Monitor - 21.12.2011, Blaðsíða 13
Bræðurnir Ari Eldjárn og Halldór Eldjárn eru hugmyndaglaðir
þegar kemur að jólagjöfum eins og öðru. Þeir deildu bestu jóla-
gjöfunum sem þeir hafa fengið frá hvor öðrum með Monitor.
Stal tölvumús
fyrir litla bróður
Mynd/Sigurgeir S.
13 MIÐVIKUDAGUR 21. DESEMBER 2011 Monitor
Ari Eldjárn
Fimm bestu gjafi rnar sem
Halldór hefur gefi ð mér:
1
Ég hef lengi haft dálæti á teiknimyndasögunum Red
Meat eftir Dan Cannon. Halldór tók sig til þegar hann
var 13 ára og málaði á striga eina aðalpersónuna,
heimilisföðurinn Ted, þar sem hann er að æla sjampói. Þetta
hékk lengi upp á vegg hjá mér þegar ég bjó í íbúðarkompu á
Smiðjustíg en er sennilega komið í geymslu núna.
2
Fyrir tiltölulega fáum árum fékk ég mjög þungan
pakka frá Halldóri, sem ég hlakkaði mikið til að opna.
Í ljós kom hveitipoki. Gjöfi n reyndist svo vera
kennslustund í brauðbakstri, hann kom í heimsókn og
kenndi mér hvernig maður bakar einfalt brauð. Og ekkert
svona speltkjaftæði, bara fransbrauð upp á gamla móðinn.
3
Þegar Halldór var ennþá smábarn gaf hann mér oft
frábærar kvikmyndir í jólagjöf. Mig minnir að hann
hafi gefi ð mér Deliverance og Texas Chainsaw
Massacre þegar hann var þriggja ára. Ég viðurkenni þó að ég
fékk að leiðbeina honum í kaupunum, auk þess sem ég
framkvæmdi þau fyrir hann. En hann var samt svo bráð-
þroska að hann hefði alveg getað valið þessar myndir sjálfur,
hefði hann séð þær.
4
Ein af fyrstu gjöfunum sem Halldór valdi sjálfur var
upptakari. Þetta var svona lítil plasteftirlíking af fullu
bjórglasi og með segulstáli til að festa á ísskáp. Hann
var mjög stoltur þangað til það kom í ljós að gjöfi n frá mér
var miklu stærri. Þá vorkenndi hann mér svo mikið að hann
hefur alltaf gefi ð mér magnaðar gjafi r síðan þá.
5
Jólin 2005 gaf ég Halldóri nýjustu Hugleiksbókina,
mig minnir að hún hafi heitið Drepið okkur. Þegar ég
opnaði gjöfi na frá honum kom í ljós að hann hafði
gefi ð mér sömu bókina. Mig minnir samt að ég hafi gefi ð
honum betra eintak.
Halldór Eldjárn
Fimm bestu gjafi rnar sem
Ari hefur gefi ð mér:
1 Besta gjöf sem ég hef fengið frá Ara var mjög þunn og ómerkileg. Undir jólatrénu lá umslag frá skattin-um með áletruninni „ÍTREKUN“. Reyndar voru í
þessu umslagi miðar á tónleika með Police í Danmörku! Þessi
ferð var algjör snilld að öllu leyti, enda er Ari skemmtilegasti
ferðafélagi sem fyrirfi nnst.
2 Næst á lista er mín fyrsta sneriltromma. Ari eyddi miklu púðri í að gera upp fyrir mig gamla snerilt-rommu sem hafði séð sína daga fegurri. Ég fékk hana
upppússaða og krómgljáandi með glænýju skinni, en þetta
hafði grey drengurinn dúllað sér við að gera nokkrar vikur
fyrir jól. Fegurri hlut hafði ég ekki litið áður. Það var á því
augnabliki sem mig langaði að byrja að læra á trommur.
3 Ég hafði mikinn áhuga á kvikmyndagerð sem ungur drengur. Því var ég að vonum glaður þegar Ari gaf mér eina Super 8 kvikmyndafi lmu. Hún var reyndar
bara þrjár mínútur og var þeim annmörkum háð að ef hún
væri ekki geymd á réttan hátt myndi hún brenna. Samt sem
áður frábær gjöf fyrir ungan ofurhuga.
4 Þegar ég var níu ára byrjaði ég að safna gömlum Apple-tölvum. Einn daginn var mér mikið niðri fyrir þar sem ég hafði týnt einu músinni sem virkaði við
tölvurnar, svo ég gat ekki notað þær lengur. Ari frétti af
þessari harmsögu, en ákvað að grípa inn í og gerði dauðaleit
að slíkri mús fyrir mig um allan bæ. Fann hann að lokum
eina þannig á skrifstofu hjá ónefndu fyrirtæki niðri í bæ, og
hnuplaði henni þaðan til að gefa mér í jólgjöf.
5 Einhver jólin gaf Ari mér bókina Drepið okkur eftir Hugleik Dagsson. Það var nú ágæt gjöf, fyrir utan það að ég gaf honum alveg sömu bók. Hins vegar held ég
að eintakið sem hann gaf mér hafi verið öllu betra og sá ég þá
mikið eftir að hafa gefi ð honum þessa gjöf.
VIÐ
H
JÁ
M
O
N
IT
OR
ÓS
KUM YKKUR GLEÐILEG
RA JÓLA
Gjafi r okkar bræðra lituðust
framan af af því að ég hafði
meiri kaupmátt en Halldór, enda 10
árum eldri. Ég vil samt meina að
hann hafi alltaf gefi ð mér betri gjafi r
því það liggur oftast einhver hug-
myndavinna að baki hjá honum.
- Ari Eldjárn