Morgunblaðið - 08.02.2012, Blaðsíða 25
MINNINGAR 25
MORGUNBLAÐIÐ MIÐVIKUDAGUR 8. FEBRÚAR 2012
En Gylfi getur stoltur verið þó
farinn sé, ekki bara út af dugnaði
og hjartahlýju heldur stelpunum
sínum, Ellu og Gústu, sem hafa
verið mér frábærar gegnum tíð-
ina og algjörar stoðir, Valla sem
er algjör He-Man-karl í mínum
augum og svo öllum barnabörn-
unum sem eru öll frábær.
Sárt að missa góða menn en
trúi því að hann sé umvafinn engl-
um sem hafa kvatt þennan heim
og munu taka honum opnum örm-
um, hann er á góðum stað núna þó
við öll viljum hafa okkar nánustu
hér hjá okkur. Vona bara að það
sé bobbborð hinum megin því
þegar við hittumst á ný verð ég
orðinn betri. Takk kærlega fyrir
mig, frændi.
Ellu, Gústu, Valla og fjölskyld-
um þeirra, systkinum, vinum og
ættingjum sendi ég mínar dýpstu
samúðarkveðjur.
Guðmundur Valtýr Valsson.
Mig langar að minnast Gylfa
vinar míns með nokkrum orðum.
Ég hef þekkt hann og fjölskyldu
hans í tæpa fjóra áratugi. Fyrst
kynntist ég dætrum hans við
barnapössun og síðar allri fjöl-
skyldunni. Foreldrar hans og
tengdaforeldrar okkar beggja
voru ekki bara nágrannar heldur
líka vinir í áraraðir. Eflaust má
segja að við höfum erft vinskap-
inn.
Tengsl okkar hafa verið mest í
sambandi við veiði. Ég og synir
mínir fengum allir okkar maríulax
í veiðiferð með þér. Við tveir erum
búnir að vera í góðum veiðihóp í
nokkur ár og höfum við þá ávallt
deilt með okkur stöng. Margs er
að minnast úr þeim ferðum sem
ég mun aldrei gleyma.
Ófáar ferðir fórum við saman í
sumarbústað með fjölskyldur
okkar, stundum var veiði hluti af
því, annars bara farið til að grilla,
spila og hafa gaman, þessar ferðir
eru mér ógleymanlegar.
Þú rakst fyrirtæki til margra
ára, fyrr á árum fengum við feðg-
arnir allir þrír vinnu hjá þér um
tíma, þá voru alltaf næg verkefni
svo það var aldrei spurning, þó að
um óákveðinn tíma væri að ræða.
Lífið er ekki allt leikur. Á erf-
iðum stundum höfum við báðir
þurft hvor á annars styrk og vin-
áttu að halda, það stóð aldrei á
því, þegar til var leitað.
Ég mun ávallt minnast þín sem
rólegs, trausts og einkar góðs fé-
laga og vil þakka þér samferðina.
Ég og fjölskylda mín sendum
fjölskyldu þinni allri dýpstu sam-
úðarkveðjur.
Neville.
Hornið á Suðurgötu og Vatns-
nesvegi í Keflavík og göturnar
þar í kring var þungamiðja al-
heimsins í augum okkar sem þar
ólumst upp um miðja síðustu öld.
Þaðan var labbað að kvöldi til út í
sjoppu eða niður Hafnargötuna í
Nýja bíó eða farið í aðra bæjar-
hluta og heilsað upp á vini.
