Morgunblaðið - 08.02.2012, Blaðsíða 32
32 MENNING
MORGUNBLAÐIÐ MIÐVIKUDAGUR 8. FEBRÚAR 2012
Þó svo undirritaður sé dýra-vinur með meiru þá varförinni heitið á The Greyen dýraverndunarsinnar
hafa beðið fólk um að sniðganga
kvikmyndina.
Framleiðendur myndarinnar
keyptu fjóra úlfsskrokka af veiði-
mönnum sem þeir notuðu við gerð
kvikmyndarinnar og fór það fyrir
brjóstið á einhverjum.
Myndin er byggð á bók Ian Mac-
Kenzie Jeffers, Ghost Walker, en
um er að ræða fimmtu kvikmynd
leikstjórans Joe Carnahan.
Myndin segir frá einfaranum
John Ottway (Neeson), veiðimanni
sem vinnur við að skjóta úlfa sem
ógna olíuverkamönnum í Alaska.
Þegar verkefninu er lokið og heim er
haldið hrapar flugvélin í óveðri og
eftirlifendur slyssins reyna að halda
sér á lífi í ísköldum útnára Norður-
Ameríku.
Þeirra helstu óvinir fyrir utan
hungrið og kuldann eru úlfar sem
herja á hópinn.
Nokkur atriði myndarinnar eru
skemmtilega útfærð og má þar
nefna atriðið þegar flugvélin hrapar
en hrá klippingin og óhljóðin mynda
þar ógnvekjandi stemningu. End-
urminningar Johns um fyrrverandi
eiginkonu sína eru einnig ágætlega
útfærðar og endurkomur hans í
raunveruleikann ansi framandlegar.
Þjóðverjinn Marc Streitenfeld sér
um að semja tónlist fyrir myndina
og gerir það af stakri prýði. Per-
sónusköpun í myndinni gæti verið
betri þó svo ágæt mynd sé gefin af
John. Hópur karlmanna sem býr yf-
ir einum leiðtoga, Ottway, einum
vandræðagemsa, Diaz (Grillo) og svo
nokkrum mönnum sem virka hálf-
gert eins og uppfyllingarefni fyrir
söguna; persónurnar eru flatar og
klisjukenndar.
Samlíking hópsins við úlfaflokkinn
sem eltir hann er greinileg þar sem
barátta á milli alfa og ómega er í fyr-
irrúmi. Úlfarnir eru þó einum of
grimmir, stórir og hættulegir til að
hægt sé að taka þá alvarlega og
hefði Carnahan mátt tóna þá aðeins
niður. Dramatíkin fer einnig næst-
um því yfir línuna og skortir mynd-
ina ekki slík atriði. Naglinn Liam
Neeson er alltaf flottur og hann sýn-
ir á köflum tilfinningaþrunginn leik
og fær plús í kladdann fyrir það. Þó
svo sagan um harða einfarann sé
margsögð, og ef litið er framhjá
óraunverulegum úlfum og yfirdrif-
inni dramatík, er myndin ágætis af-
þreying.
Smárabíó
The Grey bbbnn
Leikstjórn: Joe Carnahan. Handrit: Ian
MacKenzie Jeffers og Joe Carnahan.
Aðalhlutverk: Liam Neeson, Frank Grillo
og Dermot Mulroney. 117 mín.
Bandaríkin, 2012.
DAVÍÐ MÁR
STEFÁNSSON
KVIKMYND
Neeson „Naglinn Liam Neeson er alltaf flottur og hann sýnir á köflum til-
finningaþrunginn leik og fær plús í kladdann fyrir það,“ segir í dómnum.
Margsögð saga sem virkar ágætlega
Ylfa Kristín K. Árnadóttir
ylfa@mbl.is
Leikkonan Andrea Ösp Karlsdóttir hefur ver-
ið búsett í Los Angeles undanfarin fjögur ár
en síðastliðið vor lauk hún leiklistarnámi í
The American Academy of Dramatic Arts
þar í borg. „Ég hef haft áhuga á leiklist alveg
frá því ég var barn og sem unglingur lék ég
mikið í skólaleikritum og var t.a.m. í Leik-
félagi Menntaskólans í Kópavogi,“ segir
Andrea. Áður en hún flutti vestur um haf
stofnaði hún ásamt öðrum Leikhópinn Lottu
sem setur upp útisýningar um allt landið á
hverju sumri. Fyrsta verk leikhópsins var
Dýrin í Hálsaskógi þar sem Andrea fór með
hlutverk Lilla klifurmúsar. Svo vel gengu
sýningarnar að leikhópurinn hélt ótrauður
áfram og er nú að hefja undirbúning fyrir sitt
sjötta verk.
