Morgunblaðið - 05.03.2012, Blaðsíða 6
HRV hefur
mikla möguleika
á erlendum
vettvangi
HRV er verkfræði-
fyrirtæki sem er
sérhæft í þjónustu
við álverin og segir
Símon Þorleifsson
framkvæmdastjóri
verkfræðiþjónustu
HRV að fyrirtækið,
sem er í eigu
Mannvits og Verkís,
sé vel í stakk búið
til að takast á við
verkefni sem þetta og
sameiginlegur starfs-
manna fjöldi fyrirtækjanna (700 manns) geri það
að verkum að HRV getur boðið álfyrirtækjum, bæði
hérlendis og erlendis, heildstæða þjónustu á sviði
hönnunar og verkefnisstjórnunar.
„Verkefnastaða HRV er góð og horfurnar næstu
misserin ágætar. Við höfum verið að byggja upp
tækni- og verkefnastjórnunarþekkingu innan fyrir-
tækisins í samræmi við nýjustu alþjóðastaðla innan
hátæknigeirans en slík þekking er nauðsynleg til
að geta tekist á við krefjandi verkefni á erlendum
vettvangi.
Grundvöllur fyrir vexti og framförum HRV er gott
aðgengi að hæfileikaríku fólki, bæði tæknimenntuðu
sem og fólki með annars konar bakgrunn.
Sóknarfærin eru mörg, bæði hérlendis og
erlendis, og munum við nýta okkur þau eftir bestu
getu. Við sjáum mikil tækifæri fyrir verkfræðimenntað
fólk innan HRV í framtíðinni. Þetta afriðlaverkefni
sem við unnum fyrir Alcoa er mikilvægur áfangi á
þeirri vegferð að geta sýnt enn og aftur að hér á
Íslandi höfum við yfir að ráða mjög metnaðarfullu
og hæfu starfsfólki. Hópurinn sem starfaði að þessu
verkefni hefur unnið þrekvirki og viljum við hjá HRV
koma á framfæri miklu þakklæti til starfsmanna og
allra samstarfsaðila í verkefninu.“
Góður árangur við endurbyggingu spennis
í álveri Alcoa í Reyðarfirði
Fyrir rúmu ári, þann 18. desember 2010, varð öflug
sprenging í reglunarspenni í einni af fimm afriðla-
einingum álvers Alcoa í Reyðarfirði. Útleiðsla í kapal-
inntaki eins reglunarspennis olli sprengingunni og við
það kviknaði í olíu sem notuð er til að kæla spenninn
en hver afriðill er byggður upp af reglunarspenni,
afriðlaspenni og tveimur „afriðlum“ eða díóðurýmum,
sem síðan tengjast straumleiðurum kerskálans.
Við sprenginguna fór allt rafmagn af álverinu í tvær
klukkustundir og eldtungurnar frá spennistöðinni
náðu tugi metra upp í loft. Vegna strangra öryggisreglna
innan Alcoa hélt varnarbúnaður sem og eldvarnarhólf
fullkomlega. Mesta mildi þykir að enginn starfsmaður
var nálægt spenninum þegar sprengingin varð og því
skapaðist ekki hættuástand m.t.t. heilsu starfsfólks.
Mannauðurinn er mikilvægasta auðlindin hjá Alcoa
og rekur fyrirtækið mjög öfluga heilbrigðis-, öryggis-
og umhverfisstefnu. Með snarræði komu starfsmenn
Alcoa í veg fyrir að eldurinn breiddist út og að aðrir
spennar hitnuðu of mikið. Innan áliðnaðarins þykir
það mikið afrek hjá starfsmönnum Fjarðaáls að hafa
haldið álverinu gangandi eftir sprenginguna.
Strax var hafist handa við að undirbúa kaup á nýjum
reglunarspenni og endurnýjun/viðgerð á afriðlaspenni
og afriðlum því að rekstraröryggi kerskála álversins var
ógnað með eingöngu fjórar afriðlaeiningar starfræktar.
Alcoa fékk verkfræðistofuna HRV til annast undir-
búning, hönnun, eftirlit og framkvæmd verkefnisins.
Verkefnið fékk nafnið RF12 (Rectifier 12) og var unnið
af sérfræðingum HRV með aðkomu og góðri aðstoð
starfsmanna nokkurra undirverktaka sem veittu verk-
efninu mikilvæga þekkingu.
