Morgunblaðið - 07.02.2012, Blaðsíða 32

32 MENNING
MORGUNBLAÐIÐ ÞRIÐJUDAGUR 7. FEBRÚAR 2012
Guðrún Sóley Gestsdóttir
gudrunsoley@mbl.is
Gunnar Atli Cauthery, hálfíslenskur
leikari á þrítugsaldri, fer með hlut-
verk í nýjustu mynd stórleikstjórans
Stevens Spielbergs, War Horse.
Myndin gerist í fyrri heimsstyrjöld-
inni og fjallar um hinn unga Albert
sem selur hestinn sinn til herþjón-
ustu og skráir sig í kjölfarið sjálfur í
herinn.
Gunnar Atli leikur þýskan her-
mann í myndinni, en tökur á atrið-
unum þar sem hann kemur við sögu
fóru fram í bænum Wisley rétt utan
við London í Englandi og tóku tvo
daga. „Þetta var náttúrlega ofsalega
spennandi, þrátt fyrir að ég komi
bara örstutt fram í myndinni,“ segir
Gunnar. Að hans sögn var magnað
að sjá stærð og umfang framleiðslu
myndar af þessu tagi. „Þarna var
búið að byggja skotgrafir í anda
fyrri heimsstyrjaldarinnar og útbúa
allt umhverfi í líkingu við það sem þá
ríkti. Það var eins og að fara aftur í
tímann að vera þarna.“ Gunnar segir
það hafa verið mikla reynslu að
starfa með Steven Spielberg. „Hann
var ákafur og sinnti leikstjórninni af
mikilli ástríðu, þrátt fyrir að hafa
verið í þessum bransa lengur en
flestir.“ Gunnar segir það hafa kom-
ið sér á óvart hversu opið ferlið var,
að ekki hafi hvert smáatriði verið
skipulagt í þaula heldur hafi Spiel-
berg tekið skyndiákvarðanir og gert
breytingar á meðan á tökunum stóð.
Hann hafi ekki vænst þess af Holly-
woodleikstjóra á borð við Spielberg.
Lék í Benjamín dúfu
Gunnar Atli er Íslendingum helst
kunnugur úr kvikmyndinni Benja-
mín dúfu þar sem hann lék einn vin-
anna fjögurra, Roland. Síðar nam
hann leiklist við Royal Academy of
Dramatic Arts í London og útskrif-
aðist þaðan árið 2008. Síðan hann út-
skrifaðist hefur hann leikið í fjölda
leikrita en hefur einnig starfað í út-
varpi og sjónvarpi. Gunnar er hálf-
íslenskur, en móðir hans er Björg
Árnadóttir leikkona, en hann hefur
verið búsettur í Bretlandi allt sitt líf.
Gunnar Atli starfar um þessar
mundir með leikhópnum Propeller
sem sérhæfir sig í verkum Shake-
speares. Hann lætur ekki þar við
sitja heldur samdi hann tónlistina
fyrir eitt verka hópsins, A Winter’s
Tale. Hann á ekki langt að sækja
tónlistarhæfileikana því bróðir hans,
Halli Cauthery, er þekkt tónskáld.
Hann hefur sérhæft sig í kvik-
myndatónlist og samið tónlist við
tugi kvikmynda. Sjálfur spilar
Gunnar Atli á harmóniku og píanó-
.Tónlistina segir Gunnar Atli vera
ríkjandi í fjölskyldunni, en afi þeirra
var Árni Björnsson tónskáld.
Næst á dagskrá hjá Gunnari Atla
eru ferðalög með Propeller-hópnum
til Nýja-Sjálands og Ástralíu.
Kvikmyndin War Horse er sýnd í
öllum helstu kvikmyndahúsum
landsins.
Íslendingur í mynd Spielbergs
Stórmynd War Horse, mynd Stevens Spielbergs, hefur verið tilnefnd til fjölda verðlauna m.a. Óskarsverðlauna og því skemmtilegt fyrir ungan leikara eins
og Gunnar Atla að fá hlutverk í myndinni. Líkt og með flestar myndir Stevens Spielbergs er engu til sparað og gætt að minnstu smáatriðum.
 Leikarinn Gunnar Atli leikur í War Horse, mynd Spielbergs  Hóf ungur að leika en hann lék m.a. í
íslensku myndinni Benjamín Dúfu  Segir Spielberg ákafan og sinni leikstjórninni af á́stríðu
Þegar ég kom út úr kvik-myndahúsinu eftir að hafaséð myndina War Horseeða Stríðshestinn vissi ég
ekki alveg hvað mér ætti að finnast.
Kannski bjóst ég við of miklu frá
meistaranum Steven Spielberg eða
ég bjóst við allt öðruvísi kvikmynd.
En hún er svo sem ágæt þessi mynd
sem segir söguna af hestinum Joey
sem fæðist á Englandi ekki svo
löngu áður en heimsstyrjöldin fyrri
skellur á. Sagan segir einnig frá fá-
tæka sveitapiltinum Albert sem
eignast hestinn Joey sem reynist
mikill kostagripur. Vinátta þeirra
tveggja, drengs og hests, verður
mikil og djúp en örlögin, fátæktin og
stríðið hafa áhrif á framvindu sög-
unnar. Hesturinn er seldur til að
þjóna ákveðnum manni í stríðinu og
skilur þá leiðir þeirra vinanna. En
þeir ná reyndar saman um síðir.