Skammt ofar við Suðurgötuna á
númer 46 átti heima Valtýr Guð-
jónsson og fjölskylda. Á neðri
hæðinni voru bræðurnir á heim-
ilinu Gylfi og Emil með sín her-
bergi. Þeir voru vinmargir, oft var
mjög gestkvæmt, sérstaklega á
árunum 1950 til 1960 og má segja
að þar hafi að sumu leyti verið fé-
lagsmiðstöð hverfisins. Ekki leið
svo dagur að ég liti ekki inn hjá
þeim bræðrum. Gylfi átti plötu-
spilara og slatta af plötum, þar
hljómaði oft tónlist með uppá-
haldshljómsveitum, t.d. stór-
hljómsveit Benny Goodmans eða
Glenn Millers. Trommuleikarinn
Gene Krupa var besti trommu-
leikari í heimi á þeim tíma að okk-
ar mati og ekki veit ég hvað við
hlustuðum oft á lagið Sing, Sing,
Sing með BG og GK. Síðan kom
Modern Jazz Quartet með sína
tónlist og svo fleiri og fleiri. Nób-
elsskáldið Halldór Kiljan Laxnes
var í uppáhaldi, oft voru lesin brot
úr einhverri skáldsögu hans og þá
hermt eftir rödd skáldsins í upp-
lestrinum og þá hlegið mikið. Em-
il var sýnu bestur í eftirhermun-
um. Langt á undan sinni samtíð
voru þeir bræður með líkams-
rækt, höfðu þeir smíðað sér hand-
lóð og lyftingastöng með blýlóð-
um og útvegað sér fleiri smátæki
sem þeir notuðu daglega í líkams-
ræktinni. Við sem komum í heim-
sókn fengum stundum að taka í.
Faðir þeirra átti ameríska glæsi-
vagna, m.a. Packard-bíla, það var
því eftirsóknarvert að skreppa á
rúntinn þegar Gylfi fékk lánaðan
bíl hjá föður sínum kvöldstund.
Síðar komu sparneytnari bílar í
foreldrahús og var þá hægt að fá
þá lánaða og fara í lengri ferðir,
t.d. í Borgarnes. Þar sem við gist-
um eitt sinn á hótelinu í herbergi
með hjónarúmi og sváfum þar
saman, var þetta „hjásofelsi“ okk-
ar talið merki um vináttu og
traust. Einnig fórum við norður í
land ásamt vinum, tjölduðum í
Vaglaskógi og nutum náttúrunn-
ar þar, þá voru farnar margar
skemmri ferðir austur fyrir fjall.
Þegar lífshlaupinu vatt fram varð
laxveiði mikið áhugamál hjá Gylfa
og þá sérstaklega veiði í Langá á
Mýrum. Ána þekkti hann eins og
handarbakið á sér, vissi nákvæm-
lega hvar laxinn lá og hvernig
best væri að standa að til þess að
fá fisk. Hann kunni frá mörgu að
segja og mundi áratugi aftur í
tímann hvernig hann hefði veitt
þetta árið eða hitt í ánni. Hin síð-
ari ár hafa önnur veiðivötn komið í
stað Langár.
Gylfi vinur minn var vel af Guði
gerður jafnt til líkama og sálar.
Aldrei man ég eftir að hafa séð
hann hlaupa eða að okkur yrði
sundurorða, sama hvað gekk á
alltaf sama jafnaðargeðið og ró-
legheitin. Hann tók öllu með
æðruleysi sem að höndum bar
hvernig svo sem það var í pottinn
búið og hvaða kjör almættið út-
hlutaði honum í það og það sinn á
æviskeiðinu. Hann kvartaði aldr-
ei.
Að lokum votta ég ættingjum
og öllum þeim sem syrgja fráfall
Gylfa Valtýssonar mína dýpstu
samúð og hluttekningu og kveð
góðan dreng með virðingu og
þökk.
Ellert Eiríksson.
✝ Þórir Jón Hallfæddist í
Reykjavík 31.12.
1946. Hann lést á
heimili sínu 28.1.
2012.
Hann var sonur
hjónanna Árna
Þóris Hall, f. 19.3.
1922, d. 21.1. 1981
og Dóru Þorvalds-
dóttur, f. 14.8.
1922. Albróðir Þór-
is er Hrafnkell Hall, f. 8.1. 1952,
maki Guðrún Jakobína Ólafs-
dóttir. Seinni kona Árna Þóris
Hall var Katrín Lárusdóttir
Hjaltested Hall. Börn þeirra
eru: Frank Pétur Hall, fæddur
Szalay, f. 11.5. 1954, maki Guð-
laug Magnúsdóttir; Sigurður
Lárus Hall, f. 6.8. 1952, maki
Svala Ólafsdóttir; Ragnheiður
Kristín Hall, f. 18.8. 1955, maki
1946, þau skildu 2003. Ól hann
upp syni hennar, Vigfús Þor-
steinsson, f. 28.10. 1966, maki
hans Þórdís Helga Ingibergs-
dóttir, börn: Þórdís Helga,
Kristín Sif, Heimir Steinn og
Egill Skorri. Reynir Þor-
steinsson, f. 19.6. 1969.
