Morgunblaðið - 18.02.2012, Blaðsíða 13

MORGUNBLAÐIÐ LAUGARDAGUR 18. FEBRÚAR 2012
Þegar ljóst varð á fundi strandríkja í
Reykjavík á fimmtudag, að ekki næð-
ist samkomulag um skiptingu makríl-
kvóta, lagði Ísland til að allir aðilar
drægju hlutfallslega jafnt úr veiðum
sínum á þessu ári.
Makrílveiðarnar á síðasta ári voru
rúmlega 900 þúsund tonn en ráðgjöf
Alþjóðahafrannsóknaráðsins, ICES,
var 640 þúsund tonn. Að sögn Tóm-
asar H. Heiðar, aðalsamningamanns
Íslands, gerði tillaga Íslands ráð fyrir
að aðilarnir myndu hver um sig draga
úr veiðum sínum á þessu ári um 30%.
Slíkt bráðabirgðasamkomulag, sem
væri til þess fallið að vernda stofninn,
myndi einungis gilda fyrir árið 2012
og ekki hafa neitt fordæmisgildi fyrir
skiptingu aflaheimilda í framtíðinni.
„Því miður voru hinir aðilarnir ekki
reiðubúnir til að fallast á tillöguna,“
segir Tómas.
Boltinn hjá ESB og Noregi
Fulltrúar Evrópusambandsins og
Noregs hafa gagnrýnt Íslendinga
harðlega og sögðu í yfirlýsingu á
fimmtudagskvöld, að það væru sér-
stök vonbrigði að hvorki Ísland né
Færeyjar hefðu í reynd reynt að ná
samkomulagi. Hvorki Ísland né Fær-
eyjar hefðu lagt fram tillögur sem
rímuðu við svæðisbundnar megin-
reglur eða sögulegar veiðar úr stofn-
inum.
Tómas segir að enginn fótur sé fyr-
ir þeirri fullyrðingu að Ísland hafi
ekki tekið virkan þátt í samningavið-
ræðunum.
Í lok viðræðufundar, sem haldinn
var í Bergen í janúar sl., hafi Ísland
lagt fram tillögu um skiptingu afla-
heimilda milli aðila málsins.
„Boltinn var augljóslega hjá ESB
og Noregi og við gerðum að sjálf-
sögðu ráð fyrir að þessir aðilar
myndu koma fram með gagntillögu á
fundinum hér í Reykjavík í þessari
viku. Við urðum því fyrir miklum von-
brigðum þegar fundurinn leið án þess
að það gerðist,“ segir Tómas.
Allir bera sameiginlega ábyrgð
Hann segir að Ísland hafi tekið
virkan þátt í samningaviðræðunum
enda sé Íslendingum umhugað um að
stuðla að lausn málsins til að fyrir-
byggja frekari ofveiði úr makrílstofn-
inum.
„Af þessu er ljóst að Ísland hefur
tekið virkan þátt í samningaviðræð-
unum enda er okkur umhugað um að
stuðla að lausn málsins til að fyrir-
byggja frekari ofveiði úr makrílstofn-
inum. Allir aðilar málsins, ESB, Nor-
egur, Ísland, Færeyjar og Rússland,
bera sameiginlega ábyrgð á þessari
ofveiði og þeir þurfa allir að leggja sitt
af mörkum við samningaborðið eigi
samkomulag að nást," segir Tómas.
Hann segir engan grundvöll fyrir
að beita Íslendinga viðskiptaþvingun-
um gegn Íslandi vegna makrílveið-
anna. Slíkt myndi brjóta í bága við
EES-samninginn, WTO-samninginn
og aðra alþjóðlega viðskiptasamn-
inga. Hótanir um slíkar aðgerðir séu
því ekki trúverðugar gummi@mbl.is
Morgunblaðið/Árni Sæberg
Rætt um makríl Frá samningafundi strandríkja í Reykjavík.
Lögðu til 30%
samdrátt í mak-
rílveiðum 2012
 Aðrar þjóðir féllust ekki á tillöguna
Landsbankinn landsbankinn.is 410 4040
Sjóðurinn fjárfestir í dreifðu safni
skuldabréfa, hlutabréfa og hlut-
deildarskírteina. Grunnfjárfesting
sjóðsins er í verðbréfum með
ábyrgð ríkisins. Þannig verður
áhættan meiri en í hreinum ríkis-
skuldabréfasjóðum og vænt ávöxtun
til lengri tíma hærri.
