Monitor - 15.12.2011, Page 6
Hvernig vildi það til að kórinn ykkar varð hluti af hinu
magnaða verki Bjarkar, Bíófílíu? Hver voru þín fyrstu
viðbrögð þegar þú heyrðir af þessu?
Björk var sjálf að leita að kór til að taka þátt í þessu
verkefni. Henni var bent á kórinn okkar og hafði í
kjölfarið samband við kórstjórann okkar. Síðan þá hefur
þetta undið verulega upp á sig. Mín fyrstu viðbrögð voru
eiginlega þannig að ég spurði bara hvort verið væri að
plata mig (hlær). Síðan leiddi maður hugann að því hvað
þetta væri magnað tækifæri.
Hvernig er að æfa og koma fram með sjálfri Björk?
Það er alveg ótrúleg reynsla. Hún er svo svakalega frjó
og uppfull af hugmyndum en jafnframt svo jarðbundin.
Það er rosalega skemmtilegt að fá að fylgjast með því
hvernig hún vinnur. Maður hefur stundum velt því fyrir
sér hvernig maður varð svona heppinn að fá að taka þátt
í þessu.
Farið þið út á lífi ð með Björk eftir tónleika?
Kynni okkar af henni eru kannski fyrst og fremst bara
í gegnum tónlistina, á æfi ngum og í kringum tónleika.
Þegar við klárum tónleikaröð á ákveðnum stað þá hafa
samt verið haldin eftirtónleikapartí og þá er slett vel úr
klaufunum.
Í sumar sunguð þið með Björk á tónleikum í Manchest-
er og á hátíðum á Englandi. Á nýju ári haldið þið síðan
út um allar trissur, meðal annars til Spánar, Rússlands,
Brasilíu og til Danmerkur á Hróarskeldu. Hvernig er að
túra um heiminn eins og rokkstjarna?
Ég held að ég tali fyrir okkur allar þegar ég segi að við
séum mjög spenntar fyrir þessu. Þetta verður auðvitað
aðeins öðruvísi heldur en í sumar, að fara svona á
milli og stoppa stutt á hverjum stað. Þegar við vorum í
Manchester stoppuðum við þar í heilan mánuð. Maður
er einmitt mjög spenntur fyrir því að upplifa þetta
svokallaða „rokkstjörnulíferni“, að fara á milli tónlistar-
hátíða og fá að koma fram fyrir tugi þúsunda áhorfenda.
Það má segja að við teljum niður dagana í brottförina.
Þurfi ð þið að slíta ykkur frá námi og starfi til að halda í
þessi tónleikaferðalög?
Þetta er auðvitað töluverð fjarvera en hingað til hafa
fl estir í kringum okkur sýnt þessu mikinn skilning. Fólk
áttar sig á því hvað þetta er frábært tækifæri fyrir okkur.
Svo ég tali fyrir sjálfa mig þá hef ég fengið mikinn skiln-
ing frá mínum vinnuveitendum og ég held að það sama
eigi við um allfl estar. Þetta er kannski erfi ðast fyrir þær
sem eru í námi ef þetta rekst til dæmis á prófatímabil.
Heimildir Monitor herma að þú sért mamma hópsins.
Hvernig lýsir það sér?
Ég hugsa að það sé nokkuð til í því (hlær). Ég geri mitt
besta til að passa upp á að allar stelpurnar viti alltaf allt
sem þær þurfa að vita og muni það sem þær þurfa að
muna. Þetta æxlaðist bara einhvern veginn svona en það
er bara hið besta mál.
Fyrir hvaða áfangastað í komandi heimsfl akki ert þú
spenntust fyrir?
Mér fi nnst allir staðirnir í Suður-Ameríku hrikalega
spennandi og eins Moskva í Rússlandi. Þetta eru staðir
sem maður hefur ekki komið til áður og þeir voru
kannski ekki beint inni í ferðaplaninu manns á næstu
árum. Þetta er sem sagt ekki bara stórt tækifæri hvað
varðar tónlist og kórstarfi ð heldur líka bara fyrir okkur
að sjá heiminn.
elg
Telja niður dagana
Mynd/Kristinn
Monitor FIMMTUDAGUR 15. DESEMBER 20116
Kórinn Graduale Nobili hefur vakið mikla athygli fyrir söng sinn með Björk
í Bíófílíu og halda þær í tónleikaferðalög út um heim allan með söngkonunn
i
á nýju ári. Vigdís Sigurðardóttir svaraði spurningum Monitor fyrir hönd kórs
ins.
VIGDÍS Á
30 SEKÚNDUM
Fyrstu sex: 030684.
Staða: Lögfræðingur.
Uppáhaldsmatur: Sushi.
Uppáhaldsstaður í heiminum: París.
Uppáhaldsjólasveinn: Stúfur.