Þórir ólst upp í Reykjavík.
Hann lærði til þjóns og vann
m.a. á Hótel Sögu og Gullfossi.
Þórir fór ungur til Danmerkur
og vann þar á hóteli í nokkur
ár. Nokkru eftir að hann kom
aftur heim til Íslands, keypti
hann sér sendibíl og vann á
Sendibílastöðinni Þresti til árs-
ins 1986. Þá flutti hann til Sauð-
árkróks og rak þar hótel í þrjú
ár. Þegar hann flutti aftur til
Reykjavíkur vann hann m.a. hjá
Póstinum og Alþingi Íslands, en
lengst af hjá Strætisvögnum
Reykjavíkur, eða þar til hann
hætti störfum vegna veikinda.
Útför Þóris Jóns fór fram frá
Guðríðarkirkju 8. febrúar 2012,
kl. 13.
Sigurður Rúnar
Ragnarsson; Sig-
urveig Salvör Hall,
f. 19.8. 1956, maki
Gunnar Þor-
steinsson.
Börn hans eru:
1) Viggó Þórir Þór-
isson, f. 2.5. 1967,
maki Þórunn Unn-
arsdóttir, börn
hans: Ásta Katrín
og Unnar Ómar. 2)
Sigríður Björk Þórisdóttir, f.
7.6. 1976, maki Snorri Harð-
arson, börn hennar: Björgvin
Þórir og Júlíana. 3) Dóra Krist-
ín Þórisdóttir, f. 24.11. 1981,
maki Eríkur Auðunn Auð-
unsson, barn Valtýr Logi, fyrir
á Eiríkur soninn Jóhann Ben-
óný.
Árið 1976 kvæntist Þórir Jón
Sigríði Vigfúsdóttur, f. 7.1.
Ég bar gæfu til að eiga góða
tíma með pabba núna á haust-
mánuðum þar sem ég hafði tök á
að heimsækja hann reglulega á
spítalann þar sem hann dvaldi
reglulega undir lokin eða heim til
hans. Á þessum dýrmætu sam-
verustundum ræddum við oft
tíma hans í Bandaríkjunum en
sem táningur flutti hann með
móður sinni og Hrafnkeli bróður
til Kaliforníu í Bandaríkjunum
þar sem móðursystir hans Mæja
bjó ásamt eiginmanni sínum. Það
hefur eflaust verið mikið ævintýri
á þeim tíma fyrir litla fjölskyldu
úr Reykjavík að flytja í sólina og
skarkalann í Kaliforníu og þó að
dvölin þar hafi ekki verið mjög
löng átti margar pabbi skemmti-
legar sögur um ævintýri sín þar
sem alltaf var jafn áhugavert og
skemmtilegt að hlusta á.
Í Kaliforníu vann hann meðal
annars sem vikapiltur á bílasölu
frænda síns þar sem eitt hlutverk
hans var að skutlast með bíla
hingað og þangað um svæðið
meðfram ströndinni. Það var ekki
leiðinlegt fyrir ungan pilt frá Ís-
landi að fá að keyra kraftmikla
ameríska kagga þarna í sólinni
sem á þeim tíma voru bestu bílar
í heimi. Margar af sögum hans
voru einmitt um þau ævintýri
sem hann lenti í á þessum ferðum
og þau samskipti sem hann átti
við ýmsa aðila í þeim eins og t.d.
lögregluna. Þau samskipti voru
þó ekki vegna alvarlegra atvika,
helst þegar farið var einni eða
tveimur mílum yfir löglegan há-
markshraða eða þegar stöku
peru vantaði í ljósker bílsins, og
enduðu þau yfirleitt bara með til-
tali.
Þó svo að pabbi hafi verið at-
vinnubílstjóri stóran hluta starfs-
ævi sinnar þá var ekki hægt að
kalla hann bílaáhugamann í þeim
skilningi orðsins. Hann hafði þó
alltaf dálæti á amerískum bifreið-
um og seinasta bifreið hans var
amerískur eðalvagn af gerðinni
Mercury Grand Marquis. Pabbi
elskaði þennan bíl og sagði stund-
um að hann myndi vilja verða
jarðaður í honum. Því varð þó því
miður ekki viðkomið vegna pláss-
leysis í kirkjugarðinum.
