Morgunblaðið - 07.02.2012, Blaðsíða 16

16 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 7. FEBRÚAR 2012
Börkur Gunnarsson
borkur@mbl.is
Icelandair Group hf. hefur selt dótt-
urfélagið SmartLynx í Lettlandi.
Síðan fjárhagslegri endurskipulagn-
ingu Icelandair Group hf. lauk árið
2010 hefur staðið til að selja dótt-
urfélag þess, SmartLynx í Lett-
landi. Fyrst var gengið í það að selja
Blue bird og Travel Service í Tékk-
landi og í lok árs 2011 var síðan
gengið frá samningi við stjórnendur
SmartLynx um kaup á öllu hlutafé
félagsins.
Salan er bókfærð á árinu 2011 og
hefur jákvæð áhrif á afkomu Ice-
landair Group að fjárhæð 1,1 millj-
arð króna, þar af eru tekjuskatts-
áhrif jákvæð um 700 milljónir króna.
Áhrif á eigið fé eru óveruleg.
Aðspurður hvert söluverðið hafi
verið segir Björgólfur Jóhannsson,
forstjóri Icelandair Group hf., að
þeir gefi það ekki upp. „Stjórnenda-
hópurinn sem keypti þetta er sam-
bland af Íslendingum og heima-
mönnum og óskum við þeim góðs
gengis. Við einblínum á Ísland.“
Eftir söluna er Icelandair Group
enn í ábyrgð fyrir leigugreiðslum á
tveimur Airbus 320 vélum en
ábyrgðin rennur út í apríl 2012.
Jafnframt er Icelandair Group í
ábyrgð vegna leigu á tveimur Bo-
eing 767 vélum og renna þeir leigu-
samningar út í lok árs 2012. Allar
þessar flugvélar eru reknar á flug-
rekstrarskírteini SmartLynx.
Icelandair Group keypti Smart-
Lynx árið 2006 og gekk rekstur þess
ágætlega fyrstu árin. „En það er bú-
ið að vera gríðarlegt tap á þessu und-
anfarin ár,“ segir Björgólfur. Árið
2009 var gjaldfært 4,2 milljarða tap
hjá Icelandair Group, mikið til vegna
SmartLynx.
Að sögn Björgólfs er félagið einnig
að skoða viðbótarskráningu í kaup-
höllina í Ósló auk þess sem ákveðið
hefur verið að breyta um uppgjörs-
mynt. Frá með 1. ársfjórðungi 2012
verða reikningar Icelandair gerðir
upp í Bandaríkjadölum.
Lettneska flugfélagið
selt stjórnendahópi
 Verðið ekki gefið upp  Icelandair skoðar skráningu í Osló
Ljósmynd/SmartLynx
Selt Ævintýri Íslendinga í Lettlandi er kannski ekki alveg á enda þar sem
sumir af nýju kaupendunum eru Íslendingar í bland við heimamenn.
SmartLynx
» Árið 1992 stofnuðu fjórir
flugmenn flugfélagið Lat-
Charter í Riga í Lettlandi.
» Árið 2006 keyptu Loftleiðir
(Icelandair Group hf.) 55%
hlutabréfa flugfélagsins.
» Árið 2007 var nafni félags-
ins breytt í SmartLynx.
» Gengið var frá sölu Smart-
Lynx í lok síðasta árs.
Forsætisráð-
herra Portúgals,
Pedro Passos
Coelho, þvertek-
ur fyrir það í
samtali við Reu-
ters-fréttaveit-
una að hætta sé
á að hliðstætt
ástand skapist í
efnahagsmálum
landsins og
gerst hefur í Grikklandi. „Við
munum ekki leyfa því að gerast
hér sem gerðist í Grikklandi,“
sagði Coelho.
Hann fullyrðir að skuldastaða
portúgalska ríkisins sé viðráðan-
leg en skuldir portúgalska ríkisins
eru 105% af landsframleiðslu sam-
anborið við 160% í Grikklandi.
Erum ekki
Grikkland
Pedro Passos
Coelho
94% landsmanna telja íslensk fyrir-
tæki skipta öllu eða miklu máli þegar
kemur að því að skapa góð lífskjör á
Íslandi samkvæmt könnun sem
Capacent Gallup vann fyrir Við-
skiptaráð Íslands í janúarmánuði. Í
fréttatilkynningu frá Viðskiptaráði
er skrifað: „Segja má að þessi al-
mennu viðhorf endurspegli þá upp-
byggilegu sýn að 170 þúsund íslensk
heimili og 30 þúsund íslensk fyrir-
tæki myndi órofa heild.
Nánar verður fjallað um þetta
samhengi atvinnulífs og lífskjara á
árlegu Viðskiptaþingi Viðskiptaráðs
Íslands undir yfirskriftinni „Hvers
virði er atvinnulíf?“, en þingið fer
fram miðvikudaginn 15. febrúar
næstkomandi. Ræðumenn munu
veita gestum innsýn í hvernig íslensk
fyrirtæki skapa virði úr makríl, nýj-
um áfangastöðum, hönnun, gagna-
verum og sérstöðu Íslands. Þá verð-
ur fjallað um mikilvægi framtíðar-
sýnar og mótunar stefnu til lengri
tíma.“
Vinna með atvinnulífinu
Þegar rætt er við Þórdísi Bjarna-
dóttur, lögfræðing Viðskiptaráðs Ís-
lands, um niðurstöðu könnunar
Capacent segir hún að þetta hafi ekki
komið þeim á óvart. „Þarna sjáum
við svart á hvítu hvernig afstaða al-
mennings er,“ segir Þórdís. „Þetta
