SunnudagsMogginn - 22.04.2012, Blaðsíða 8
8 22. apríl 2012
Leonard Cohen þótti í senn beittur
og auðmjúkur í dómsalnum í vikunni
þegar hann þakkaði fyrir dómhaldið
frá dýpstu hjartarótum, þetta öm-
urlega mál hefði verið meðhöndlað af
reisn og virðingu. „Það eru forréttindi
og mannbætandi að fá að bera vitni í
þessum dómsal,“ sagði hann.
Cohen þakkaði Kelley Lynch líka
fyrir að láta á málið reyna fyrir dómi,
þannig hafi fólk fengið tækifæri til að
kynnast óheilbrigðum, vægðarlausum
og ruddalegum aðferðum hennar og
blygðunarlausum tilraunum til að
víkja sér undan ábyrgð á gjörðum sín-
um.
Síðan beindi hann orðum sínum
beint til Lynch: „Von mín er sú að
ungfrú Lynch muni bergja á visku
sinnar trúar og að andi skilnings
muni beina hjarta hennar af braut
haturs yfir til iðrunar, frá reiði til
gæsku, frá banvænni vímu hefnd-
arinnar til hófs sjálfsbetrunarinnar.“
Hatur verði iðrun
Það er Leonard Cohen léttir að málinu sé loksins lokið. Það er einlæg von hans að Kelley Lynch snúi frá villu síns vegar og sýni á endanum iðrun.
Reuters
Langvarandi málaferlum lauk vestur íLos Angeles í vikunni þegar KelleyLynch, fyrrverandi umboðsmaðursöngvaskáldsins Leonards Cohens, var
dæmd í fimm ára fangelsi í hæstarétti, þar af
átján mánuði óskilorðsbundna, fyrir að áreita
þennan gamla vinnuveitanda sinn um langt
skeið.
Fram kom við dómhaldið að Cohen óttaðist
um líf sitt en Lynch lét tölvupóstum og síma-
skilaboðum rigna yfir hann. Dæmi voru um að
einstakir tölvupóstar væru allt að fimmtíu blað-
síður að lengd. Var söngvarinn þar kallaður öll-
um illum nöfnum, svo sem „sjúkur maður“ og
„ótíndur þjófur“ og honum hótað. „Það þarf að
stöðva þig og skjóta,“ sagði í einu bréfanna. „Þú
verður hengdur,“ í öðru. „Þetta er óskemmtilegt
að heyra,“ viðurkenndi Cohen fyrir dómi. „Ég
var orðinn mjög meðvitaður um umhverfi mitt. Í
hvert sinn sem bifreið hægði á sér í grenndinni
var ég á nálum.“
Niðurstaða dómsins var sú að Lynch hefði farið
langt yfir strikið í áreiti sínu og að hún ætti sér
engar málsbætur.
Dæmd fyrir að ræna sparifé Cohens
Forsaga málsins er sú Cohen sagði Lynch upp ár-
ið 2004 eftir sautján ár í starfi. Ári síðar höfðaði
söngvarinn mál á hendur henni, þar sem hann
hélt því fram að hún hefði stolið 5 milljónum
Bandaríkjadala, það er 630 milljónum íslenskra
króna, af sparifé sínu og þar með rúið sig inn að
skinni. Dómurinn komst að þeirri niðurstöðu að
Lynch væri sek og gerði henni að greiða Cohen
hálfa tíundu milljón dala í miskabætur. Lögmað-
ur Lynch upplýsti hins vegar við uppkvaðningu
dómsins að ekki væri hægt að ná í skjólstæðing
sinn og hefur Lynch ekki enn tekið upp veskið.
Málið var mikið reiðarslag fyrir Cohen enda
var Lynch gamall fjölskylduvinur og foreldrar
hennar höfðu báðir unnið fyrir söngvarann. Til
að bæta gráu ofan á svart höfðu kynni þeirra
teygt anga sína inn fyrir rúmstokkinn um skeið.
Verjandi Lynch gaf til kynna að það væri
henni í óhag í málinu að vera ekki fræg. Fólk
hefði tilhneigingu til að taka afstöðu með fræg-
um gegn alþýðunni þá fulltrúar þessara hópa
deila. Verjandinn sagði nafn Lynch vera í molum
eftir fyrra réttarhaldið og hún væri aðeins að
reyna að rétta sinn hlut í tölvubréfum sínum og
símaskilaboðum til Cohens. Saksóknarinn blés á
þær röksemdir.
Þegar málið kom upp hafði Cohen dvalist í
góðu yfirlæti í búddaklaustri í Kaliforníu um
fimm ára skeið og var að mestu hættur af-
skiptum af tónlist. Fjártjónið varð á hinn bóginn
til þess að hann neyddist til að hugsa sér aftur til
hreyfings, hélt í maraþontónleikaferðir um Am-
eríku, Evrópu, Ástralíu og Asíu. Söngvaranum
var hvervetna tekið með kostum og kynjum og
seldist upp á ófáa tónleika. Ef marka má tónlist-
artímaritið Billboard græddi hann hálfa tíundu
milljón dala á tónleikaferð sinni um heiminn árið
2009. Eitthvað hefur því ræst úr lífeyrinum.
Aðdáendur Cohens voru að vonum hæst-
ánægðir með að sjá hann aftur á sviði – enda
þótt tilefnið hefði mátt vera skemmtilegra.
Leonard Cohen var að vonum ánægður með niðurstöðu dómsins.
AFP
„Þarf að stöðva
þig og skjóta“
Fyrrverandi umboðsmaður
Leonards Cohens dæmdur
í fangelsi fyrir áreitni
Vikuspegill
Orri Páll Ormarsson orri@mbl.is
Kelley Lynch fyrir dómi Los Angeles.
Leonard Cohen er Kan-
adamaður, fæddur árið 1934.
Hann haslaði sér fyrst völl
sem ljóðskáld áður en hann
færði sig yfir í tónlist undir lok
sjöunda áratugarins. Meitl-
aður kveðskapurinn og ang-
urvær barítonröddin hafa
skipað honum á bekk með
áhrifamestu listamönnum
sinnar kynslóðar.
77 ára skáld og söngvari