Morgunblaðið - 14.04.2012, Blaðsíða 41

MINNINGAR 41
MORGUNBLAÐIÐ LAUGARDAGUR 14. APRÍL 2012
✝ Valdís Magn-úsdóttir fædd-
ist á Hellissandi
23. maí 1931. Val-
dís lést á Land-
spítalanum við
Hringbraut 3. apr-
íl 2012.
Foreldrar Val-
dísar voru Kristín
Oddsdóttir og
Magnús Hjart-
arson, Hellisandi.
Valdís var einkabarn þeirra
hjóna en átti hálfsystur, Krist-
ínu Skúladóttur, sem er látin.
Móðir Valdísar hafði átt Krist-
ínu áður en hafði misst unn-
usta sinn Skúla Rögnvaldsson
af slysförum.
Valdís giftist Sigurði Krist-
jónssyni útgerðarmanni 25.
desember 1958. Börn Valdísar
og Sigurðar eru: Kristín
Magnea Sigurðardóttir f. 28
júní 1952 og Sig-
urður Valdimar
Sigurðsson f. 30.
mars 1961. Kristín
Magnea er gift
Svanbirni Stef-
ánssyni og eiga
þau þrjú börn:
Sigurð Magnús f.
1973, hann á tvo
syni, Valdísi f.
1976, hún á þrjá
syni og Dröfn f.
1983, hún á eina dóttur.
Sigurður Valdimar er giftur
Kristínu Björk Marísdóttur og
eiga þau fjögur börn: Leu
Hrund f. 1980, hún á tvær
dætur og tvo syni, Sif f. 1981,
hún á eina dóttur, Magnús
Darra f. 1991 og Gils Þorra f.
1992.
Útför Valdísar fer fram frá
Ingjaldshólskirkju í dag, 14.
apríl 2012, og hefst kl. 11.
Elsku amma hefur kvatt okk-
ur eftir mikla og hetjulega bar-
áttu, hún tókst á við veikindin sín
af miklu æðruleysi. Okkur langar
að minnast hennar með örfáum
góðum orðum og vel völdum
minningum. Það var alltaf gaman
að fara til ömmu í kaffi og spjalla
um daginn og veginn og var alltaf
stutt í hláturinn og skopskynið
hjá henni. Hún hafði sérstaklega
mikið skopskyn fyrir sjálfri sér,
gerði óspart grín að sér. Hún var
brosmild, skemmtileg og einkar
hreinskiptin kona. Þegar við
settumst niður og fórum að rifja
upp minningarnar þá situr margt
skemmtilegt eftir. Þegar mamma
fór aftur til vinnu eftir að Gils sá
yngsti fæddist tók amma að sér
að passa hann þangað til hann
komst á leikskóla, og þótti ömmu
einstaklega gaman að gefa hon-
um að borða þar sem hann var
svo mikið matargat. Hún var
mikil barnagæla og gladdist hún
alltaf þegar við systurnar kom-
um með börnin okkar í heim-
sókn. Þá laumaði hún oft einum
kandísmola til þeirra.
Við vorum alltaf með henni og
afa um jól og áramót. Jólin byrj-
uðu alltaf þannig að við systkinin
fórum á Lionshappadrættið með
miðana sem afi keypti fyrir okk-
ur og enduðum svo á Munaðar-
hólnum hjá ömmu í skötuveislu,
en þegar skatan var komin í
magann þá máttu jólin koma. Við
mamma og systkinin fórum í
messu með afa á aðfangadag á
meðan pabbi og amma lögðu
lokahönd á jólamatinn. Á jóladag
fórum við svo alltaf á Munaðar-
hólinn í svínakótelettur í raspi.
Þar var setið frameftir, spjallað
og spilaður manni eða kani.
Amma hafði einstaklega gaman
af því að spila og var mikið hleg-
ið. Amma var mikil félagsvera og
hafði gaman af því að hafa fólk í
kringum sig. Það eru ein jól sem
sitja sérstaklega föst í minni okk-
ar en það var þegar amma og afi
ákváðu að vera á Kanaríeyjum
um jól og áramót. Það voru ansi
skrítin jól, því í okkar huga voru
ekki jól nema komast til ömmu
og afa í skötuveislu og kótelettur,
þeirra var sárt saknað.
