest og fjölmennt tökulið á vegum HBO kom til
landsins, hóf tökur hinn 25. nóvember og er enn
að. Tökurnar fara fram við Svínafellsjökul en
einnig stendur til að taka upp við Vatnajökul og
á Höfðabrekkuheiði. Fyrstu þáttaröð Game of
Thrones var vel tekið af gagnrýnendum vest-
anhafs sem og aðdáendum. Á vefnum Internet
Movie Database gefa not-
endur henni 9,4 í einkunn
og á vefsíðunni Metacritic,
sem tekur saman gagnrýni
bandarískra fjölmiðla, hlýt-
ur hún 79 af hundrað mögu-
legum í einkunn. Þáttaröð-
in var tilnefnd til 13
Emmy-sjónvarpsverðlauna
í Bandaríkjunum í ár og
hlaut einn leikara þáttanna,
Peter Dinklage, verðlaun
sem besti aukaleikara í dramatískri þáttaröð.
Þá hlaut hún einnig verðlaun fyrir grafíska
hönnun. Þættirnir eru af dýrustu gerð hvað
framleiðslu varðar, líkt og HBO er orðin þekkt
fyrir, ekkert til sparað í sviðsmyndum og
tæknibrellum og tekið upp víða um heim.
Hið fullkomna landslag
Chris Newman, meðframleiðandi Game of
Thrones, er hér á landi staddur og blaðamaður
ræddi við hann í fyrradag um þættina.
„Þetta hefur gengið mjög vel, skipulagningin
er góð hjá Pegasus,“ segir Newman um tök-
urnar en fyrirtækið Pegasus sér um að þjón-
usta tökuliðið. „Ég sé um skipulagningu á tök-
um ólíkra hluta þáttaraðarinnar. Við tökum í
þremur löndum og ég kem með tillögur að
tökustöðum og þá á ég ekki bara við lönd held-
ur staðsetningar líka,“ segir Newman um starf
sitt. Það geti verið býsna flókið og hafa þurfi
snör handtök svo allt sé tilbúið þegar tökur eiga
að hefjast. Þá gangi hann í ýmis störf sem leik-
stjóri myndi sinna ef um kvikmynd væri að
ræða. Verkaskiptingin sé s.s. önnur við gerð
sjónvarpsþátta á borð við þessa. Veðrið hefur
leikið við tökulið síðustu daga, að sögn New-
man, snjór og frost sem er einmitt það sem sóst
var eftir. Atriðin sem tekin eru upp hér á landi
gerast norðan Veggjarins svonefnda í sögunni,
í einskismannslandi þar sem illvígir villimenn
búa og yfirnáttúrulegar verur nefndar Hinir.
Þangað heldur ein aðalpersónanna, Jon Snow,
með vöskum mönnum, hinum svokölluðu Næt-
urvörðum og eiga þeir von á því að komast í
hann krappan. Leikarinn Kit Harrington fer
með hlutverk Jon Snow, óskilgetins sonar Edd-
ard lávarðs sem myrtur var í fyrstu þáttaröð
Game of Thrones. „Atriðin sem við tökum,
þessar þrjár vikur sem við erum hérna, fjalla
um afdrif hans, þegar hann heldur norður fyrir
Vegginn. Við tókum hluta þeirrar sögu upp áð-
ur en við komum hingað, þurftum að búa til
gervisnjó úti í skógi en það er mun flóknara að
beita brellum þegar búa þarf til snævi þakið og
víðfeðmt landslag. Það hefði verið alltof dýrt og
því ákváðum við að betra væri að hafa það
raunverulegt,“ segir Newman. Ísland hafi því
orðið fyrir valinu. Hann er kvæntur íslenskri
konu, Önnu Ásgeirsdóttur, en henni kynntist
hann við tökur á sjónvarpsþáttunum Nonni og
Manni hér á landi. Spurður í gamansömum dúr
að því hvort eiginkonan hafi þrýst á að tökur
færu hér fram segir Newman ekki svo vera.
Hann myndi ávallt ráðleggja mönnum að taka
upp á Íslandi, þ.e. ef íslenskt landslag væri það
sem þeir væru að leita að.
60-70 milljónir dollara
– Þetta er afar umfangsmikil framleiðsla?
„Já, miðað við sjónvarp er hún það.“
– Veistu hver er heildarkostnaður við gerð
þáttaraðarinnar?
„Þetta eru tíu þættir og kostnaðurinn nemur
um 60-70 milljónum dollara,“ svarar Newman,
þ.e. allt að 8,4 milljörðum króna. „Stundum
vildum við þó hafa úr meira fé að spila, fyrir
tæknibrellur og slíkt sérstaklega.“
– Þessir þættir hafa notið mikillar velgengni,
ekki satt?
„Jú, nógu mikillar til þess að HBO telur sig
hafa gott efni í höndunum,“ svarar Newman.
– Hafið þið lent í einhverjum vandræðum í
tökum hérna?
