Morgunblaðið - 20.04.2012, Page 44

44 MENNING
MORGUNBLAÐIÐ FÖSTUDAGUR 20. APRÍL 2012
Helgi Snær Sigurðsson
helgisnaer@mbl.is
Línudansarar gætu átt erfitt með að
hemja sig á sýningu Ívars Valgarðs-
sonar sem nú stendur yfir í i8 galleríi
við Tryggvagötu og ber titilinn „Há-
spennulínur“, „Power Lines“ á ensku.
Milli veggja hafa verið strengdar
þrjár voldugar háspennulínur, 24
millimetra þykkar, sem notaðar eru til
að flytja rafmagn milli landshluta og
fólk gefur jafnan lítinn gaum á ferðum
sínum um landið. Línurnar eru í mis-
munandi hæð í rýminu og trufla um
leið eðlilega umgengni um það. Auk
þess prýða einn vegginn fimm ljós-
myndir af háspennulínum í sínu nátt-
úrulega umhverfi, þ.e. undir berum
himni, ýmist bláum eða rigning-
argráum.
Ívar segir að sér hafi þótt ögrandi
að setja þessar umdeildu línur, sem
ýmsum þykja ljótar, í fagurfræðilegan
ramma listagallerís. „Í mínum huga er
þessi sýning nokkurs konar landslags-
mynd.Línurnar blasa við okkur all-
staðar vítt um landið, hvort sem okkur
líkar það betur eða verr,“ segir Ívar.
Þær séu einskonar æðakerfi þjóð-
arinnar og símalínurnar taugakerfið.
Listlínumenn
„Ég hef unnið með straum og
straumvatn frá því ég hélt mína fyrstu
einkasýningu 1980, þannig að þetta er
mér hugleikið viðfangsefni.
Fyrst gerði ég þessar háspennu-
línu-ljósmyndir sem eru á sýningunni.
Hugmyndin að rýmislínunum kom
seinna, ég var hræddur um að það
væri ekki framkvæmanlegt að koma
þeim fyrir á þennan hátt. Ég leitaði til
Landsnets og fékk þar mjög góðar
viðtökur, þeir sögðu þetta ekki flókið,
enda þaulvanir menn. Línurnar eru
kirfilega festar með festingum í stein-
vegg bak við gifsveggi gallerísins öðr-
um megin og spenntar með með
tveggja tonna þunga í gegnum stál-
prófíla hinum megin. En í þessu um-
hverfi verður spennan í línunum list-
ræn og sjónræn spenna. Mér fannst
það mjög áhugavert að þegar þeir
voru að vinna að uppsetningunni,
þessir góðu menn frá Landsneti, þá
voru þeir hluti af listaverki, þeir voru
listlínumenn,“ segir Ívar.
– Svo má líka líta á innsetninguna
sem teikningu …
„Já, ég lít á þetta sem teikningu í
rýminu. Stysta leið á milli andstæðra
veggja. Þetta er sýnishorn af teikn-
ingu sem breiðir sig fleiri þúsund kíló-
metra um allt land, mér finnst það líka
„spennandi“ tilhugsun. Ljót teikning eða
falleg en þetta er línuteikning.“
Magnaður straumur
– Þú hefur mikið unnið með hugmynd-
ina um „ready made“ og eftirminnilegt
þegar þú stilltir upp byggingarefni, við-
arplötum o.fl. úr BYKO, á sýningu á
Kjarvalsstöðum árið 1991. Sú sýning
var nokkuð umdeild, ekki satt?
„Hugsunin þar var kannski ekkert
ósvipuð og í þessu verki hér, að taka
eitthvert efni sem þykir ekki fallegt í
eðli sínu og setja það í listrænt sam-
hengi og láta reyna á fegurðargildi
þess. Óhreyft efni, sementspokar og
nýheflaðar, ilmandi spýtur, raðað
snyrtilega upp, eins og ósnortið lands-
lag, vekur upp hjá mér vangaveltur
hvenær við erum að skapa og hvenær
að skemma.“ Ívar bendir á litla ljós-
mynd sem hann segir vera nokkurs-
konar lykil að sýningunni. „Þegar þú
dýfir hendinni ofan í straumvatn þá
skynjarðu strauminn leika um fing-
urna. Myndin heitir „Straumur“.
