Morgunblaðið - 20.04.2012, Page 16

16 FRÉTTIRInnlent
MORGUNBLAÐIÐ FÖSTUDAGUR 20. APRÍL 2012
FLOTTAR FERMINGARGJAFIR
HJÁ JÓNI OG ÓSKARI
Ísmen silfurhálsmen
zirkonia-steinar
8.100 kr.
PI
PA
R\
TB
W
A
•
SÍ
A
Hekla silfurhálsmen
með zirkonia-steini
13.000 kr.
www.jonogoskar.is Laugavegi 61 / Smáralind / Kringlan
Hekla silfurhringur
með zirkonia-steini
14.500 kr.
Hekla silfurlokkar
8.000 kr. Gjafavara fyrir
konur og stelpur
á öllum aldri ...
Kimmidoll á Íslandi
Helgi Bjarnason
helgi@mbl.is
„Ég hef verið í þessu síðan ég man
eftir mér. Það verður ekki hjá því
komist í svona fjölskyldu,“ segir
Svala Guðmundsdóttir sem varð efst
nemenda Landbúnaðarháskólans á
Hvanneyri í reiðmennsku- og frum-
tamninganámi vetrarins og hlaut að
launum Morgunblaðsskeifuna og
ýmis önnur verðlaun.
Til skýringar á orðum hennar má
geta þess að Svala er dóttir Guð-
mundar Sveinssonar hestamanns á
Sauðárkróki og Sveinn Guðmunds-
son hrossaræktandi er afi hennar.
„Hann verður örugglega stoltur, ég
hringi í hann á eftir,“ segir Svala
þegar hún er spurð um viðbrögð af-
ans.
„Ég hef alltaf verið í hestum og
líka í öðrum íþróttum,“ segir Svala.
Þegar kom að því að velja varð
hestamennskan ofan á. „Ég gaf mér
frekar tíma til að fara í hesthúsin en
á fótboltaæfingarnar.“
Vildi bara læra meira
Svala er að ljúka fyrsta ári í hesta-
fræði í Landbúnaðarháskólanum á
Hvanneyri en námið er þriggja ára
BS-nám. Áður hefur hún lokið stúd-
entsprófi frá Fjölbrautaskóla Norð-
urlands vestra á Sauðárkróki og einu
ári í hestafræðideild við Háskólann á
Hólum. „Það er alveg óráðið. Ég
gæti vel hugsað mér að klára líka
námið á Hólum,“ segir Svala þegar
hún er spurð hvað hún hugsi sér að
gera að loknu hestafræðináminu á
Hvanneyri. Í sumar verða það hins
vegar tamningar og útreiðar sam-
hliða vinnu við Heilsugæsluna.
„Ég hugsaði ekkert út í Skeifu-
daginn sjálf, vildi bara læra meira.
Þetta var ótrúlega skemmtilegt,“
segir Svala um markmið sitt með
þátttöku í Skeifukeppninni. „Mér
fannst þetta jafn hópur og allir
standa sig vel,“ bætir hún við.
Afi verður örugg-
lega stoltur af mér
 Svala Guðmundsdóttir vann Morgunblaðsskeifuna
Morgunblaðið/Helgi Bjarnason
Skeifuhafi Svala Guðmundsdóttir frá Sauðárkróki vann til margra verðlauna á Skeifudaginn, meðal annars
Morgunblaðsskeifuna og verðlaun Félags tamningamanna. Hún hefur stundað hestamennsku frá barnsaldri.
Afar jöfn keppni var í Skeifukeppni
nemenda Landbúnaðarháskóla Ís-
lands á Hvanneyri. Aðeins munaði
0,1 á aðaleinkunn Svölu Guðmunds-
dóttur sem vann Morgunblaðsskeif-
una og Einari Ásgeirssyni sem varð
í öðru sæti. Svala fékk 9,1 í aðal-
einkunn í frumtamningum og reið-
mennsku í hrossaræktaráfang-
anum og Einar 9,0.