Ein mesta gæfa pabba var að
kynnast Sigríði Vigfúsdóttur
(Siggu), einstakri konu sem
seinna átti eftir að verða eigin-
kona hans og móðir tveggja ynd-
islegra systra minna auk þess að
koma með í búið tvo hressa
stráka sem urðu góðir vinir mín-
ir. Sigga gekk mér að mörgu leyti
í móðurstað og kann ég henni
ævarandi þakkir fyrir. Þó svo að
þau hafi seinna skilið hélt Sigga
áfram að hugsa um pabba á sinn
óeigingjarna hátt og var hún sú
síðasta af nánustu ættingjum
hans sem sá hann á lífi. Þó svo að
ég hafi ekki alist upp hjá pabba
og Siggu átti ég margar
skemmtilegar stundir á heimili
þeirra. Sérstaklega minnisstæð
eru ferðalög fjölskyldunnar inn-
anlands þar sem börnum og vist-
um var pakkað af svo mikilli lagni
inn í bílinn að við í aftursætinu
gátum oft ekki hreyft legg né lið í
upphafi ferðar.
Pabbi hafði sína breyskleika
eins og aðrir en allir sem til hans
þekktu vissu að þar fór góður
drengur sem vildi engum illt og
vildi ekkert láta fyrir sér hafa. Þó
að hann hafi horfið allt of
snemma frá okkur þá er huggun
á þessum sorgartíma að vita af
honum á betri stað.
Hvíl í friði, elsku pabbi.
Viggó.
Elsku hjartans pabbi okkar.
Það er með sárum söknuði sem
við sendum þér þessa hinstu
kveðju. Um leið og við fréttum að
þú værir farinn og söknuðurinn
og sársaukinn yfir því að sjá þig
ekki aftur helltist yfir fundum við
systkinin hversu heppin við vor-
um að eiga allar þessar dásam-
legu minningar um þig. Þeim höf-
um við verið að deila þessa erfiðu
daga og með því náð að brosa í
gegnum tárin. Við systkinin er-
um ólík og minningar okkar um
þig eru það einnig. Öll erum við
þó sammála um að tíminn sem við
fengum með þér, þótt allt of
stuttur væri, var heilt á litið
ánægjulegur. Þú áttir ýmis
áhugamál sem entust mislengi;
keila, tafl, skotveiði, billjard og
stangveiði eru meðal þess sem
við munum eftir að þú hafir tekið
þér fyrir hendur. Helsta áhuga-
mál þitt var þó við börnin, barna-
börn, makar, já og fjölskyldan
þín öll.
„Þegar þú ert sorgmæddur, skoðaðu
þá aftur huga þinn, og þú munt sjá, að
þú grætur vegna þess, sem var gleði
þín.“
(Spámaðurinn)
Fyrir hönd barna, barnabarna
og fjölskyldna,
Sigríður Björk Þórisdóttir.
Við komum hér á kveðjustund
að kistu þinni, bróðir
að hafa við þig hinzta fund
og horfa á gengnar slóðir.
Og ógn oss vekja örlög hörð,
en ennþá koma í hópinn skörð,
og barn sitt faðmi byrgir jörð,
vor bleika, trygga móðir.
En minning þín er mjúk og hlý
og mun oss standa nærri.
Með hverju vori hún vex á ný
og verður ávallt kærri.
Ef lífsins gáta á lausnir til,
þær ljóma bak við dauðans þil.
Og því er gröfin þeim í vil,
sem þráðu útsýn stærri.
(Magnús Ásgeirsson)
Við kveðjum í dag kæran bróð-
ur og þökkum honum samfylgd-
ina í gegnum árin, við vottum að-
standendum öllum okkar dýpstu
samúð.
Megi góður Guð blessa minn-
ingu Dóda bróður.
Frank, Sigurður,
Ragnheiður og Sigurveig
Hall og fjölskyldur.
Þórir Jón Hall
Morgunblaðið birtir minningargreinar endurgjaldslaust alla
útgáfudaga.
