Morgunblaðið - 11.02.2012, Page 24

24 FRÉTTIRErlent
MORGUNBLAÐIÐ LAUGARDAGUR 11. FEBRÚAR 2012
FRÉTTASKÝRING
Bogi Þór Arason
bogi@mbl.is
Sérfræðingar í málefnum Sýrlands
telja líklegt að hersveitir einræðis-
stjórnarinnar í Sýrlandi herði enn
árásir sínar til að brjóta uppreisnar-
menn á bak aftur. Tilraunir vest-
rænna ríkja til að þvinga einræðis-
stjórnina til að stöðva blóðsút-
hellingarnar hafa ekki borið árangur
og því miður virðast engar líkur vera
á því að deilan verði leyst með frið-
samlegum hætti eftir að Rússar og
Kínverjar beittu neitunarvaldi sínu í
öryggisráði Sameinuðu þjóðanna til
að koma í veg fyrir að ráðið for-
dæmdi manndrápin.
Fréttaskýrendur telja að þetta
verði til þess að uppreisnarmennirn-
ir herði skæruhernað sinn með
stuðningi erlendra ríkja, einkum
landa í Arababandalaginu þar sem
súnnítar eru í meirihluta.
„Þetta er fullreynt,“ segir Shadi
Hamid, yfirmaður rannsókna við
Brookings-miðstöðina í Doha, um til-
raunirnar til að knýja fram friðsam-
lega lausn á deilunni á vettvangi
Sameinuðu þjóðanna. „Og menn eru
núna farnir að ræða hernaðarlega
kosti í fullri alvöru. Meira er rætt um
griðasvæði, hlutlaust svæði, vernd-
aðar flutningaleiðir til að tryggja
neyðaraðstoð, eins og sýrlenska
stjórnarandstaðan hefur óskað eft-
ir,“ hefur fréttaveitan AFP eftir
Hamid. „Ég tel að margir Sýrlend-
ingar segi núna: við reyndum frið-
samleg mótmæli en það dugði ekki
og núna þurfum við að verja okkur
fyrir kúgun einræðisstjórnarinnar.“
Íslamistar gætu komist til valda
Hilal Khashan, prófessor í stjórn-
málafræði við Bandaríska háskólann
í Beirút, telur þó að vestræn ríki geti
beitt ýmsum aðferðum til að veikja
stjórnina í Sýrlandi. Þau geti til að
mynda séð sýrlenska uppreisnar-
hernum fyrir vopnum og hert efna-
hagslegu refsiaðgerðirnar gegn ein-
ræðisstjórninni.
Ákveði vestrænu ríkin að vopna
sýrlensku uppreisnarmennina gæti
það leitt til enn meiri blóðsúthellinga
og langvinns borgarastríðs. Stjórnin
í Sýrlandi hefur þegar sakað grann-
ríki í Arabandalaginu, einkum Sádi-
Arabíu og Katar, um að hafa séð
uppreisnarmönnunum fyrir vopnum
og peningum.
Varað hefur verið því að ef ein-
ræðisstjórnin fellur geti blóðug átök
blossað upp milli súnníta (sem eru í
miklum meirihluta í Sýrlandi), ala-
víta, sjíta, drúsa og kristinna manna.
Borgarastríð í Sýrlandi getur einnig
dregið dilk á eftir sér í öðrum lönd-
um og kynt undir togstreitu milli
trúarhópa í Mið-Austurlöndum.
Komist súnnítar til valda í Sýr-
landi er hugsanlegt að íslamistar
verði mjög áhrifamiklir, líkt og virð-
ist vera að gerast í Egyptalandi og
fleiri arabaríkjum.
Íranskar sérsveitir
sagðar aðstoða
Sýrlenska stjórnin nýt-
ur stuðnings stjórnvalda í
Íran og Írak þar sem sjítar eru
í meirihluta. Hreyfingar sjíta í
Líbanon, þeirra á meðal Hiz-
bollah, hafa einnig stutt stjórn
Sýrlands. Talið er að það yrði
mikið áfall fyrir Hizbollah og
Írana og myndi veikja samstarf
þeirra ef sýrlenska stjórnin félli.