Í gegnum ömmu og afa feng-
um við systkinin að kynnast mat-
argerð fyrri tíma, sem telst frek-
ar óhefðbundinn matur nú til
dags en vert er að nefna skötuna,
vélindun, sviðin, hrogn og lifur,
kúttmagana og rúllupylsuna.
Einnig má nefna hinar ógleym-
anlegu rúsínukökur, loftkökunar
og randalínuna góðu.
Það var mikil hefð að taka
slátur og fengum við systur að
taka þátt í því. Við erum þakklát
ömmu fyrir að kynna okkur þess-
ar gömlu hefðir og munum við
reyna að halda í þær. Einnig fór-
um við alltaf saman í hina árlegu
fjölskylduveiðiferð í Miðá í Döl-
um og höfum við gert það frá því
við munum eftir okkur. Þó amma
sjálf væri ekki mikil veiðikona þá
fylgdi hún afa veiðimanni alltaf
og beið mjög spennt eftir að sjá
hver afli dagsins var. Einnig sá
hún til þess þegar heim var kom-
ið eftir langan dag að matur væri
á borðum.
Það var aðdáunarvert að sjá
hvernig amma barðist allt til síð-
asta dags, við söknum þín amma
og elskum þig. Við viljum biðja
Guð að styrkja elsku afa, klettinn
hennar ömmu, í sorginni en hann
er búinn að standa sig eins og
hetja í baráttunni með ömmu.
Við erum stolt af þér, afi. Hvíldu
í friði, elsku amma.
Lea Hrund, Sif, Magnús
Darri og Gils Þorri.
Það er sárt að kveðja þig í
hinsta sinn, elsku Dídí frænka
mín, en ég er þakklát að við gát-
um talað saman í síma fyrir
stuttu. Þá hljómaðir þú svo já-
kvæð, svo hugrökk og æðrulaus
eins og reyndar alltaf, þrátt fyrir
langvarandi veikindastríð. Það
var aldrei þinn háttur að láta í
minni pokann og gefast upp.
Valdís var sterk og svipmikil
kona sem bjó yfir sérstakri feg-
urð. Hún giftist sómamanni og
öðlingi þar sem Sigurður var.
Hann vildi allt fyrir hana gera.
Þau voru sérlega samrýmd, góðir
vinir og félagar. Þau fóru í sólar-
landaferðir tvisvar á ári, sem
alltaf var mikið tilhlökkunarefni
hjá þeim. Þau fóru saman í lax-
veiði og unnu saman við rekstur
útgerðarinnar. Þau voru óað-
skiljanleg.
Valdís missti móður sína þeg-
ar hún var innan við tvítugt sem
var mikið áfall fyrir unga stúlku.
Móðir mín Sveinsína, móðursyst-
ir Valdísar, reyndist henni þá
mjög vel og var Valdís oft mikið
hjá Sínu eins og hún var ávallt
kölluð. Það má segja að hún hafi
komið henni í móðurstað þegar á
reyndi. Sama má segja um móð-
ur mína. Valdís fyllti tómarúmið í
tilveru hennar eftir að ég, einka-
dóttirin, fór ung til Bandaríkj-
anna. Með þeim skapaðist mikill
kærleikur sem entist alla ævi og
dvaldi móðir mín oft hjá þeim í
góðu yfirlæti. Þær fóru til dæmis
saman í berjamó á haustin í
dásamlegu berjalautirnar undir
Jökli.
Ég mun alltaf vera þakklát
fyrir kærleika og umhyggju þína
gagnvart móður minni í fjarveru
minni. Þú varst trygg vinum þín-
um.
Ég lagði í kistuna þína lítinn
fallegan rauðan vorlauk úr garð-
inum hennar mömmu á Hlíðar-
veginum sem hún ræktaði sjálf á
meðan hún var á lífi. Hann kíkti
einn upp úr moldinni á undan öll-
um hinum og blómstraði daginn
fyrir kistulagninguna. Það var
sem ábending um tilgang hans.
Mér fannst það því viðeigandi.
Elsku Dídí, þetta var kveðja frá
mömmu til þín.