Skil | Þeir sem vilja senda Morgunblaðinu greinar eru vinsamlega
beðnir að nota innsendikerfi blaðsins. Neðst á forsíðu mbl.is má finna
upplýsingar um innsendingarmáta og skilafrest. Einnig má smella á
Morgunblaðslógóið efst í hægra horninu og velja viðeigandi lið.
Skilafrestur | Sé óskað eftir birtingu á útfarardegi þarf greinin að
hafa borist á hádegi tveimur virkum dögum fyrr (á föstudegi ef útför
er á mánudegi eða þriðjudegi).
Þar sem pláss er takmarkað getur birting dregist, jafnvel þótt grein
hafi borist innan skilafrests.
Formáli | Minningargreinum fylgir formáli sem aðstandendur senda
inn. Þar kemur fram hvar og hvenær sá sem fjallað er um fæddist,
hvar og hvenær hann lést og loks hvaðan og hvenær útförin fer fram.
Þar mega einnig koma fram upplýsingar um foreldra, systkini, maka
og börn, svo og æviferil.
Minningargreinar
MOSAIK Hamarshöfða 4 • 110 Rvk • s. 587 1960 • www.mosaik.is
Legsteinar og fylgihlutir
Í tilefni af 60 ára starfsafmæli okkar bjóðum við
fría uppsetningu á höfuðborgarsvæðinu
og fría pökkun á legsteinum sem fara út á land
Mikið úrval - Vönduð vinna - Gott verð
Marmari
Granít
Blágrýti
Gabbró
Líparít
✝
Elsku hjartans maðurinn minn, pabbi okkar,
tengdapabbi og afi,
SÆMUNDUR Þ. SIGURÐSSON
bakarameistari,
Heiðarbæ 1,
Reykjavík,
sem lést á Landspítalanum við Hringbraut
föstudaginn 27. janúar, verður jarðsunginn
frá Dómkirkjunni í Reykjavík fimmtudaginn 9. febrúar kl. 13.00.
Snæfríður R. Jensdóttir,
Stella Sæmundsdóttir, Sveinn S. Kjartansson,
Marsibil J. Sæmundardóttir, Sigvaldi Þór Loftsson,
Sigurður Jens Sæmundsson, Hildur Arna Hjartardóttir
og barnabörn.
✝
Minn ástkæri eiginmaður,
GUÐJÓN ÞORSTEINSSON,
lést mánudaginn 6. febrúar.
Fyrir hönd aðstandenda,
Elsa Borg Jósepsdóttir.
✝
Þökkum innilega auðsýnda samúð og vinar-
hug við andlát og útför elskulegs eiginmanns
míns, föður okkar, tengdaföður, afa og lang-
afa,
GISSURAR ÞÓRÐAR JÓHANNESSONAR
bónda,
Herjólfsstöðum,
Álftaveri.
Guð blessi ykkur öll.
Sigurlaug Sigurðardóttir,
Sigurlaug Gissurardóttir, Jón Kristinn Jónsson,
Þuríður Gissurardóttir, Oddsteinn Sæmundsson,
Jóhannes Gissurarson, Steina Guðrún Harðardóttir,
Sigríður Lóa Gissurardóttir, Sigurjón Sigurðsson,
barnabörn og barnabarnabörn.
✝
Ástkær móðir okkar, tengdamóðir, systir og
amma,
LÁRA MARGRÉT RAGNARSDÓTTIR
fyrrverandi alþingismaður,
lést á heimili sínu sunnudaginn 29. janúar.
Útförin fer fram frá Dómkirkjunni föstudaginn
10. febrúar kl. 13.00.
Anna Kristín Ólafsdóttir, Hjörleifur B. Kvaran,
Ingvi Steinar Ólafsson, Sigrún Guðný Markúsdóttir,
Atli Ragnar Ólafsson,
Kristján Tómas Ragnarsson, Hrafnhildur Ágústsdóttir,
Árni Tómas Ragnarsson,
Ásta Kristrún Ragnarsdóttir, Valgeir Guðjónsson,
Hallgrímur Tómas Ragnarsson, Anna Haraldsdóttir,
Lísa Margrét, Eysteinn, Bjarki, Anika Embla,
Salvör Íva, Auður Ísold og Katrín Rán.