Þótt fyrri hluti myndarinnar segi
vissulega frá því hvernig vinátta
drengs og hests þróast er sá hluti í
raun um það hversu harður hús-
bóndi fátæktin er og hvað landeig-
endur gátu farið illa með leiguliða
sína. Seinni hluti myndarinnar segir
okkur og sýnir hvað stríð eru
heimskuleg og enn einu sinni er okk-
ur sýnt hversu skotgrafahernaður
fyrri heimsstyrjaldar var óendan-
lega tilgangslaus og grimmur þegar
ungum mönnum var att fram á víg-
völlinn. Því miður er ungu fólki enn í
dag att út í opinn dauðann í nafni
stríðs. Ferðir og hlutverk hestsins
Joeys um vígvöllinn eru með miklum
ólíkindum og er hann sannkölluð
hetja, kannski aðeins of mikil hetja.
Öll áferð myndarinnar, leikurinn
og efnistökin eru á einhvern hátt
barnaleg eða einföld og jafnvel
stundum gervileg. Minnti hún mig
því oft á gamlar myndir eins og þær
sem gerðar voru um hundinn Lassie.
Flestar persónur eru málaðar frekar
einföldum dráttum og margt er af-
skaplega fyrirsjáanlegt í framvind-
unni. Gott og vel, ef myndin er hugs-
uð sem gamaldags ævintýri fyrir
börn, þá virkar þetta ágætlega, en
ég held að Spielberg hafi ætlað sér
annað, í það minnsta er myndin
kynnt sem tímamótastórvirki. Ég er
ekki viss um að hún standi undir því.
En ekkert er hægt að kvarta yfir
tæknivinnunni og sannarlega undr-
aðist ég oft hvernig hefði verið hægt
að þjálfa hest til að gera ýmislegt
sem hann gerir í þessari mynd.
Reyndar voru það fjórtán hestar
sem sáu um að leika aðalhlutverkið,
sjálfan Joey, og því hefur álaginu
verið skipt ágætlega niður á marga.
Semsagt ágætis ræma og eflaust
munu ungir áhorfendur njóta henn-
ar meira og betur en fullorðnir, en
það hefði mátt stíla hana á alla ald-
urshópa. Reyndar er myndin byggð
á barnasögunni War Horse og leik-
stjórinn bundinn af henni.
Hesturinn, strákurinn og stríðið
Sambíóin
War Horse bbbnn
Leikstjóri Steven Spielberg
Aðalleikarar: Jeremy Irvine, Emily Wat-
son, Peter Mullan
KRISTÍN HEIÐA
KRISTINSDÓTTIR
KVIKMYND
Vinir Jeremy Irvine í hlutverki Alberts með stríðshestinum Joey.
Vilhjálmur Andri Kjartansson
vilhjalmur@mbl.is
Breakbeat vinnur um þessar mundir
að útgáfu bókarinnar „Taktabrot“
sem mun innihalda hátt í hundrað
veggspjöld frá
viðburðum hóps-
ins sem er þekkt-
ur fyrir bæði
frumleika og
skemmtilega
nálgun í tónlist,
framsetningu og
kynningu á efni
sínu. „Vegg-
spjöldin í bókinni
ná yfir heilan ára-
tug og hafa því að
geyma merkilega og áhugaverða
menningarsögu. Þau hafa líka hlotið
tilnefningar til verðlauna Félags ís-
lenskra teiknara og Lúðursins sem er
íslensku auglýsingaverðlaunin,“ segir
Karl Tryggvason, talsmaður Break-
beat, spurður um bókina. „Þetta eru
um hundrað veggspjöld eftir nærri
sextíu innlenda og erlenda listamenn
og hönnuði sem komu allir að gerð
þeirra í kjölfarið á því sem við köllum
áskorunarhönnun. En hún virkar
þannig að hönnuðir og listamenn sem
koma að gerð veggspjaldanna skora á
aðra listamenn og hönnuði að vinna
næsta veggspjald fyrir okkur og
þannig koll af kolli.“
Ný nálgun í fjármögnun
Bókaútgáfan er fjármögnuð með
svokallaðri hópfjármögnun sem verð-
ur að teljast nýjung hér á landi.
„Þessi aðferð er þekkt erlendis og
kallast crowdfunding. Með þessum
hætti gefst fólki tækifæri til að
styrkja útgáfu bókarinnar og njóta
síðan ávinnings af því þegar útgáf-
unni er lokið, t.d. með eintaki af bók-
inni o.fl. en það er hægt að fá frekari
upplýsingar um þetta á síðunni okk-
ar, bok.breakbeat.is.“ Þar má einnig
sjá hversu langt söfnunin er komin en
frá því á föstudag hafa safnast
130.500 krónur og er stefnt á að safna
700.000 krónum.
Í bókinni verður einnig að finna
myndir úr starfi hópsins en hann hóf
að vinna að framgöngu breakbeat-
tónlistar og menningar á Íslandi um
aldamótin 2000. Hópurinn hefur auk
þess haldið úti heimasíðunni Break-
beat.is og verið reglulega með tónlist-
arviðburði ásamt því að vera með
vikulegan útvarpsþátt á X-inu 97,7 en
þættirnir hófu göngu sína árið 2002
og eru enn geysivinsælir
Frumleg bóka-
útgáfa Breakbeat
Karl
Tryggvason