Morgunblaðið - 07.02.2012, Blaðsíða 11

Sigur Lísbet fagnar eftir að hafa komist ásamt systur sinni upp á topp á Kaldbak við Eyjafjörð s.l. haust í snjó.
þakka, því það er svo mikil og góð
hvatning að taka þátt í því verkefni.
Ég tók fyrst þátt í Lífshlaupinu fyr-
ir fimm árum, þegar það fór af stað í
fyrsta sinn. Á þeim tíma synti ég
reglulega í Laugardalslauginni og
þar hitti ég sundkonu sem sagði
mér hversu hvetjandi það væri að
skrá sig í Lífshlaupið til að hafa yf-
irlit yfir hversu mikið maður hreyfði
sig. Ég synti, hjólaði og gekk, en
hægt er að ná platínumerki í Lífs-
hlaupinu með því að hreyfa sig dag-
lega í 30 mínútur eða meira í 335
daga og mér tókst að gera það, sam-
fleytt. Ég er mjög þakklát fyrir að
vera svo hraust að hafa aldrei verið
veik í heilt ár og þar af leiðandi get-
að hreyft mig á hverjum degi. Ég
tel reyndar að hreystin sé hreyfing-
unni að þakka, en ég tek líka lýsi og
hugsa vel um mataræði mitt.“
Á hækjum í marga mánuði
Lísbet segist vera stolt af því
að ná þessum platínuárangri, sér-
staklega í ljósi þess að hún lenti í
aðgerð sem ekki átti að gera á hné
árið 2009 og hún átti aldrei að geta
náð sér. „Ég var á hækjum í marga
mánuði og ég mátti ekki tylla í fót-
inn í hálft ár. Það var ekki auðvelt
fyrir manneskju eins og mig sem
var vön að hreyfa sig mikið. En að
lokum tók ég þá ákvörðun að láta
þetta ekki eyðileggja líf mitt og ég
ætlaði ekki að láta þetta stoppa mig
í því að stunda hreyfingu. Ég fór því
af stað þó hægt gengi í byrjun og
Lífshlaupið kom sterkt inn í því að
halda mér við efnið. Ég segi stund-
um að ég hafi gengið mig út úr þess-
um hnjávandamálum. En það var
ekki átakalaust og ég fann til í
hverju skrefi til að byrja með og
bólgnaði, en þannig er það ekki
lengur. Ég finn vissulega ennþá til,
en það er minna en áður var. Áður
en ég fór í þessa aðgerð þá gekk ég
einu sinni til tvisvar í viku upp á
Esjuna á sumrin og líka stöku sinn-
um á veturna. Núna geri ég eðli
málsins samkvæmt minna af því að
fara á fjöll.“
Líka næring fyrir sálina
Lísbet segist vera orðin háð því
að hreyfa sig. „Ætli ég sé ekki orðin
fíkill að þessu leyti. Þegar snjórinn
var sem mestur núna um daginn þá
tók ég strætó í vinnuna á morgnana
en gekk alltaf heim, alveg sama
hvernig veðrið var. Ég óð bara
skaflana og það var dásamlegt, ég
kom alltaf endurnærð heim,“ segir
Lísbet sem byrjaði að stunda reglu-
lega hreyfingu þegar hún var um
fimmtugt. „Þá var ég aðallega í
sundi en bætti við fjallgöngunum
þegar ég frétti af sundhópi sem var
á leið til Grænlands í gönguferð. Ég
skellti mér með þeim og það var frá-
bær ferð. Í framhaldi af því fór ég í
gönguferð til Perú og ég hef farið í
margar lengri gönguferðir síðan,
innanlands og utan. Ég gekk til
dæmis í Himalaya á Indlandi á fjall-
ið Stok Kangri árið 2005, en það er
hvorki meira né minna en 6.154
metrar að hæð. Ég hef farið nokkr-
um sinnum á Hvannadalshnjúk og
önnur íslensk fjöll, ég gekk til dæm-
is yfir Skeiðarárjökul. Það sem
dregur mig upp á fjöll er sú stað-
reynd að ég finn helgidóm kyrrð-
arinnar á fjöllum. Og ég get vissu-
lega líka fundið svipaða tilfinningu á
göngu meðfram hafinu hér við borg-
ina. Þetta er semsagt ekki síður
næring fyrir sálina en líkamann,“
segir Lísbet sem tekur á hverju ári
þátt í Lífshlaupinu og núna er hún
bæði skráð í einstaklingskeppnina
og í vinnustaðahóp. „Ég fæ mikið út
úr því að skrá niður alla mína hreyf-
ingu og hafa góða yfirsýn. Ég er
með sérstakt úr sem er með skrefa-
teljara og svo er ég líka með kíló-
metrateljara á hjólinu.“
Ljósmynd/Margrét Rósa Grímsdóttir
Stuðningsmenn New York Giants
fögnuðu heldur betur um helgina,
en liðið vann meistartitilinn í Of-
urskálinni, „Superbowl“, á sunnu-
daginn.