„Nei, einu vandræðin hafa tengst vali á töku-
stöðum sem er okkur sjálfum að kenna. Við
komum hingað að vetrarlagi sem er gott fyrir
það útlit sem við erum að sækjast eftir en
slæmt hvað dagsbirtu varðar. Það er áskorun
fyrir okkur að ljúka tökum í dagsbirtu. Við
þurfum að laga okkur að því, gera allt klárt í
myrkrinu og lýsa upp svæðið svo við getum at-
hafnað okkur,“ segir Newman. Allt hafi þó
gengið vel til þessa og leikarar hæstánægðir
með að hafa fengið að fara til Íslands.
– Hvað er norðan Veggjarins?
„Næturverðirnir halda að norðan Veggjarins
séu villimenn sem fari um ránshendi, líkt og
menn óttuðust indjána í villta vestrinu forðum í
Ameríku. Þeir átta sig á því, þegar þangað er
komið, að eitthvað mun verra er á ferðinni, líkt
og mikil illska sé að vakna af löngum dvala.
Þess vegna er sagt að vetur sé í nánd (slagorð
þáttanna er „Winter is Coming“) og er þá ekki
aðeins átt við veðurbreytingar heldur nýjan
óvin,“ svarar Newman. Í bókunum
sem þættirnir eru byggðir á séu
árstíðirnar óhemjulangar, sögu-
persónur minnist vetrar sem stóð í
tíu ár. Að lokum spyr blaðamaður
hvort líkur séu á því að fleiri
þáttaraðir verði teknar á Ís-
landi. Newman segir það
velta á því hversu vel tök-
urnar gangi. Gangi vel
séu líkurnar góðar.
Hann vilji í það
minnsta snúa aftur.
Norðan
Veggjarins
 Umfangsmiklar tökur á annarri þáttaröð
Game of Thrones standa yfir við Svínafellsjökul
Vígalegur Leikarinn Kit Harrington í fullum herklæðum á tökustað við Svínafellsjökul í vik-
unni. Harrington er einn af aðalleikurum þáttanna ævintýralegu Game of Thrones.
Þættirnir Game of Thrones eru byggðir á
sagnabálki bandaríska metsöluhöfundarins
George R.R. Martin, A Song of Ice and Fire.
Fyrsta bókin kom út árið 1996 og hét hún
Game of Thrones. Sögusvið sagnanna er
tilbúinn miðaldaheimur og fara þær að
mestu fram í heimsálfunni Westeros og
einnig álfunni Essos. Flestar sögupersóna
eru menn en einnig koma við sögu drekar
og aðrar ævintýraskepnur.
Fyrsta bókin segir af valdabaráttu
nokkurra konunga um yfirráð yfir
Westeros allri. Þeir vilja sölsa
undir sig svonefnda Járnkrúnu
en ógn steðjar að úr norðri, frá
villimönnum annars vegar og
yfirnáttúrulegum verum hins
vegar sem nefndar eru Hinir og búa norðan
gríðarstórs veggjar, Veggjarins svonefnda,
sem markar landamæri Westeros og á að
vernda íbúa álfunnar fyrir Hinum. Svonefnt
Bræðralag næturvaktarinnar stendur vörð
við Vegginn og í því liði er óskilgetinn kon-
ungssonur, Jon Snow. Þá segir einnig af út-
lægri konungsdóttur, Daenerys Targaryen.
Faðir hennar var myrtur og sviptur Járn-
krúnunni og hyggst hún endurheimta hana
og þar með völd sín yfir álfunni. Járnkrúnan
skiptir um hendur í fyrstu þáttaröð Game of
Thrones með mannvígum og djöfullegu
ráðabruggi. Erfitt er að rekja söguþráð
sagnabálksins í stuttu máli þar sem hann er
býsna snúinn og bækurnar eru orðnar fimm
talsins.
Valdatafl í miðaldaheimi Martins
SAGNABÁLKURINN A SONG OF ICE AND FIRE
George R.R. Martin
Chris Newman
hbo.com/game-of-thrones
Rithöfundurinn Bergljót Arnalds
datt illa af hestbaki um síðustu helgi
við myndatöku fyrir nýja bók sína,
Íslensku húsdýrin og Trölli. Tveir
hryggjarliðir féllu saman, þykir
mildi að ekki fór verr. Skv. tilkynn-
ingu frá útgefanda bókarinnar, For-
laginu, lá Bergljót á hestinum sem
jós með þeim afleiðingum að hún
kastaðist af baki og lenti illa. Berg-
ljót þarf að ganga með hryggspelku
næstu þrjá mánuði, að því er fram
kemur í tilkynningunni.
Í bókinni Íslensku húsdýrin og
Trölli eru börn frædd um íslensku
húsdýrin í gegnum ævintýri um
tröllastrák sem ratar ekki heim til
sín og þarf á hjálp dýranna að halda.
Óhapp Bergljót kastaðist af hest-
baki og slasaðist.
Datt illa af
hestbaki