Ég þakka að endingu fyrir all-
ar góðu stundirnar með þér,
elsku Valdís. Hvenær sem mann
bar að garði, oft á tíðum óvænt,
var borinn fram heitur matur,
heimagerð rúllupylsa, berjasaft,
heimabakstur og reyktur lax sem
Siggi hafði veitt. Það var alltaf
nóg til í búrinu þínu.
Við hjónin fórum í eina slíka
veiðiferð með Sigga og Dídí fyrir
þremur árum, í Miðá í Dalasýslu,
og vorum þar í nokkra daga. Það
var skemmtileg ferð sem við
munum aldrei gleyma. Við Valdís
hugsuðum um matinn og möluð-
um allan daginn á meðan karl-
arnir drógu laxinn á land. Þetta
eru góðar minningar.
Elsku Siggi og fjölskylda,
megi guð varðveita ykkur og
gefa ykkur styrk á þessum erfiðu
tímum.
Sigríður Lúthersdóttir,
Sveinn Þórðarson
og fjölskylda.
Ég vil í örfáum orðum minnast
minnar kæru frænku Valdísar
Magnúsdóttur sem lést á Land-
spítala – háskólasjúkrahúsi hinn
3. apríl sl.
Ég á mjög kærar minningar
frá heimili hennar en þar var ég
tekinn strax sem einn af fjöl-
skyldunni þegar ég dvaldi þar
sem unglingur. Það sem var ein-
kennandi í fari Valdísar var
hreinskilni og hispursleysi.
Hún var ákaflega hjálpsöm
kona, enda átti hún ekki langt að
sækja það því að Magnús Hjart-
arson faðir hennar var ákaflega
greiðvikinn og hjálpsamur mað-
ur og var alltaf mjög náið og
kærleiksríkt samband á milli
þeirra.
Valdís stóð reyndar aldrei ein
með annan eins mann og Sigurð
eiginmann sinn sér við hlið, enda
voru þau hjónin einstaklega sam-
hent í öllu því sem þau tóku sér
fyrir hendur.
Árum saman stundaði Sigurð-
ur sjómennsku og var langdvöl-
um að heiman og varð Valdís þá
að vera bæði húsmóðir og hús-
bóndi á heimilinu.
Það er sárt að sjá á bak góðri
og ástríkri eiginkonu, elskulegri
og umhyggjusamri móður,
tengdamóður, ömmu og lang-
ömmu.
Með þessum fátæklegu orðum
kveð ég Valdísi frænku mína,
þakka henni fyrir samveruna og
allt sem hún gerði fyrir mig og
mína.
Megi algóður Guð vaka yfir
fjölskyldu Valdísar.
Hvíli hún í friði.
Guðmundur Kr. Þórðarson.
Valdís
Magnúsdóttir
Sendum
frítt
hvert á land sem
er
Helluhrauni 12 • Hafnarfjörður • 544 5100 • www.granithusid.is
✝
Innilegar þakkir til allra þeirra sem sýndu
okkur samúð og hlýhug við andlát og útför
ástkærs eiginmanns míns, föður okkar,
tengdaföður, afa og langafa,
MATTHÍASAR GUÐMUNDSSONAR.
Ingunn Egilsdóttir,
Sigríður Matthíasdóttir, Guðmundur Kristinsson,
Helga Matthíasdóttir, Valmundur Gíslason,
Erna Matthíasdóttir, Víðir Bergmann Birgisson,
Egill Matthíasson, Linda Lek Thieojanthuk,
barnabörn og langafabörn.
✝
Innilegar þakkir til allra sem auðsýndu okkur
samúð, vináttu og hlýhug vegna andláts
elskulegrar dóttur okkar, systur, mágkonu og
frænku,
BRYNJU SVANDÍSAR
KRISTJÁNSDÓTTUR,
Þverholti 5,
Vopnafirði.
Guð blessi ykkur öll.
Kristján Magnússon, Guðfinna Kristjánsdóttir,
Magnús Kristjánsson, Anna Dóra Halldórsdóttir,
Signý Björk Kristjánsdóttir, Höskuldur Haraldsson
og fjölskyldur.
