SunnudagsMogginn - 22.04.2012, Blaðsíða 20
20 22. apríl 2012
Bergvin Jóhannsson er 17 áraleikmaður Þórs á Akureyri. Þaðvar í leik með 2. flokki gegnjafnöldrunum í KA sem óhapp-
ið varð og viðstöddum í Boganum stóð
ekki á sama. Skyldi engan undra enda
sjónin ekki fögur, eins og sjá á meðfylgj-
andi mynd af fæti Bergvins.
Akureyringurinn hefur undanfarin
misseri verið í landsliðshópi leikmanna
17 ára og yngri. Hann tók þátt í Norður-
landamótinu sem fram fór á Akureyri
síðastliðið sumar, þar sem Ísland tefldi
fram tveimur liðum, og fór svo með lið-
inu til Ísraels í undankeppni fyrir Evr-
ópumótið sem verður í sumar, en tók
reyndar ekki þátt í leikjunum þar.
Ísland tryggði sér á dögunum sæti í úr-
slitakeppni EM sem fram fer í Slóveníu í
maí, en Bergvin verður fjarri góðu
gamni.
Netið jók hraðann
„Ég fékk langa sendingu inn í vítateig-
inn, náði boltanum og gat sent fyrir
markið en missti jafnvægið um leið og ég
rann af stað,“ segir Bergvin við Sunnu-
dagsmoggann, beðinn um að lýsa því
hvað gerðist. „Það er stutt frá grasinu að
malbiki, og þegar ég lenti þar á takka-
skónum rann ég og flæktist í neti sem
hangir þarna; hefði netið ekki verið hefði
ég sennilega dottið beint niður en af því
ég flæktist í því sveiflaðist ég af miklum
krafti beint á bitann.“
Hann segir það áfall að sjá skína í hvítt
bein eftir að hnéð opnaðist. „Já, það var
mikið sjokk. Ég fann strax að ég byrjaði
að dofna en viðstaddir brugðust hratt
við; þjálfarinn minn og starfsmenn húss-
ins komu í hvelli. Þeir héldu uppi á mér
höfðinu og þrýstu á sárið; gerðu í því að
halda mér vakandi, ég man til dæmis vel
eftir kaldri vatnsgusu í andlitið frá þjálf-
aranum!“
Lán í óláni
Bergvin hélt meðvitund en segir að um
tíma hafi litlu munað að liði yfir hann,
líklega vegna áfallsins sem hann varð
fyrir. „Ég man að ég heyrði mikinn há-
vaða þegar ég lenti á járnbitanum, man
að ég sá strax í beinið og að það foss-
blæddi úr hnénu. Ég var fljótlega spraut-
aður með verkjalyfi og man ekki fleira
nákvæmlega úr Boganum. Ég var svo
keyrður upp á sjúkrahús, þar var strax
saumað fyrir sárið, ég fór í myndatöku og
var svo sendur heim í gifsi. Í myndatök-
unni kom í ljós að hnéskelin var brotin
og ákveðið var að ég færi í aðgerð morg-
uninn eftir.“
Bergvin hefur eftir læknum að aðgerð-
in hafi gengið mjög vel. „Hnéskelin
brotnaði í tvennt, hún var skrúfuð föst
og fjarlægður lítill hluti sem hafði brotn-
að af,“ segir hann.
Vert er að geta þess að lengi hafði stað-
ið til að fóðra stálbita við enda knatt-
spyrnuvallarins. Strax morguninn eftir
slysið var svampi komið fyrir á bitunum.
Þrátt fyrir áfallið er Bergvin bjartsýnn
og segist reyndar hafa verið heppinn.
„Það var lán í óláni að hnéskelin brotnaði
langsum en ekki þversum; það hefði ver-
ið miklu verra því þá hefðu liðbönd
kannski farið illa. Það má því segja að ég
hafi verið heppinn!“
Í fyrstu var talið að Bergvin gæti ekki
stundað íþróttina frekar á árinu, en bat-
inn er mun hraðari en læknar áttu von á
og nú segir hann markmiðið að vera með
á ný fyrir lok sumars. „Þetta virðist á
góðri leið; skurðurinn hefur gróið vel,
heppni að engin sýking kom í hann, ég er
byrjaður að ganga eðlilega aftur og er
laus við allar spelkur og hækjur. Ég má
byrja að hlaupa aftur um miðjan maí.
Aðalatriðið er samt að vera þolinmóður.“
Bergvin hefur verið bakvörður með
landsliðinu en kveðst nýbyrjaður að leika
í þeirri stöðu. „Ég hef alltaf verið í fram-
línunni með Þór, annað slagið var ég svo
færður í bakvarðarstöðuna og var þar
með landsliðinu. Ég verð að játa að mér
finnst skemmtilegra að fá að vera í sókn-
inni, en bakvarðarstaðan er samt fín.“
Skiptir miklu að vera bjartsýnn
Bjartsýni er líka lykilatriði, segir Ak-
ureyringurinn ungi og hann segist
ákveðinn í því að láta drauminn um að
verða atvinnumaður í knattspyrnu ræt-
ast. „Maður veit auðvitað aldrei hvað
getur gerst. Framhaldið fer eftir því
hvort blæði inn á hnéð, ég má ekki fara
of snemma af stað og það er í raun ekkert
sem læknarnir geta gert annað en að bíða
og sjá hvernig þetta grær.“
Bergvin segist geta einbeitt sér að
náminu nú; tími í æfingar sé ekki afsök-
un fyrir því að geta ekki legið í bókunum.
„En mig hefur dreymt allt mitt líf um að
verða atvinnumaður í fótbolta og er það
enn ofarlega í huga. Ég er 100% í lagi
andlega eftir slysið og læt það ekki
stoppa mig. Það er bara eins og hvert
annað verkefni að ná sér góðum eftir
þetta og halda svo áfram af fullum
krafti.“
Sjokk er skein
í hvítt bein
Bergvin Jóhannsson, unglingalandsliðsmaður í
fótbolta, slasaðist alvarlega í leik á dögunum;
rakst á járnbita svo hnéskel brotnaði en hann er
staðráðinn í að láta meiðslin ekki koma í veg
fyrir að draumurinn um atvinnumennsku rætist.
Skapti Hallgrímsson skapti@mbl.is
Bergvin og bitinn! Knattspyrnumaðurinn ungi við stálbitann sem hann rakst harkalega á.
Morgunblaðið/Skapti HallgrímssonBergvin í leik með landsliðinu á Norð-
urlandamótinu á Akureyri í fyrrasumar.
Hnéð leit illa út strax eftir slysið. Myndin er tekin í sjúkrabifreiðinni áður en Bergvin var ekið á sjúkrahús. Sjokk að sjá inn í bein, segir hann.