Leikurinn fór fram á Lucas Oil-
leikvanginum í Indianapolis en New
York Giants kepptu þar á móti
New England Patriots og unnu Gi-
ants með 21 stigi á móti 17.
Öll umgjörð leiksins þótti til
fyrirmyndar og átti söngkonan
Madonna stórleik í hálfleik þegar
hún tróð upp í heljarinnar dans-
og söngvaatriði. Hér má sjá smá
nokkrar svipmyndir af sig-
ursælum Giants-stuðnings-
mönnum.
Úrslit í Ofurskálinni
Ljósmyndir/ Reuters
Sæl Móðir John Mara, eiganda Giants. Kátur Sonur Giants leikmannsins Chris Snee býr til engla í konfettískafli.
Sigurvíma Aðalþjálfari New York Giants, Tom Coughlin, fagnar rækilega.
Smart Söngkonan
Katy Perry og vinkona
hennar tóku klæðn-
aðinn alla leið. For-
eldrar Katy vilja að hún
giftist NFL-stjörnunni
Tim Tebow.
Stuðningsmenn Giants fagna meistaratitli helgarinnar
DAGLEGT LÍF 11
MORGUNBLAÐIÐ ÞRIÐJUDAGUR 7. FEBRÚAR 2012
Laugavegshlaupið er er 55 kílómetra
hlaup sem verður æ vinsælla. Það fer
fram í sumar hinn 14. júlí og nú ætlar
Hlaup.is í samvinnu við Sigurð P.
Sigmundsson að bjóða upp á 4 mán-
aða undirbúningsnámskeið fyrir þetta
hlaup. Þetta undirbúningsámskeið
verður frá 8. mars til 14. júlí og þeir
sem ætla að leiðbeina eru hinir reyndu
hlauparar Sigurður P. Sigmundsson,
fyrrverandi Íslandsmethafi í maraþoni
og margreyndur Laugavegsfari, og
Torfi H. Leifsson, umsjónarmaður
hlaup.is.
Í tilkynningu á hlaup.is segir að til
að tryggja að hlaupið verði ánægjuleg
og skemmtileg reynsla og að sem
bestur árangur náist í hlaupinu án
áfalla, sé mjög mikilvægt að undirbúa
sig vel.
Árlegur fjöldi hingað til hefur verið
á bilinu 30-40 manns og hafa þátttak-
endur lokið hlaupinu á bilinu 5:00 klst.
til 9:00 klst. Námskeiðið hentar því
fólki á öllum aldri og á mismunandi
getustigi. Tekið er mið af persónu-
legum áætlunum af getu hvers og eins
og áætlanir sniðnar að markmiðum
hvers hlaupara.
Æskilegt er að allir skrái sig fyrir 1.
mars en þó verður skráning opin út
marsmánuð. Undirbúningsfundur
verður fimmtudaginn 8. mars kl. 20 í
fyrirlestrarsal á 3. hæð í húsi ÍSÍ í
Laugardalnum.
Í undirbúningnum felst eftirfarandi:
 Persónuleg áætlun allan tímann, en
til 4 vikna í senn, sem tekur mið af
fyrri hlaupareynslu, meiðslum, núver-
andi stöðu og fleiru.
 Farið verður sérstaklega í styrktar-
æfingar sem nýtast fyrir Laugavegs-
hlaupið.
 Ein samæfing í miðri viku. Í Laug-
ardalnum fram í miðjan apríl en eftir
það til skiptis í Laugardal og Heið-
mörk ásamt fleiri stöðum.
 Ráðgert er að fara sameiginlega í
nokkur fjallahlaup (Esjan, Hengillinn,
Helgafell) í maí og júní.
 Fyrirlestur í upphafi þar sem farið
verður yfir alla þætti í undirbúningi,
æfingarnar, útbúnað og fleira.
 Aðgangur að þjálfurunum allan tím-
ann í tölvupósti og/eða í síma.
 Farið yfir ýmsa þjálfunarfræðilega
þætti og frekari undirbúning á æfing-
um.
 Fyrirlestur einni viku fyrir Laugaveg-
inn þar sem farið verður yfir loka-
undirbúninginn.
 Öllum sem taka þátt í námskeiðinu
verður fylgt eftir í Laugavegshlaupinu.
Þjálfarar verða til staðar við upphaf
hlaups og taka á móti öllum við enda-
markið.
Mánudaginn 16. júlí verður haldin
grillveisla fyrir hópinn þar sem upplif-
unin af Laugavegshlaupinu verður
rædd og fleira.
Þeir sem vilja skrá sig eða hafa
spurningar geta sent póst á Torfa H.
Leifsson, torfi@hlaup.is, eða hringt í
hann í síma 845-1600. Einnig er hægt
að senda póst á Sigurð P. Sigmunds-
son: siggip@hlaup.is, eða hringja í
sími 864-6766. Líka er hægt að skrá
sig beint á vefslóðinni hlaup.is.
Undirbúningsnámskeið fyrir Laugaveginn
Morgunblaðið/Árni Sæberg
Landmannalaugar Þar er fegurst á sumrin en Laugavegshlaupið hefst þar.
Laugavegsnámskeið 2012