Monitor - 08.12.2011, Side 6

Monitor FIMMTUDAGUR 8. DESEMBER 20116
Mynd/Golli
Hvar lærðir þú fatahönnun?
Ég lærði fatahönnun í Listaháskóla Íslands. Þetta er þriggja
ára nám og ég útskrifaðist þaðan núna í vor.
Hvað varð til þess að þig langaði að læra fatahönnun?
Ég veit það ekki alveg. Ég fékk þessa hugmynd þegar ég var
sautján eða átján ára. Ég hætti í menntaskóla og byrjaði að
vinna hér, í Herrafataverslun Kormáks og Skjaldar. Hér fékk
ég svo reynslu af þessu og öllu í kringum þetta og síðan í
framhaldinu byrjaði ég í Listaháskólanum árið 2008.
Hvað hafa verið stærstu verkefni þín til þessa?
Ég gerði þrjár herralínur í skólanum og eina dömulínu. Ég
hannaði línu fyrir Herrafataverslun Kormáks og Skjaldar
í fyrra, svo þetta er önnur línan sem er seld hér í búðinni
eftir mig. Síðan voru föt úr útskriftarlínunni minni notuð í
GusGus-myndbandinu fyrir lagið „Over“ og myndi ég segja að
það hafi verið stærsta og fl óknasta verkefnið mitt til þessa.
Goth báðum megin heitir línan. En svo hannaði ég einnig
aukalega kjól á Urði fyrir GusGus-myndbandið. Síðan gerði
ég „cover“ fyrir Retro Stefson, hannaði sviðsmynd fyrir þá og
búninga.
Áttu þér fyrirmynd í fatahönnun?
Ég á mér ekki beint fyrirmynd en Alexander McQueen hefur
alltaf verið í miklu uppáhaldi, hann hefur gert svo mikið fyrir
herratísku. Hann var lærður klæðskeri og mér hefur alltaf
fundist hönnunin hans vönduð, karlmannleg og fl ott.
Hvað er svo næst á dagskrá hjá þér?
Að lokinni jólatörn tekur við að hanna línu og klára pródó-
týpur fyrir næsta vor og koma í framleiðslu í verksmiðju
okkar. Það verður fyrsta verksmiðjuframleiðslan hjá Kormáki
og Skildi. Að því loknu tekur við að hanna haustlínu fyrir
2012 og þurfum við því að vinna hratt og vel. Svo er ég að
vinna að nýju verkefni ásamt góðum vinum sem stefnt er á
að komi út í vor. Einnig mun ég hanna búninga fyrir nýtt verk
Jóns Atla Jónassonar, sem sýnt verður í Borgarleikhúsinu.
Hvar verslar þú helst fötin þín?
Ég versla fl est öll mín föt í Herrafataverslun Kormáks og
Skjaldar, eðlilega. Þar get ég pantað inn allt sem mig langar í!
Getur þú lýst nýju línunni þinni hjá Kormáki og Skildi?
Í nýju línunni nota ég breska ull og bómull ásamt íslensku
prjóni og íslensku lambaleðri. Línan er klassísk en brotin
upp með fallegum smáatriðum sem minna helst á skotveiði.
Línan samanstendur af vestum, buxum, jökkum, prjónavest-
um og slaufum.
lh
Klassísk lína með
fallegum smáatriðum
Ný fatalína Herrafataverslunar Kormáks og Skjaldar var frumsýnd á dögunu
m.
Línan er hönnuð af Guðmundi Jörundssyni, einum efnilegasta fatahönnuði
landsins .
Stíllinn hitti á Guðmund og spurði hann út í nýju línuna, námið og stærstu ve
rkefnin.
TEKIÐ SKAL FRAM AÐ SKEGGIN
FYLGJA EKKI MEÐ FÖTUNUM
Myndir/Baldur Kristjáns
stíllinn