áréttar skilaboð okkar um að þegar
breytingar eru gerðar á grunnstoð-
um samfélagsins, kerfisbreytingar
og skattabreytingar, að þá eigi það
að vera í sátt við atvinnulífið. At-
vinnulífið er undirstaða lífskjaranna.
Atvinnulífið er grunnurinn að því að
við getum byggt upp samfélagið og
viðhaldið þeim lífskjörum sem við
höfum. Það er mikilvægt að vinna
með atvinnulífinu en ekki gegn því.“
Þingið fer fram á Hilton Reykja-
vík Nordica, miðvikudaginn 15. febr-
úar. Skráningargjald er 12.000 krón-
ur fyrir félagsmenn Viðskiptaráðs,
en 15.000 krónur fyrir utanfélags-
menn.
borkur@mbl.is
Telja fyrirtækin skipta sköpum
 94% landsmanna telja fyrirtæki
skipta sköpum til að skapa góð lífskjör
Morgunblaðið/Áki Guðmundsson
Lífskjör Að vinna gegn atvinnulífi í
landinu getur ekki talist heppilegt.
Fyrirtæki seldu ruslbréf á heimsvísu
fyrir metupphæð í síðustu viku sem
er enn ein vísbendingin um vaxandi
ásókn fjárfesta í hávaxtabréf fyrir-
tækja með lágt lánshæfismat. Fram
kemur í Financial Times að útgáfa
slíkra bréfa hafi numið 19,6 milljörð-
um Bandaríkjadala.
Fjármagnskostnaður fyrirtækja
með lánshæfi í ruslflokki er töluvert
hærri borið saman við skuldabréfa-
útgefendur sem flokkast fjárfesting-
arhæfir og því er aðgengi slíkra
fyrirtækja að lánsfjármagni bæði
takmarkaðra og dýrara. Þrátt fyrir
það hefur mátt merkja vaxandi eft-
irspurn eftir skuldabréfum slíkra
fyrirtækja – ekki síst í Evrópu.
Þessi þróun ætti ekki að koma
mjög á óvart. Á meðan bankar halda
að sér höndum þegar kemur að út-
lánum þá þurfa fyrirtæki í auknum
mæli að reiða sig á skuldabréfa-
markaði til að sækja sér fjármagn. Á
sama tíma eru vextir í sögulegu lág-
marki í Evrópu og Bandaríkjunum
og því hafa margir fjárfestar séð
tækifæri í hávaxtabréfum fyrirtækja
með lélegt lánshæfismat.
Þýska verktakafyrirtækið Scha-
effler gaf út skuldabréf í bæði evrum
og Bandaríkjadölum – 1,2 milljarða
dala og 1,1 milljarð evra – fyrir sam-
tals 2 milljarða evra í síðustu viku.
Bréfin eru til fimm og sjö ára og
nema vextirnir á bilinu 7,75% til
8,75%. Það er mat sérfræðinga að
þessi þróun haldi áfram á árinu og
fyrirtæki muni þurfa að reiða sig á
fjármagnsmarkaði til að sækja sér
lánsfé í stað fjármálastofnana.
hordur@mbl.is
Gríðarleg ásókn í ruslbréf
fyrirtækja á heimsvísu
 Ruslbréf seld fyrir 20 milljarða dala í síðustu viku
Reuters
Ruslbréf Á meðan vextir eru í lágmarki beggja vegna Atlantsála sjá fjár-
festar tækifæri í hávaxtabréfum fyrirtækja með lágt lánshæfismat.
● Hrein eign lífeyrissjóða nam 2096,7
milljörðum króna í lok desember 2011
og hafði aukist um 18,7 milljarða frá
lokum nóvember eða um 0,9%. Útlán
og verðbréfaeign hækkuðu um 9,3
milljarða á milli mánaða. Þar af hækk-
aði innlend verðbréfaeign um 3 millj-
arða króna og nam um 1519 milljörðum.
Erlend verðbréfaeign hækkaði hins veg-
ar um 6 milljarða, eða 1,3% á milli mán-
aða, og nam því um 470 milljörðum.
Bankainnstæður hækkuðu um 6,3
milljarða í desember og námu samtals
158 milljörðum í lok síðasta árs.
Eign lífeyrissjóða jókst
um 18,7 milljarða
● Skipulagsbreyt-
ingar hafa verið
gerðar á yfirstjórn
Sjóvár. Elín Þór-
unn Eiríksdóttir
hefur verið ráðin
framkvæmdastjóri
sölu- og ráðgjafar-
sviðs. Elín er við-
skiptafræðingur að
mennt og hefur
undanfarin 5 ár
starfað hjá Símanum, lengst af sem
framkvæmdastjóri fyrirtækjasviðs.
Valdemar Johnsen, aðallögfræð-
ingur Sjóvár, hefur tekið við sem fram-
kvæmdastjóri vátryggingasviðs, sem er
nýtt svið hjá Sjóvá. Valdemar mun sem
fyrr gegna starfi aðallögfræðings hjá fé-
laginu.
Breytingar hjá Sjóvá
Elín Þórunn
Eiríksdóttir
● Alls var 70 kaupsamningum þinglýst
á höfuðborgarsvæðinu 27. janúar til og
með 2. febrúar 2012. Heildarveltan var
1740 milljónir króna og meðalupphæð á
samning 24,9 milljónir króna, að því er
fram kemur á vefsíðu Þjóðskrár.
Heildarveltan er langt undir með-
altalinu síðustu þrjá mánuði sem er
tæpir 2,8 milljarðar króna á viku. Með-
alupphæðin er einnig lægri en meðaltal
hennar síðustu þrjá mánuði er 30,7
milljónir á samning.
70 samningum þinglýst
Stuttar fréttir…
 


