Morgunblaðið - 11.02.2012, Blaðsíða 12
12 FRÉTTIRInnlent
MORGUNBLAÐIÐ LAUGARDAGUR 11. FEBRÚAR 2012
SVIÐSLJÓS
Björn Jóhann Björnsson
bjb@mbl.is
Stefán H. Hilmarsson, fv. fjár-
málastjóri Baugs, segir það alrangt
sem komi fram í greinargerðum fyr-
ir Héraðsdómi Reykjavíkur að
Baugur hafi sótt sér fé úr styrkt-
arsjóðum til að fjármagna daglegan
rekstur fyrirtækisins í árslok 2008.
„En það getur vel verið að þetta
hafi verið örfáar milljónir í tvo til
þrjá daga, eitthvað algjörlega tilfall-
andi, en þá var það bara í ávöxt-
unarskyni fyrir viðkomandi sjóð
sem var að ávaxta sitt lausafé,“ seg-
ir Stefán í samtali við Morgunblaðið.
Um er að ræða þrjá sjóði sem
Baugur og tengdir aðilar höfðu
stofnað: Hugverkasjóð tónlistar-
manna, Styrktarsjóð Baugs og Sól-
arsjóðinn.
Hugverkasjóðurinn er enn starf-
andi og í vörslu Straums, Stefán
segir Styrktarjóð hafa verið búinn
að úthluta öllum sínum fjármunum
til styrkþega á miðju ári 2008 en
Sólarsjóðurinn, sem ætlaður var til
styrktar langveikum börnum, var
stofnaður af þeim hjónum Jóni Ás-
geiri Jóhannessyni og Ingibjörgu
Pálmadóttur. Er sjóðurinn í vörslu
Ingibjargar í dag en undir eftirliti
Ríkisendurskoðunar og KPMG. Að
sögn Stefáns hefur ekki verið út-
hlutað úr sjóðnum en í honum séu
um 120 milljónir króna, samkvæmt
endurskoðuðum ársreikningi, mest í
formi ríkisskuldabréfa og húsbréfa.
Styrktarsjóðurinn tæmdist
Baugur stofnaði Styrktarsjóðinn
árið 2005 til að styrkja ýmis góð-
gerðarmál. Á þremur árum voru
greiddar um 300 milljónir króna af
Baugi í sjóðinn og að sögn Stefáns
fengu 30-40 styrkþegar greitt úr
sjóðnum árlega. Um mitt ár 2008
hafi sjóðurinn verið búinn að gegna
sínu hlutverki og orðinn tómur.
Baugur hafi ekki með neinum ólög-
mætum hætti sótt sér fé í þann eða
aðra sjóði til fjármögnunar á dag-
legum rekstri.
„Baugur lagði inn í sjóðinn þessa
fjármuni og það að fyrirtækið hafi
verið að nota fjármunina er akkúrat
þveröfugt, penningarnir runnu frá
Baugi til Styrktarsjóðsins,“ segir
Stefán ennfremur.
Baugur stofnaði Hugverkasjóð
tónlistarmanna, sem keypti hug-
verkaréttindi af 15 landsþekktum
tónlistarmönnum, m.a. Bubba Mort-
hens, Jakobi Frímanni Magnússyni,
Jóni Ólafssyni og Stefáni Hilm-
arssyni. Lagði Baugur fram 200
milljónir króna í sjóðinn í upphafi. Á
móti fékk Baugur STEF-gjöld
þeirra til sín sem Stefán, fv. fjár-
málastjóri, segir að hafi verið hugs-
uð sem vextir af þeim greiðslum
sem tónlistarmennirnir fengu í upp-
hafi fyrir réttindi sín. Að 10 árum
liðnum, þegar STEF-gjöldin væru
búin að greiða upp hugverkarétt-
indin, áttu þeir að fá gjöldin og önn-
ur réttindi beint til sín aftur.
Straumur fjárfestingabanki held-
ur utan um þessi réttindi í dag en
sjóðurinn er ekki styrktarsjóður
sem slíkur. Samkvæmt upplýs-
ingum blaðsins gilda sömu skil-
málar ennþá og við stofnun sjóðsins
en einhverjir tónlistarmenn munu
þó hafa gert upp við sjóðinn og sagt
skilið við hann, m.a. Bubbi Mort-
hens.
