Morgunblaðið - 14.04.2012, Page 16

Um 90 manns sátu stofnfund Holl-
vinasamtaka Elliðaárdalsins, sem
haldinn var í vikunni í félagsheimili
Orkuveitu Reykjavíkur í dalnum.
Aðdragandi stofnfundarins var sá
að á haustdögum efndu hverfisráð
Breiðholts og hverfisráð Árbæjar til
fundar um málefni dalsins. Nið-
urstaða þess fundar var að þörf væri
á að stofna félag um Elliðaárdalinn.
Á stofnfundinum færðu fulltrúar
hverfisráðanna tveggja félaginu 50
þúsund krónur að gjöf hvort. Einnig
færðu þeir fundarmönnum þær
fréttir að lénið www.ellidaardal-
ur.is hefði verið tekið frá fyrir fé-
lagið.
Í stjórn samtakanna voru Alda M.
Magnúsdóttir, Anna Sif Jónsdóttir,
Guðbrandur Benediktsson, Guðrún
Ágústsdóttir, Guðrún Theódórs-
dóttir, Halldór Páll Gíslason og Stef-
án Pálsson. Varamenn eru Erla
Þórðardóttir og Kristján Hreinsson.
Stjórnin mun skipa með sér verkum
á næsta fundi, sem haldinn verður
bráðlega.
Fundarmenn Frá stofnfundi Hollvina-
samtaka Elliðaárdals á fimmtudag.
Hollvinasamtök Ell-
iðaárdals stofnuð
16 FRÉTTIRInnlent
MORGUNBLAÐIÐ LAUGARDAGUR 14. APRÍL 2012
Mikill áhugi er á málþingi, sem
haldið verður í næstu viku um há-
spennulínur og jarðstrengi.
Málþingið, sem er á vegum Raf-
magnsdeildar Verkfræðingafélags
Íslands, verður haldið miðvikudag-
inn 18. apríl á Grand hóteli í
Reykjavík og hefst klukkan 13.
Samkvæmt upplýsingum frá
Verkfræðingafélaginu verður
fjallað um háspennilínur og jarð-
strengi frá ýmsum hliðum á mál-
þinginu og lagt upp með að umræð-
an sé óhlutdræg og eins opin og
best verði á kosið.
Málþing um
háspennulínur
Sýning verður opnuð í Norræna húsinu
klukkan 14 í dag undir yfirskriftinni Nat-
ional Purist Routes. Þar verður sýnt verk-
efni arkítektanna Gíslunnar Hálfdán-
ardóttur og Mathiasar Kemptons þar sem
rannsakað er samband vatns, jarðhita,
ferðamennsku og ósnortinna landsvæða.
Í tilkynningu frá Norræna húsinu segir,
að verkefnið sýni að með því að innleiða vetnisstöðvar á áfangastöðum um
allt land fyrir til dæmis bílaleigubíla aukist möguleikar á samhliða vexti
fyrir ferðamennsku og orkugeirann. Gíslunn og Mathias halda fyrirlestur
um verkefnið í tengslum við opnun sýningarinnar.
Hreyfanlegt íslenskt landslag
Námstefna undir yfirskriftinni For-
eldrar í vanda – börn í vanda, heil-
brigð frumtengsl – forsenda lífs-
hæfni, verður haldin dagana 2.-3.
maí í fyrirlestrasal Þjóðminjasafns-
ins.
Að henni standa Þerapeia, Mið-
stöð foreldra og barna og Barna-
verndarstofa.
Aðalfyrirlesarar verða Kari Kil-
lén frá Noregi og May Olofsson frá
Danmörku en báðar eru þær þekkt-
ar á alþjóðavettvangi fyrir framlag
sitt og rannsóknir.
Nánari upplýsingar og skráning
eru hjá Þerapeiu.
Námstefna um
foreldra og börn
STUTT
Heimir Snær Guðmundsson
heimirs@mbl.is
Flugfélagið Ernir mun í sumar vera
með beint flug til Húsavíkur fjóra
daga vikunnar. Áætlanaflug hefst á
morgun, síðast var flogið beint til
Húsavíkur árið 2000. Mýflug hætti
flugi til Húsavíkur árið 2000 eftir að
hafa haldið uppi ferðum í tvö ár.
Þrettán ár eru síðan Flugfélag Ís-
lands hætti að fljúga til Húsavíkur.
Bergur Elías Ágústsson bæjarstjóri
segir þessa ákvörðun skipta Norður-
þing miklu máli og íbúa fagna frétt-
unum.