   
  
   
  

 




 
  
  

 
 
!"# $% " &'( )* '$*
+,-./
+01.1/
+,-.2/
,+.323
,+.+41
+4.,03
+--./4
+.3++2
+05.30
+3+.+3
+,-.20
+01.0,
+,1.++
,+.2-0
,+.,13
+4.-/
+--.0/
+.3+31
+0+.,3
+3+.3+
,,,./,/3
+,1.54
+0/.-0
+,1.12
,+.45,
,+.-54
+4.151
+-1.-,
+.3,++
+0+.4-
+3,.53
Skannaðu kóð-
ann til að sjá
gengið eins og
það er núna á
Greiningardeild Arion banka ger-
ir ráð fyrir að rekstrarhagnaður
Icelandair nemi 11 milljörðum
króna á síðasta ári. Icelandair
Group mun birta afkomu sína
fyrir fjórða ársfjórðung í vikunni
og gerir greiningardeild ráð fyrir
að tekjur Icelandair Group á
fjórða ársfjórðungi verði 20 millj-
arðar króna og að rekstrarhagn-
aður félagsins verði um 400 millj-
ónir króna. Þrátt fyrir versnandi
horfur í flugbransanum býst
greiningardeild ennþá við tölu-
verðum vexti hjá Icelandair
Group á þessu ári, eða um 7,5%
tekjuvexti.
Spá 11 millj-
arða hagnaði