Reglubundinn sparnaður
Með reglubundnum sparnaði
í sjóðum getur þú byggt upp
eignasafn með áskrift frá 5.000 kr.
á mánuði. Enginn munur er á kaup-
og sölugengi í áskrift. Sparnað í
sjóðum má alltaf innleysa.
Eignabréf – Eignasamsetning 01.01.2012
Eignasamsetning ræðst af fjárfestingarstefnu og markaðsaðstæðum hverju sinni.
Fjárfestingarstefnu má finna í útboðslýsingu á landsbankinn.is.
Fyrirvari: Eignabréf er fjárfestingarsjóður samkvæmt
lögum nr. 128/2011 og lýtur eftirliti Fjármálaeftirlitsins.
Landsvaki hf. er rekstrarfélag sjóðsins og Landsbankinn
hf. vörslufélag hans. Áhætta fylgir ávallt fjárfestingu
í sjóðum þar sem gengi þeirra getur bæði hækkað og
lækkað. Ávöxtun í fortíð gefur ekki vísbendingu um
framtíðarávöxtun. Nánari upplýsingar um sjóðinn má
finna í útboðslýsingu eða útdrætti úr henni á landsvaki.is
eða landsbankinn.is. Fjárfestum er bent á að kynna sér
útboðslýsinguna áður en fjárfest er í sjóðnum, en þar er
meðal annars ítarleg umfjöllun um fjárfestingarstefnu
sjóðsins og áhættu sem felst í fjárfestingu í honum.
Eignabréf er nýr blandaður fjárfestingarsjóður
sem hentar vel fyrir reglubundinn sparnað.
Sjóðurinn hentar vel í langtímasparnað fyrir
einstaklinga sem vilja ávaxta hluta af sparnaði
sínum í öðrum verðbréfum en ríkisskuldabréfum.
Komdu við í næsta útibúi, hringdu í 410 4040 eða sendu okkur póst
á fjarmalaradgjof@landsbankinn.is.
Nýr kostur
í sparnaði
Skuldabréf, víxlar
og aðrar kröfur með
ríkisábyrgð
83%
Hlutabréf9%
Reiðufé7%
Innlán hjá fjármála-
fyrirtækjum
1%
Hæstiréttur staðfesti í gær gæslu-
varðhaldsúrskurði til 14. mars næst-
komandi yfir tveimur karlmönnum og
einni konu sem grunuð eru um að
hafa ráðist á konu og misþyrmt henni
í desember í fyrra.
Í gæsluvarðhaldsúrskurðum hér-
aðsdóms kemur fram að þremenning-
unum sé gefið að sök að hafa ráðist
inn á heimili konunnar aðfaranótt 22.
desember sl. Þá var karlmaður stadd-
ur í íbúð konunnar en þremenning-
arnir ýttu honum út og lokuðu á eftir
sér. Hin grófa árás gegn konunni fólst
í því að hún var tekin kverkataki og í
hana var sparkað þar til hún missti
tímabundið meðvitund. Að sögn kon-
unnar var hníf þrýst að hálsi hennar
og hún dregin á hárinu um heimili
sitt. Hún segir einnig að hún hafi ver-
ið barin með plastkylfu og að árás-
armennirnir hafi notað töng til þess
að reyna að klippa af henni fingur.
Þremenningarnir eru jafnframt
grunaðir um að hafa neytt konuna til
þess að borða fíkniefni og um að hafa
beitt hana grófu kynferðisofbeldi.
Við yfirheyrslur sagðist konan
þekkja tvo af árásarmönnunum en
ekki þann þriðja enda hefði hann hul-
ið andlit sitt grímu. Spurð út í mögu-
legar ástæður árásarinnar sagðist
hún hafa verið í símasamskiptum við
árásarmennina fyrr sama dag og að
þau virtust hafa litið svo á að hún
hefði haft í hótunum við þau og því
bæri að refsa henni. Grímuklæddi
maðurinn er talinn hafa fyrirskipað
árásina en hann neitar sök. Sakborn-
ingarnir tengjast allir vélhjólasam-
tökunum Vítisenglum.
Misþyrmdu
fórnarlambinu
 Hæstiréttur staðfesti gæsluvarðhald
Úrskurður Mennirnir voru úrskurð-
aðir í gæsluvarðhald til 14. mars.