Breska dagblaðið The Telegraph
segir að talið sé að sýrlenska ein-
ræðisstjórnin og hersveitir hennar
njóti aðstoðar íranskra sérsveita
sem nefnast Quds. Verksvið Quds-
sveitanna er að verja hagsmuni Ír-
ans á erlendri grundu. Þær heyra
ekki undir forseta landsins, Mahmo-
ud Ahmadinejad, heldur beint undir
æðsta leiðtoga írönsku klerka-
stjórnarinnar, Ali Khameini erki-
klerk.
Vestrænir og arabískir sérfræð-
ingar og stjórnarerindrekar telja að
hátt í þúsund eða jafnvel þúsundir
liðsmanna Quds-sveitanna séu núna í
Sýrlandi. Þeir eru sagðir vera með
að minnsta kosti eina bækistöð ná-
lægt borginni Zabadani, við landa-
mærin að Líbanon.
The Telegraph hefur eftir sýr-
lenskum heimildarmönnum að yfir-
maður Quds, Qassem Suleimani, sé í
Sýrlandi til að vera einræðisstjórn-
inni til ráðgjafar um hvernig kveða
eigi mótmælin og uppreisnina niður.
Þetta sé að minnsta kosti önnur
heimsókn hans til landsins.
Heimildarmennirnir segja að
meginhlutverk Quds-sveitanna í
Sýrlandi sé að þjálfa liðsmenn ör-
yggissveita, aðstoða þær og leyni-
skyttur úr röðum vopnaðra stuðn-
ingsmanna einræðisstjórnarinnar.
Íranarnir veita tæknilega aðstoð,
m.a. við að afla upplýsinga og fylgj-
ast með notkun stjórnarandstæð-
inga á netinu og farsímum.
Arabískir fjölmiðlar halda því
einnig fram að leyniskyttur úr röð-
um Hizbollah-manna í Líbanon séu
nú í Sýrlandi til að aðstoða hersveit-
irnar í baráttunni við uppreisnar-
mennina.
Rússneski herinn er með flotastöð
í Sýrlandi og Rússar hafa áratugum
saman séð stjórn landsins fyrir
vopnum. The Telegraph sagði að
William Hague, utanríkisráðherra
Bretlands, hefði rætt í síma við rúss-
neska starfsbróður sinn, Sergej
Lavrov, og látið í ljósi miklar áhyggj-
ur af því að Rússar héldu áfram að
selja sýrlensku stjórninni vopn.
Lavrov hefði einfaldlega svarað að
það væri „ekkert ólöglegt“ við
vopnasöluna.
Stefnir í enn blóðugri átök
AP
Sorg Syrgjendur bera uppreisnarmann til grafar í borginni Idlib í Sýrlandi. Tíu ára piltur og nokkrir uppreisnar-
menn, sem biðu bana í árásum hersveita einræðisstjórnarinnar, voru bornir til grafar í borginni í gær.
 Talið er að hersveitir stjórnarinnar í Sýrlandi herði enn árásir sínar og að uppreisnarmenn svari
með því að auka skæruhernað sinn  Borgarastríð gæti haft slæmar afleiðingar í grannríkjunum
Vænta viðurkenningar
» Sýrlenska þjóðarráðið, sam-
tök sýrlensku stjórnarandstöð-
unnar, kvaðst í gær búast við
því að nokkur Persaflóaríki
myndu viðurkenna það form-
lega sem eina lögmæta fulltrúa
sýrlensku þjóðarinnar.
» Bráðabirgðastjórnin í Líbíu
er sú eina sem hefur viður-
kennt Sýrlenska þjóðarráðið.
» Í þjóðarráðinu eru mjög ólík-
ar hreyfingar, meðal annars ísl-
amistar úr Bræðralagi músl-
íma og þjóðernissinnar.
