Morgunblaðið - 07.02.2012, Blaðsíða 30

30 MENNING
MORGUNBLAÐIÐ ÞRIÐJUDAGUR 7. FEBRÚAR 2012
Þetta var náttúrlega
ofsalega spennandi,
þrátt fyrir að ég komi bara
örstutt fram í myndinni. 32
»
„Ég er sannfærð um að það er Ís-
landsmet ef ekki heimsmet að tvær
langömmur leiki Beethoven,“ segir
Agnes Löve píanóleikari sem ásamt
Ásdísi Stross Þorsteinsdóttur fiðlu-
leikara kemur fram á tónleikum í
Neskirkju í dag kl. 18. Þar munu
þær leika þrjár sónötur fyrir píanó
og fiðlu eftir Beethoven, þ.e. sónötu
nr. 1 í D-dúr, nr. 4 í a-moll og nr. 5 í
F-dúr eða svokallaða vorsónötu.
„Tilefni tónleikanna er 57 ára
samstarf okkar Ásdíar auk þess sem
ég fagna sjötugsafmæli mínu á
morgun,“ segir Agnes og tekur fram
að þær Ásdís hafi fyrst leikið saman
í fermingarveislu Agnesar í apríl ár-
ið 1955. „Síðan þá höfum við alltaf
reglulega leikið saman, með hléum
þó. Síðustu ár höfum við leikið vor-
sónötu Beethovens á sumardaginn
fyrsta heima hjá mér á nokkurs kon-
ar húskonsert fyrir vini og vanda-
menn,“ segir Agnes.
Báðar stunduðu þær nám við Tón-
listarskólann í Reykjavík á 6. áratug
síðustu aldar og héldu að því loknu í
framhaldsnám til Þýskalands, Ásdís
til München í Vestur-Þýskalandi en
Agnes til Leipzig í Austur-Þýska-
landi. „Við erum enn í fullu starfi, ég
sem skólastjóri Tónlistarskóla
Garðabæjar og Ásdís sem fiðlukenn-
ari við Nýja tónlistarskólann og Su-
zukiskólann í Reykjavík,“ segir
Agnes. Þess má að lokum geta að að-
gangur er ókeypis og öllum heimil
meðan húsrúm leyfir. silja@mbl.is
Langömmur leika Beet-
hoven-sónötur í Neskirkju
 Léku í fyrsta sinn saman á táningsaldri fyrir 57 árum
Vinkonur Samstarf Ásdísar Stross og Agnesar Löve hefur verið farsælt.
Sýningin Sögueyjan Ísland - Portrett
af íslenskum samtímahöfundum var
nýverið opnuð í Evrópuþinginu í
Brussel. Það voru Þórir Ibsen, sendi-
herra Íslands gagnvart ESB, og Dan
Preda, sérstakur fulltrúi utanrík-
ismálanefndar Evrópuþingsins um
samningaviðræðurnar við Íslands,
sem það gerðu. Sýningin sem er á
ensku byggist á veggspjöldum með
portrettljósmyndum Kristins Ingv-
arssonar ljósmyndara af á þriðja tug
íslenskra rithöfunda og viðtölum
Péturs Blöndals blaðamanns við þá
um hvað í íslenskum söguarfi hafi
helst haft áhrif á listsköpun þeirra.
Sýningin hefur verið þýdd á fimm
tungumál og er notuð við kynningu
sendiráða og bókmenntastofnana
víða um heim. Á annan tug þýðinga
íslenskra bóka í enskri þýðingu
liggja frammi í Evrópuþinginu.
Ísland sem bókaþjóð hefur verið
áberandi í Evrópu undanfarna mán-
uði í kjölfar heiðursþátttöku Íslands
á bókasýningunni í Frankfurt. Sam-
kvæmt upplýsingum frá utanrík-
isráðuneytinu er bókmenntakynn-
ingin liður í viðleitni sendiráðs
Íslands í Brussel til að efla áhuga á
Íslandi og íslenskri menningu í Belg-
íu, sem og í umdæmisríkjunum Hol-
landi og Lúxemborg. Á næstu miss-
erum verður sýningin sett upp í fleiri
stofnunum Evrópusambandsins.