Stefán segir að um 80% eigna
Sólarsjóðsins hafi verið rík-
isskuldabréf og húsbréf. Sjóðurinn
hafi verið með laust fé á árunum
2007 og 2008 sem Baugur hafi notað
í ávöxtunarskyni, um 15 milljónir
króna, en það hafi verið greitt til
baka með vöxtum.
„Fáar milljónir í nokkra
daga í ávöxtunarskyni“
Morgunblaðið/RAX
Styrktarsjóðir Frá úthlutun Styrktarsjóðs Baugs árið 2007, sem Ingibjörg Pálmadóttir og Jóhannes Jónsson sáu
um. Fyrrv. fjármálastjóri Baugs segir sjóðinn hafa lokið sínu hlutverki árið 2008 og ekkert farið í daglegan rekstur.
Fyrrverandi fjármálastjóri Baugs segir fé úr styrktarsjóðum ekki hafa farið í
daglegan rekstur Sólarsjóður með 120 milljóna eign en engu úthlutað enn
Héraðsdómur Reykjavíkur hafnaði
á fimmtudag kröfu þrotabús Baugs
um að 100 milljóna króna skuld við
SPRON yrði lýst sem almennri
kröfu við slitameðferð SPRON.
Fram kom í gögnum fyrir dómi að
Baugur hefði þurft að fjármagna
daglegan rekstur í lok árs 2008
með því að sækja með ólögmætum
hætti fjármagn til sjálfstæðra
styrktarsjóða sem Baugur og
tengdir aðilar höfðu stofnað.
„Til marks um hve þungbær
greiðsla sóknaraðila var vekur
sóknaraðili athygli á að hann hafi
ekki átt nægilegt reiðufé til að inna
greiðsluna af hendi, og hafi því
þurft að taka lán hjá Norðurljósum
ehf. sama dag að sömu fjárhæð. Þá
er jafnframt á það bent að stuttu
eftir greiðsluna þurfti sóknaraðili
að slá ólögmæt lán hjá Hugverka-
sjóði, Sólarsjóði og Styrktarsjóði til
þess að fjármagna daglegan
rekstrarkostnað,“ segir m.a. í dómi
héraðsdóms.
Fram kom á mbl.is í gær að
þrotabú Baugs hefði ekki vísað til
lögreglu rannsókn á „ólöglegri lán-
veitingu stjórnenda Baugs úr
styrktarsjóði fyrirtækisins“. Lánið
hefði verið tekið í ársbyrjun 2009,
numið um 20 milljónum króna til að
greiða inn á skuld við SPRON, en
verið greitt til baka stuttu síðar.
Unnið er að uppgjöri á þrotabúi
Baugs. Eignir búsins losa um millj-
arð. Lýstar kröfur nema 319 millj-
örðum króna en Baugur var lýstur
gjaldþrota í mars 2009.
Ekki verið vísað til lögreglu
SÖGÐ ÓLÖGMÆT LÁN Í SKJÖLUM HÉRAÐSDÓMS
Úttekt á séreignarlífeyrissparnaði
skerðir ekki atvinnuleysisbætur ef
hún er gerð í samræmi við bráða-
birgðaákvæði nr. VIII í lögum nr.
129/1997 um skyldutryggingu lífeyr-
isréttinda og starfsemi lífeyrissjóða.
Þetta staðfesti Unnur Sverrisdóttir,
forstöðumaður stjórnsýslusviðs
Vinnumálastofnunar, í samtali við
blaðamann Morgunblaðsins.
Samkvæmt ofangreindu laga-
ákvæði er heimilt að taka út séreign-
arsparnað, ásamt vöxtum, sem nem-
ur allt að 6.250.000 krónum, óháð því
hvort heildarfjárhæðin sé í vörslu
fleiri en eins vörsluaðila. Fjárhæðin
verður að greiðast út með jöfnum
mánaðarlegum greiðslum á 15 mán-
aða tímabili frá því að útgreiðslu-
beiðni er lögð fram hjá vörsluaðila.