Sumardagurinn fyrsti er eins
konar uppskerudagur hjá nem-
endum í hrossarækt á Hvanneyri.
Dagurinn er nefndur Skeifudagur
vegna Morgunblaðsskeifunnar sem
Morgunblaðið hefur veitt óslitið í
55 ár. Gunnar Bjarnason kennari
hóf kennslu í tamningum 1951 og
byrjaði að prófa nemendur í hesta-
mennsku 1956. Árið eftir fékk hann
Morgunblaðið í lið með sér til að
verðlauna þann nemanda sem stæði
sig best og þá var fyrsta Morg-
unblaðsskeifan smíðuð.
Kennarar í vetur voru Randi
Holaker og Haukur Bjarnason,
reiðkennarar og hrossaræktendur
á Skáney.
Svala Guðmundsdóttir vann
verðlaun Félags tamningamanna
og Hrafnhildur Tíbrá Halldórs-
dóttir fékk verðlaun Eiðfaxa sem
veitt eru nemendum fyrir bestan
árangur í hrossarækt 2.
Að þessu sinni voru veitt sérstök
verðlaun í minningu Reynis Aðal-
steinssonar tamningameistara sem
lést í janúar, Framfaraverðlaun
Reynis. Þau eru hugsuð sem virð-
ingarvottur frá nemendum fyrir
frábært starf sem Reynir vann fyrir
skólann. Ástundun og áhugi var
metinn til jafns við framfarir í nám-
inu. Heiðrún Halldórsdóttir, sem
varð þriðja í keppninni um Morg-
unblaðsskeifuna, fékk Framfara-
verðlaun Reynis.
Á Skeifudaginn var sýnt og
keppt í reiðhöllinni á Mið-Fossum í
Andakíl. Svala Guðmundsdóttir
sigraði í keppni um Gunnarsbik-
arinn sem gefinn var til minningar
um Gunnar Bjarnason. Nemendur
Reiðmannsins, sem er námskeiða-
röð í hestamennsku á vegum Land-
búnaðarháskólans, kepptu um
Reynisbikarinn sem Reynir Að-
alsteinsson gaf á sínum tíma. Eyrún
Jónasdóttir sigraði í keppninni.
Morgunblaðið/Helgi Bjarnason
Framfarir Heiðrún Halldórsdóttir
tók við Framfaraverðlaunum Reyn-
is úr hendi Einars Reynissonar, son-
ar Reynis Aðalsteinssonar.
Uppskerudagur hjá
nemendum í hrossarækt
„Það hefur verið einstaklega gaman
að fylgjast með þessu. Hingað komu
hópar frá öllum landshlutum og
kepptu. Það hefur sýnt sig að mikil
þörf var á þessu námi,“ segir Ágúst
Sigurðsson, rektor Landbúnaðarhá-
skóla Íslands, um námskeiðaröðina
Reiðmanninn sem Endurmenntun
LBHÍ stendur fyrir.
Nemendur voru í gær útskrifaðir
úr Reiðmanninum í þriðja skipti. Að
þessu sinni lauk 61 námi. Kennt var
í fimm hópum um allt land. Námið
er áfangaskipt og tekur tvö ár.
Kennt er á Hvanneyri og heima í
héraði. Á þessum árum hafa 120
áhugasamir knapar lokið þessu
námi.
Reiðmaðurinn er ætlaður fyrir
fróðleiksfúst hestaáhugafólk, bæði
nýliða og lengra komna. „Við erum
að opna heiminn hjá þessu fólki fyr-
ir því nýjasta í reiðmennskunni,“
segir Ágúst sem telur að reynslan
hafi sýnt að mikil þörf hafi verið fyr-
ir þetta nám. Reynir Aðalsteinsson
tamningamaður var hugmyndasmið-
urinn að námskeiðaröðinni og
kenndi mikið sjálfur og hún hefur
verið þróuð áfram undanfarin ár.
„Við höldum ótrauð áfram og tökum
nýja hópa inn í haust,“ segir Ágúst.
Opna heiminn fyrir því
nýjasta í reiðmennsku