Sökum mikilvægis var verkefninu sett mjög
krefjandi áætlun og með góðu og samstilltu átaki allra
sem komu að því tókst að klára það á áætlun og var ný
afriðlaeining gangsett þann 16. desember síðastliðinn
og gekk innleiðingin snurðulaust.
Verkefnahópur sem
vinnur þrekvirki
Ásgeir Kr. Sigurðsson er verkefnastjóri hjá HRV
Engineering fyrir RF12:
„Strax í upphafi var ljóst að verkefnið yrði umfangs-
mikið,sérstaklegaí ljósiþessaðbúnaðurinnsemvarðfyrir
tjóni er flókinn og búnaður sem þurfti að fjarlægja allt frá
24 – 260 tonn að þyngd auk þess sem stuttar fjarlægðir
eru í spennuhafa, búnað og aðrar afriðlaeiningar. Verkið
þurfti að vinnast hratt og örugglega til að ná upp
rekstraröryggi sem fyrst en til þess þurfti samheldinn
hóp sérfræðinga og verktaka. Strax var hafist handa við
gerð útboðsgagna vegna kaupa á nýjum búnaði og vinna
við að ná búnaðinum út og koma í viðgerð. Hollenska
fyrirtækið Mammoet var fengið hingað til lands til að
hífa búnaðinn út en kraninn sem var notaður vó 750 tonn.
Viðgerð á búnaðinum fór fram í Noregi og á Reyðarfirði
en nýr spennir var framleiddur hjá Fuji í Japan. Frá april
2011 var unnið að endurhönnun, byggingu afriðlahólfs
og við að koma afriðlum og spennum fyrir. Þegar mest
var voru 70 starfsmenn ýmissa verktakafyrirtækja, sér-
fræðingar HRV og samstarfsaðilar að störfum á sama
tíma við verkefnið.“
Hver er ástæða fyrir aðkomu HRV að þessu verkefni?
„HRV hefur tekið þátt í uppbyggingu álvera á Íslandi og
hefur aðgengi að um 200 sérfræðingum sérhæfðum í
álverum. HRV tók þátt í uppbyggingu Fjarðaáls og við
höfum víðtæka þekkingu á aðstæðum á staðnum ásamt
ferlum Aloca. Við gátum brugðist strax við þegar kallið
kom frá Alcoa og hófst okkar vinna 3. janúar 2011.“
Í hverju er aðkoma HRV í þessu verkefni fólgin?
„HRV er svokallað EPCM fyrirtæki (Engineering, Pro-
curement & Construction Management) og sjáum við
um hönnun og teiknivinnu varðandi allan búnað og
aðstöðu, innkaup á búnaði í samstarfi við verktaka og
samningagerð við undirverktaka sem og heildarstýringu
á verkefninu og þeirra verktaka sem að því komu.“
Hefur HRV reynslu af samskonar verkefnum og hverjar
hafa verið helstu hindranirnar í verkefninu?
„Innan HRV er mikil þekking og reynsla í álversverk-
efnum og stýringu þeirra í samræmi við ítrustu kröfum
verkkaupans (Alcoa). Engu að síður var í þessu verkefni
talsvert um nýjar áskoranir sem snéru einna helst að
hraða, en ekki síður öryggi. Eins og gefur að skilja þá
eru gríðarleg verðmæti í húfi í svona verkefni og hvergi
má slaka á öryggiskröfum, Við erum að starfa innan
um „lifandi“ búnað sem er í fullum rekstri. – Ekkert
má út af bera“
Hefur verkefnið gengið samkvæmt áætlun?
„Verkefnaáætlunin var mjög krefjandi og metnaðarfull
markmið sett sem gerðu ráð fyrir að verkefnið klár-
aðist hratt og örugglega. Þetta var stóra áskorunin —
við tókum henni og verkið kláraðist á áætlun.“
Í hverju er sérstaða HRV fólgin og hvernig var
fyrirtækið í stakk búið að takast á þetta verkefni?
„Við erum öflugasta EPCM fyrirtækið á Íslandi og
þökkum það góðum verkferlum, frábæru starfsfólki
og góðu samstarfi við okkar viðskiptavini sem eru
fyrst og fremst álfyrirtækin.“
Afriðlaeiningin sem brann þann 18. desember
2010 var fjarlægð og ný afriðlaeining gangsett 16.
desember 2011 eða réttu ári síðar. Verkið kláraðist
á áætlun og gekk innleiðingin snurðulaust.