Sögueyjan Ísland
sýnd í Brussel
 Notuð til kynningar víða um heim
Víðförul Sýningin hefur verið þýdd
á fimm tungumál og mun fara víða.
Tilkynnt var í gær um tilnefningar
til Eyrarrósarinnar, sérstakrar við-
urkenningar fyrir framúrskarandi
menningarverkefni á landsbyggð-
inni. Að þessu sinni hlutu tilnefningu
Safnasafnið á Svalbarðsströnd, Sjó-
ræningjahúsið á Vatneyri við Pat-
reksfjörð og tónlistarhátíðin Við
Djúpið á Ísafirði. Eyrarrósin verður
afhent 18. febrúar og hlýtur hand-
hafi hennar 1,5 milljónir króna, verð-
launagrip eftir Steinunni Þórarins-
dóttur myndhöggvara og flugferðir
frá Flugfélagi Íslands. Aðrir til-
nefndir hljóta 250 þúsund krónur
auk flugferða. Eyrarrósin er sam-
starfsverkefni Listahátíðar í
Reykjavík, Byggðastofnunar og
Flugfélags Íslands. Markmið verð-
launanna er að efla fagmennsku og
færni við skipulagningu menningar-
lífs og listviðburða á landsbyggðinni
og skapa sóknarfæri á sviði menn-
ingartengdrar ferðaþjónustu.
Safnasafnið var opnað árið 1995
og vinnur metnaðarfullt brautryðj-
andastarf í söfnun og varðveislu á ís-
lenskri alþýðulist. Í Sjóræningja-
húsinu, sem var opnað 2008, er
öflugt tónleikahald, sýning tileinkuð
sjóránum við Íslandsstrendur, veit-
ingastaður og sýningaraðstaða. Við
Djúpið hefur skapað sér fastan sess í
tónlistarlífi landsins og verður hald-
in í tíunda sinn á sumarsólstöðum.
Með Eyrarrós Sumartónleikar í
Skálholti hlutu Eyrarrós í fyrra.
Verkefni
tilnefnd til
Eyrarrósar
 Sjóræningjahús, Við
Djúpið og Safnasafn
Löngun nefnist sýning á olíu-
málverkum Lilju Þorsteins-
dóttur sem opnuð hefur verið í
Boganum í Gerðubergi. Verk-
in á sýningunni eru af blóm-
um, landslagi og hestum, en
myndefnið sækir Lilja ýmist
til hugans eða raunveruleik-
ans.
Lilja fæddist í Tungukoti í
Skagafirði árið 1939 og ólst
þar upp. Ung fluttist hún til
Tálknafjarðar og bjó þar ásamt eiginmanni og
tveimur börnum, þar til hún fluttist til Hafn-
arfjarðar fyrir rúmum tveimur áratugum. Sýn-
ingin stendur til 15. apríl og er opin virka daga
milli kl. 11-17 og kl. 13-16 um helgar.
Myndlist
Löngun til sýnis í
Gerðubergi
Eitt af verkum
Lilju.
Einstaklingskeppni í klass-
ískum listdansi, SOLO, verður
haldin í Gamla bíói í kvöld kl.
20. Keppnin er undankeppni
fyrir Stora Daldansen, norrænu
einstaklingskeppnina í klass-
ískum listdansi sem fram fer í
Svíþjóð 8.-10. mars nk. Alls eru
ellefu keppendur skráðir til
leiks frá Listdansskóla Íslands
og Ballettskóla Guðbjargar
Björgvinsdóttur. Félag ís-
lenskra listdansara stendur fyrir keppninni og vill
með henni ýta undir áhuga á klassískum ballett.