„Annarsvegar einfaldar þetta að-
gengi ferðamanna að svæðinu og
hinsvegar heimamanna að höfuð-
borgarsvæðinu. Þetta styttir ferðina
til Reykjavíkur um tæpar þrjár
klukkustundir.“ Bergur sér mikil
sóknarfæri með þessum tíðindum,
„Hingað kemur mikill fjöldi ferða-
manna, innlendir sem og erlendir, og
ferðaþjónustuaðilar bíða spenntir.“
Flogið verður sjö sinnum í viku, tvisv-
ar á þriðjudögum, fimmtudögum og
föstudögum en einu sinni á sunnu-
dögum. Ásgeir Örn Þorsteinsson hjá
Erni segir mikinn áhuga vera á beinu
flugi til Húsavíkur.
„Viðtökurnar eru betri en við þorð-
um að vona. Við erum í sambandi við
erlendar ferðaskrifstofur og erum
þegar byrjaðir að selja ferðir til er-
lendra ferðamanna,“ segir Ásgeir.
Áætlunarflugið byrjar á morgun og
mun standa út september. Um mitt
sumar verður tilkynnt um hvort
framhald verði á. „Um sumarið verða
farþegar ferðamenn að stórum hluta
en til að þetta geti gengið upp og orð-
ið heilsársáætlun byggist þetta á því
að heimamenn notfæri sér þjón-
ustuna.“ Ernir hefur þegar farið eina
ferð með hóp ferðaþjónustuaðila og
að sögn Ásgeirs eru aðstæður mjög
góðar á Aðaldalsflugvelli. Ásgeir seg-
ir að Ernir muni notast við sömu gerð
flugvéla og þeir noti t.a.m. við flug sitt
til Vestmannaeyja. „Flugvélarnar
sem við notum eru mjög farþegavæn-
ar, þær eru af gerðinni Jetstream 32
og eru 19 sæta skrúfuþotur. Þær eru
búnar jafnþrýstibúnaði og fljúga þá
ofar flestum veðrum.“ segir Ásgeir.
Ernir bjóða fólki að mæta á flugvöll-
inn á Húsavík á morgun. Von er á að
fyrstu vélinni kl. 15.45.
Morgunblaðið/Hafþór Hreiðar
Aðaldalsflugvöllur Aðstæður þar þykja mjög heppilegar því aðflug er óhindrað bæði úr norðri og suðri.
Flogið til Húsavíkur á ný
 Ernir hefja flug á morgun  Ekki flogið síðan 2000
DÚKA KRINGLUNNI SÍMI: 533 1322 SMÁRALIND SÍMI: 564 2011
Ný sending af litríkum
og skemmtilegum
vörum frá DUKA í
Svíþjóð Kjartan Kjartansson
kjartan@mbl.is
Vegagerðin tók ekki lægsta tilboði
sem barst í að leggja Vestfjarðaveg á
milli Eiðis og Þverár. Þess í stað hef-
ur Vegagerðin tekið upp viðræður
við Suðurverk hf. um verkið en fyr-
irtækið átti næstlægsta tilboðið af
þeim fimm sem bárust. Hefur verk-
takinn sem átti lægsta boðið farið
fram á rökstuðning fyrir þessari
ákvörðun frá Vegagerðinni.
Þegar tilboð voru opnuð þann 27.
mars var tilkynnt að verktakafyrir-
tæki Ingileifs Jónssonar hefði átt
lægsta tilboðið. Það hefði hins vegar
ekki staðist þær kröfur sem Vega-
gerðin gerði til verktaka í svo stórum
verkum.
Vildi Vegagerðin meina að verk-
takinn stæðist ekki kröfur um með-
alveltu á árunum 2008-2010, eigið fé
og að hafa unnið verk sem nemur
60% af stærð framkvæmdarinnar við
Vestfjarðaveg.
„Við erum ósammála þessari
ákvörðun Vegagerðarinnar og get-
um ekkert annað gert en að árétta
okkar sjónarmið. Mér þykir skrýtið
ef menn ætla að semja við annan
verktaka án þess að gera lægstbjóð-
anda grein fyrir því um hvað málið
snýst,“ segir Ingileifur. Málið er nú í
höndum lögmanns hans sem sendi
Vegagerðinni bréf þar sem hann
óskaði eftir rökstuðningi fyrir
ákvörðun hennar. Fyrirtækið telji
sig uppfylla kröfur Vegagerðarinnar
og nefnir Ingileifur sem dæmi verk
sem það vann á Þröskuldum sem
nemi meira en 60% af þessari fram-
kvæmd.
Að sögn G. Péturs Matthíassonar,
upplýsingafulltrúa Vegagerðarinn-
ar, uppfyllti fyrirtæki Ingileifs ekki
skilyrði Vegagerðarinnar. Þannig
hafi til dæmis samningsupphæðin í
verkinu á Þröskuldum í lægsta til-
boðinu verið uppfærð með tilliti til
verðlags sem ekki sé venjan að gera.
„Við getum ekki breytt þessari
reglu. Við gerum þetta eins og við
höfum alltaf gert,“ segir hann.
Ingileifur
Jónsson
G. Pétur
Matthíasson
Tók ekki lægsta
boði fyrir vestan
 Verktaki óskar eftir rökstuðningi