✝
Þökkum af alhug auðsýnda samúð og hlýhug
við andlát og útför föður okkar, tengdaföður,
afa, langafa, bróður og vinar,
BÁRÐAR HALLDÓRSSONAR
bólstrara og fyrrv. húsvarðar.
Guð blessi ykkur öll.
Kristján Viðar Bárðarson, Kristín Kristjánsdóttir,
Halldór Bárðarson, Sigríður Kristinsdóttir,
Stefán Þór Bárðarson, Elín Björg Ásbjörnsdóttir,
barnabörn, barnabarnabörn,
systkini,
Hulda Finnlaugsdóttir.
✝
Innilegar þakkir færum við öllum þeim er
sýndu okkur samúð og hlýhug vegna andláts
og útfarar ástkærs föður okkar,
GUÐGEIRS INGVARSSONAR,
Mánatröð 8b,
Egilsstöðum.
Sérstakar þakkir til þeirra sem lögðu okkur
til ómetanlega aðstoð við útför, minningarathöfn og erfidrykkju.
Ingvar Smári Guðgeirsson,
Guðný Elísa Guðgeirsdóttir,
Elín Helga Guðgeirsdóttir.
✝
Innilegar þakkir til allra þeirra sem sýndu
okkur hlýhug og samúð við andlát og útför
okkar ástkæra
SKARPHÉÐINS ARNAR
ÁRSÆLSSONAR.
Erla Inga Skarphéðinsdóttir, Helgi Valur Helgason,
Sara Ósk Ársælsdóttir, Magnús Ómarsson,
Helga Vala Helgadóttir,
Helma Ýr Helgadóttir, Ólafur Erling Ólafsson,
Skarphéðinn Guðmundsson, Guðbjörg Axelsdóttir,
Erla Ársælsdóttir,
Salka Dögg Magnúsdóttir.
✝
Innilegar þakkir til allra þeirra sem sýndu
okkur samúð, hlýhug og vináttu við andlát
og útför sonar okkar, stjúpsonar, bróður og
mágs,
KRISTJÁNS PÉTURS
GUÐMUNDSSONAR,
Hjallalundi 17f,
Akureyri.
Helga Þóra Kjartansdóttir,
Guðmundur Kristjánsson, Anna Karin Júlíussen,
Hrefna Guðmundsdóttir,
Kjartan Guðmundsson, Emilía Gunnarsdóttir.
✝
Við þökkum innilega auðsýnda samúð og
hlýhug við andlát elskulegs eiginmanns míns,
föður, tengdaföður og afa,
SIGURÐAR SIGURÐSSONAR,
Bjallavaði 17.
Magnína Sveinsdóttir,
Magnús H. Sigurðsson, Jóhanna Þ. Olsen,
Sveinn Sigurðsson, Halla Garðarsdóttir,
Þorbjörg Gunnlaugsdóttir, Benedikt Þór Kristjánsson
og barnabörn.
✝
Hjartans þakkir til allra þeirra er sýndu okkur
samúð og hlýhug við andlát og útför móður
minnar, tengdamóður og ömmu,
BIRNU ODDSDÓTTUR
meinatæknis,
áður til heimilis
að Kleppsvegi 26.
Sérstakar þakkir til starfsfólks Droplaugarstaða, Hlíðabæjar og
Sinnum heimaþjónustu. Einnig til ættingja og vina sem studdu
hana í veikindum hennar.
Sigríður Kristín Birnudóttir, Ingvi Már Pálsson,
Emilía, Karítas og Lovísa Ingvadætur.
Morgunblaðið birtir minningargreinar endurgjaldslaust alla
útgáfudaga.
Skil | Þeir sem vilja senda Morgunblaðinu greinar eru vinsamlega
beðnir að nota innsendikerfi blaðsins. Neðst á forsíðu mbl.is má finna
upplýsingar um innsendingarmáta og skilafrest. Einnig má smella á
Morgunblaðslógóið efst í hægra horninu og velja viðeigandi lið.
Skilafrestur | Sé óskað eftir birtingu á útfarardegi þarf greinin að
hafa borist á hádegi tveimur virkum dögum fyrr (á föstudegi ef útför
er á mánudegi eða þriðjudegi).
Þar sem pláss er takmarkað getur birting dregist, jafnvel þótt grein
hafi borist innan skilafrests.
Minningargreinar