Að minnsta kosti 28 manns biðu
bana og 235 særðust í tveimur
sprengjutilræðum sem virtust
beinast gegn sýrlenskum öryggis-
sveitum í sýrlensku borginni
Aleppo í gær. Þetta eru fyrstu
sprengjutilræðin í Aleppo, næst-
stærstu borg landsins, frá
því að uppreisnin gegn ein-
ræðisstjórn Bashars al-
Assads forseta hófst
fyrir tæpu ári.
Sýrlenska ríkis-
sjónvarpið sagði að
vopnaðir hryðju-
verkamenn hefðu
verið að verki. Tals-
maður Frjálsa sýr-
lenska hersins
sagði hins vegar að ein-
ræðisstjórnin hefði sjálf
staðið fyrir tilræðunum í því
skyni að beina athyglinni
frá árásum hersveita hennar á
íbúðahverfi í Homs, þriðju stærstu
borg landsins.
Skriðdrekar réðust í gær inn í
eitt hverfa Homs, nálægt hverfinu
Baba Amr sem lýst hefur verið
sem miðdepli uppreisnarinnar í
borginni.
Sýrlenskir stjórnarandstæð-
ingar efndu í gær til mótmæla
gegn stuðningi Rússlands við ein-
ræðisstjórnina með kjörorðunum
„Rússar eru að drepa börnin okk-
ar“.
Aðstoðarutanríkisráðherra
Rússlands, Sergej Rjabkov, sagði
hins vegar að sýrlenska stjórnar-
andstaðan bæri „fulla ábyrgð“ á
ofbeldinu í landinu. Hann sakaði
einnig stjórnvöld á Vesturlöndum
um að ýta uppreisnarmönnum til
vopnaðrar baráttu gegn sýrlensku
stjórninni.
Sagðir ýta undir ofbeldi
MANNSKÆÐ SPRENGJUTILRÆÐI Í NÆSTSTÆRSTU BORGINNI
Hector Timerman, utanríkis-
ráðherra Argentínu, afhenti í gær
embættismönnum Sameinuðu þjóð-
anna formleg mótmæli vegna
meintrar hervæðingar Breta við
Falklandseyjar. Argentínumenn
saka Breta um að hafa brotið gegn
um 40 ályktunum öryggisráðs Sam-
einuðu þjóðanna um Falklands-
eyjadeiluna. Þar sem Bretar eru
með neitunarvald í öryggisráðinu
geta þeir komið í veg fyrir að það
samþykki nýja ályktun um málið.
Cristina Fernández de Kirchner,
forseti Argentínu, hefur mótmælt
þeirri ákvörðun Breta að senda her-
skipið HMS Dauntless til Falklands-
eyja og segir það lið í hervæðingu
þeirra í Suður-Atlantshafi.
Argentínumenn hafa einnig mót-
mælt því að Vilhjálmur Bretaprins
var nýlega sendur á svæðið sem
þyrluflugmaður í breska flug-
hernum.
Hervæðingu
mótmælt
200 km
ARGENTÍNA
Falk lands-
eyjar
Atlantshaf
Stanley
Yfirráða-
svæði
Bretlands
152,4 m
21,2 m
Heimildir: Reuters, armed forces.co.ok
DEILT UM HERSKIP
HMS DAUNTLESS
Argentínumenn hafa sakað Breta um að„hervæða“ Suður-Atlantshaf, m.a. með því
að senda þangað nýjasta tundurspilli sinn. Vaxandi spenna hefur verið í samskiptum
þjóðanna að undanförnu, tæpum 30 árum eftir að Falklandseyjastríðið hófst.
Særými
Hámarkshraði
Siglingarþol
7.350 tonn
29 hnútar
7.000 sjómílur
á 18 hnútum
Í áhöfn
Er með mjög öflugan loftvarnabúnað
187
Tundurspillir af gerðinni Daring
Skipið var
hannað með
það fyrir augum
að erfitt yrði að
greina það á
ratsjá
Kolaportið
er opið alla
laugardaga og
sunnudaga
frá 11-17
Kolaportid.is