Þetta er svona hinn endinn á þessari
upplifun, þegar búið er að virkja þenn-
an straum og hann er kominn upp í
kaplana, lífshættulegur en magnaður
straumur.“ Sýningunni lýkur 5. maí.
Listræn og sjónræn spenna
 Þrjár háspennulínur hafa verið strengdar milli veggja i8 gallerís í innsetningu Ívars Valgarðs-
sonar  Landsnet sá um uppsetningu þeirra  Landslagsmynd með fjölda vísana, segir Ívar
Morgunblaðið/Ómar
Vísanir Ívar heldur um háspennulínu í innsetningu sinni í i8 galleríi. Hann segir fjölda vísana að finna í verkinu.
Á ritþingi Gerðubergs, sem haldið
verður á laugardag frá kl. 13.30 til
16, verður fjallað um Hallgrím
Helgason og verk hans, en einnig
verður opnuð sýning á málverkum
Hallgríms sem hann nefnir Mynd-
veiðitímabilið 2012. Á ritþinginu
verður leitast við að veita innsýn í
feril Hallgríms, en hann svarar fyr-
irspurnum Páls Valssonar og Öldu
Bjarkar Valdimarsdóttur og Þor-
gerðar E. Sigurðardóttur stjórn-
anda ritþingsins. Ragnheiður
Gröndal syngur einnig nokkur lög.
Í tilefni ritþingsins opnar Hall-
grímur sýningu á neðri hæð húss-
ins á málverkum og teikningum
sem eru öll gerð á þessu ári. Á und-
anförnum árum hefur Hallgrímur
einbeitt sér að skrifum en í tilefni
ritþings teiknaði hann og málaði
myndir sem hann kallar „fanga úr
engu“. Í kynningu segir svo: „Sem
kunnugt er stendur myndveiði-
tímabilið frá 1. janúar til 1. apríl ár
hvert og í ár veiddust myndirnar
einkum í innlöndum þótt viðfangs-
efnin séu margvísleg. Hér gefur að
líta sviðsmyndir af þjóðfélags-
ástandi, símamyndir af tilfinn-
ingum og upphleðslur af ýmsu
tagi.
Ritþing og málverkasýn-
ing Hallgríms Helgasonar
Kynni Rithöfundurinn
Hallgrímur Helgason.
Jónborg (Jonna)
Sigurðardóttir
opnar málverka-
sýninguna Jón-
borg Stórborg í
Mjólkurbúðinni
Listagili á Ak-
ureyri á laug-
ardag kl. 15. Á
sýningunni eru
akrýlmálverk og
viðfangsefnið
fjallið Súlur sem gnæfir yfir
Akureyri.
Jónborg er fædd 1966 og útskrif-
aðist úr málunardeild Myndlist-
arskólans á Akureyri vorið 1995. Hún
lærði síðan fatahönnun í Danmörku
og útskrifaðist þaðan veturinn 2011.
Hún hefur tekið þátt í fjölda samsýn-
inga og haldið nokkrar einkasýn-
ingar. Jonna hefur unnið með marg-
vísleg efni í listsköpun sinni, en málar
nú með akrýl á striga.
Sýningin stendur til 29. apríl.
Mjólkurbúðin er opin laugardaga
og sunnudaga kl. 15-18.
Jónborg
Stórborg
Jónborg
Sigurðardóttir
Ívar Valgarðsson fæddist á
Akranesi árið 1954. Árið 1971
hóf hann nám í Myndlistar- og
handíðaskólanum og hélt að því
loknu til framhaldsnáms í Haag
í Hollandi, nam þar á árunum
1976-1979. Eftir komuna heim
hefur Ívar haldið fjölda sýninga
á verkum sínum og tekið þátt í
mörgum samsýningum.
Framhalds-
nám í Hollandi
ÚR FERILSSKRÁNNI
einstakt
eitthvað alveg
Skipholt 50A • sími: 581 4020
www.gallerilist.is
úrval einstakra málverka og listmuna
eftir íslenska listamenn
1987-2012