Mikil ástríða í leikhópnum
Eftir fyrsta sumar Lottu árið 2007 stofn-
uðu Andrea og Anna Bergljót Thorarensen,
handritshöfundur, leikari og leikstjóri, at-
vinnuleikhópinn og umboðskrifstofuna Krað-
ak sem meðal annars setur upp Lápur,
Skrápur og jólaskapið á hverjum jólum. „Ég
lék einnig í fyrstu uppsetningunni af því
verki, litlu stelpuna Sunnu, sem fær heim-
sókn frá þeim Lápi og Skrápi, óþekkum
tröllastrákum í leit að jólaskapinu,“ segir
Andrea sem síðan þá hefur stofnað þriðja
leikhópinn. „Núna fyrir áramót stofnaði ég
svo leikhóp með frábærum hópi af fólki hér í
Los Angeles. Hann heitir The Smiley Face
and the Frown Entertainment Group,“ segir
hún. „Við rekum hópinn af mikilli ástríðu og
höfum hlotið miklar og góðar undirtektir á
þeim stutta tíma sem hópurinn hefur verið
starfandi.“
Fyrsta leiksýning hópsins var Pitchfork
Disney haustið 2011 og fékk hún góða gagn-
rýni, m.a. í LA Weekly. Andrea segir sýn-
inguna ögrandi en hún fjalli um systkini sem
búi saman og hafi lent í hálfgerðri heims-
styrjöld. Eftir heimsókn frá manni nokkrum
lendi þau síðan í óhugnanlegum ævintýrum.
Aðsókn á sýninguna var mikil, sýningartími
var framlengdur tvisvar og alltaf sýnt fyrir
fullu húsi.
Sýna frítt á barnaspítala
Á döfinni hjá The Smiley Face and the
Frown Entertainment Group er að setja upp
leikritið Mjallhvíti eftir Önnu Bergljótu, en
það var sett upp af Leikhópnum Lottu hér á
landi síðastliðið sumar. „Þetta er söngleikur
með nýjum lögum, byggður á upprunalega
ævintýrinu en það er eitt og eitt nýtt þannig
að í raun er um að ræða glænýja sögu með
glænýjum lögum,“ segir Andrea. „Sýningin
gekk svo vel á Íslandi og var svo frábær að
okkur langaði að gera eitthvað meira með
hana hér úti. Núna hefur sýningin verið þýdd
á ensku ásamt öllum lögunum í henni en und-
irbúningurinn að bandarísku útgáfunni hefur
staðið yfir í nokkra mánuði. Við höfum fundið
æðislegt útileikhús í garði hér í borginni, ráð-
ið til okkar frábæran verðlaunaðan bún-
ingahönnuð og Anna Bergljót er á leiðinni
hingað til okkar til að leikstýra verkinu hér í
Los Angeles.“ Andrea mun fara með aðal-
hlutverkið, leika sjálfa Mjallhvíti, en með tón-
listarstjórn fer Jökull Jónsson.
Hún segir að sýningin verði í svipuðum stíl
og sú sem var sýnd hér á landi. „Hún verður
sýnd úti í náttúrunni, það verður lifandi tón-
list og allir gestir eru hvattir til að koma með
teppi til að sitja á, nesti til að borða og
myndavél til að taka nóg af myndum. Öll
börn á sýningunni munu fá tækifæri til að
hitta uppáhaldspersónurnar sínar í lok hverr-
ar sýningar og taka myndir með þeim.“
Allir leikararnir í sýningunni vinna launa-
laust en ágóðinn fer í uppsetninguna. „Auk
þess ætlum við að ferðast með sýninguna
frítt á barnaspítala í Kaliforníu og bjóða lang-
veikum börnum og fjölskyldum þeirra ókeyp-
is á sýningar. Þær sýningar verða einnig
gerðar í samstarfi við veitingastaði og fyr-
irtæki sem munu bjóða börnunum upp á mat
og fleira skemmtilegt yfir daginn. Það hittir
okkur mjög í hjartastað að vinna frítt og gefa
til baka til barna sem þurfa fleiri bros í líf
sitt, við erum nokkur í hópnum sem eigum
systkini sem eru langveik og þykir vænt um
að geta hjálpað þeim sem eiga við erfileika að
stríða,“ segir Andrea en Mjallhvít verður
frumsýnd þar ytra þann 24. mars nk. Æfing-
ar hefjast um næstu helgi en undirbúningur
hefur staðið yfir frá því í haust. „Við erum öll
mjög spennt og vinnum myrkranna á milli til
að láta þetta allt gerast hérna.“
Leikhópurinn er um þessar mundir að
safna peningum til að setja sýninguna upp.
Þeim sem vilja styrkja leikhópinn er bent á
síðuna www.kickstarter.com/proj-
ects/1450181019/snow-white-a-childrens-
musical.
Gaman Andrea, fyrir miðju, stofnaði ásamt fleirum leikhópinn The Smiley Face and the Frown Entertainment Group skömmu fyrir áramót.
Setur upp Mjallhvíti í Los Angeles
Andrea Ösp Karlsdóttir er í leikhópi í Los Angeles sem ætlar að setja upp söngleik um Mjallhvíti
Sýningin verður utandyra með lifandi tónlist Langveikum börnum boðið frítt á sýninguna
Brugðið á leik Andrea hefur búið í Los Angeles undanfarin fjögur ár.