Frá fjárhæðinni dregst síðan stað-
greiðsla samkvæmt lögum um stað-
greiðslu opinberra gjalda. „Ef þú
tekur sparnaðinn ekki út nákvæm-
lega eftir þessum almennu reglum,
ef þú ætlar t.d. að taka tvær milljónir
út þennan mánuð og svo ekkert
meir, þá kemur þetta til skerðingar
og fer undir almenna skerðingar-
ákvæðið okkar,“ segir Unnur að-
spurð hvort atvinnuleysisbætur
skerðist við úttekt séreignarlífeyris-
sparnaðar. Unnur segist ekki hafa
tölur yfir það hversu margir hafi
hlotið skerðingu á bótum eftir að
hafa tekið út séreignarsparnað með
röngum hætti.
Rétt er að geta þess að fresturinn
til þess að sækja um útgreiðslu sér-
eignarsparnaðar samkvæmt bráða-
birgðaákvæðinu rennur út 1. október
næstkomandi.
Skerðir ekki at-
vinnuleysisbætur
Jón Ásgeir Jóhannesson, fyrrver-
andi forstjóri Baugs Group, segir
það ekki rétt að peningar hafi verið
teknir úr Sólarsjóði til þess að fjár-
magna daglegan kostnað hjá Baugi,
líkt og fram kom í dómi Héraðsdóms
Reykjavíkur í vikunni.
Í skriflegri athugasemd frá Jóni
Ásgeiri kemur fram að Baugur lagði
út 2 milljónir við vefsíðugerð og
stofnun sjóðsins en það var greitt til
baka úr sjóðnum.
Jón Ásgeir segir að ekki hafi verið
úthlutað úr Sólarsjóðnum en það
verði gert á næstu árum í samræmi
við samþykktir sjóðsins. Hann og
Ingibjörg Pálmadóttir, stjórn-
arformaður sjóðsins, hafi lagt 100
milljónir króna í sem standi vel.
Ekkert lán
úr Sólarsjóði
Eftirlitsnefnd Félags fasteignasala
hefur hreinsað fasteignasöluna
Mikluborg af ásökunum um að rang-
lega hafi verið staðið að verðmati á
íbúð við Byggðarenda í Reykjavík.
Segir í úrskurðinum að vinna fast-
eignasölunnar hafi verið í samræmi
við góðar venjur í fasteignasölu.
Hjón kærðu fasteignasala og fast-
eignasöluna Mikluborg til eftirlits-
nefndar fasteignasala fyrir ólög-
mæta háttsemi við verðmat á íbúð
þeirra í Reykjavík. Málavextir voru
þeir að hjónin sóttu um 110% leið
þar sem fasteignin var yfirveðsett.
Lánardrottnar voru Drómi hf. og Ís-
landsbanki, auk Íbúðalánasjóðs á
fyrsta veðrétti. Fasteignasalan Stór-
borg framkvæmdi verðmat á fast-
eigninni að beiðni Íslandsbanka og
var niðurstaðan að verðmætið væri
30 milljónir kr. Mánuði síðar fram-
kvæmdi Miklaborg verðmat á fast-
eigninni að beiðni Dróma en nið-
urstaðan þá var að áætlað
markaðsverðmæti væri 37.5 millj-
ónir kr. Í úrskurði eftirlitsnefndar
Félags fasteignasala segir að verð-
mat Mikluborgar hafi verið unnið af
löggiltum fasteignasala og nefndin
geri ekki athugasemdir við starfs-
aðferðir fasteignasölunnar.
Jafnframt kvörtuðu hjónin undan
hagsmunatengslum á milli Dróma
og Mikluborgar. Á það var bent að
Mikluborg hefði allar fasteignir
Dróma í einkasölu sem Drómi býður
til sölu á almennum markaði. Eft-
irlitsnefndin bendir í úrskurði sínum
á að aðstæður hér á landi undanfarin
ár hafi leitt til þess að bankar, lífeyr-
issjóðir og aðrar fjármálastofnanir
hafi þurft að leysa til sín töluvert
mikið af fasteignum. Ekki þótti
ástæða til að draga hæfi Mikluborg-
ar í efa. andri@mbl.is
Miklaborg
hreinsuð af
ásökunum
Rau›arárstígur 14 · sími 551 0400 · www.myndlist.is
Opið virka daga 10–18, laugard. kl. 11–16, sunnud. 14–16
Erum að taka á móti verkum
á næsta uppboð
Áhugasamir geta haft
samband í síma 551-0400.
Listmuna-
uppboð
Hjalti
Parelius
2012
Gallerí Fold í 20 ár 1992–2012
Opnun kl. 15
laugardag 11. febrúar
Allir velkomnir
Sýning