Minningarsjóður Svandísar Þulu Ásgeirsdóttur
veitir vinningshöfum styrk til utanfarar.
Listdans
Keppa í klass-
ískum listdansi
Keppendur eru
alls ellefu.
Kvikmyndasafnið sýnir kvik-
myndina La régle du jeu í
leikstjórn Jeans Renoirs í
Bæjarbíói í kvöld kl. 20 og
nk. laugardag kl. 16. Myndin,
sem frumsýnd var í París ár-
ið 1939, fjallar um frönsku yf-
irstéttina í aðdraganda seinni
heimsstyrjaldarinnar. Hún
féll í grýttan jarðveg hjá
áhorfendum og sem dæmi má
nefna að við frumsýninguna
kveikti prúðbúinn maður í dagblaði til að koma
í veg fyrir að hægt væri að halda sýningu
myndarinnar áfram. Í aðalhlutverkum eru
Nora Gregor, Roland Toutain, Marcel Dalio og
Mila Parély.
Kvikmyndir
Umdeild mynd
Jeans Renoirs
Veggspald
kvikmyndarinnar.
Silja Björk Huldudóttir
silja@mbl.is
„Við ólumst báðar upp í Vestur-
bænum og vorum í sama tónlistar-
skóla sem stelpur, en höfum varla
nokkurn tíma hist. Kannski þetta
sameigilega nafn hafi virkað sem
viðsnúið segulstál,“ segir Margrét
Kristín Sigurðardóttir, sem kölluð
er Magga Stína en einnig þekkt und-
ir listamannsnafninu Fabúla, um
nöfnu sína Margréti Kristínu Blön-
dal sem líka er kölluð Magga Stína.
Þær nöfnur leiða saman hesta sína í
fyrsta Fuglabúri Félags tónskálda
og textahöfunda (FTT) á nýju ári
sem fram fer á Rósenberg í kvöld kl.
21.00.
Leika á allan
tilfinningaskalann
„Í raun má segja að látið tónskáld
hafi leitt okkur saman í fyrra. Þá
vorum við báðar við nám í tón-
smíðum í Listaháskólanum og var
gert að flytja saman fyrirlestur um
Beethoven, sem vill svo til að er í
miklu uppáhaldi hjá okkur báðum.
Úr því varð bæði ástríðufullt og
skemmtilegt grúsk.“
Spurð um efnisskrá kvöldsins seg-
ir Magga Stína að þær nöfnur muni
flytja eigið efni og lög hvor eftir
aðra, bæði ný og gömul. „Það verður
skemmtilegast fyrir okkur að heyra
eigin lög í höndum hinnar,“ segir
Magga Stína og tekur fram að þær
nöfnur muni auðvitað taka lagið
saman líka. „Okkur langaði til að
flytja lag eftir kventónskáld og völd-
um lagið Á morgun eftir okkar heitt-
elskuðu Ingibjörgu Þorbergs-
dóttur,“ segir Magga Stína.
Spurð hvort þær nöfnur vinni vel
saman svarar Magga Stína því ját-
andi. „Ég held kvöldið verði mjög
hressilegt. Við hyggjumst sveifla
áheyrendum upp og niður allan til-
finningaskalann með annars vegar
afar rólegum lögum og hins vegar
miklu fjöri,“ segir Magga Stína, en
henni til halds og trausts á sviðinu
verður Karl Jóhann Bjarnason selló-
leikari á meðan nafna hennar verður
með heila hljómsveit sér til liðsauka.
Látið tónskáld leiddi tónlistar-
konurnar tvær loks saman
 Nöfnur leiða
saman hesta sína
í Fuglabúrinu
Morgunblaðið/Árni Sæberg
Eftirvænting „Það verður skemmtilegast fyrir okkur að heyra eigin lög í höndum hinnar,“ segir Magga Stína.