SunnudagsMogginn - 22.04.2012, Blaðsíða 43

22. apríl 2012 43
stakk upp á því að við myndum koma þar
í ágúst. Þá tókum við nokkrar myndir og
svo aftur um haustið þegar við fórum á
hreindýraveiðar. Þá sáum við líka vegginn
með öllum áletrununum í fyrsta sinn og
Þóra Hrönn fór að taka myndir af þeim.
Í framhaldi af þessu langaði okkur að
sýna einhverjar af myndunum og fengum
þá ráðleggingu frá Hrafnhildi Sigurð-
ardótur vinkonu Þóru Hrannar að sýna úti
á landi. Ég leitaði því til Gunnars Björns
Gunnarssonar formanns Stofnunar Gunn-
ars Gunnarssonar og sýndi honum mynd-
irnar. Hann tók hjá mér nokkrar myndir
til að sýna Skúla Birni Gunnarssyni for-
stöðumanni Skriðuklausturs, en hafði svo
samband við mig og sagði að ég fengi
myndirnar ekki aftur. „Þetta er einmitt
Aðventuhúsið,“ sagði hann, en Gunn-
arsstofnun var þá með í bígerð að kynna
Aðventu. Það varð svo úr að við hittum
Skúla Björn þegar hann átti erindi suður,
en áður en af því varð lásum við Aðventu
og þá varð Aðventuhugmyndin til.“
Sigurjón segir að þau Þóra Hrönn hafi
skipulagt vinnuna mjög vel, haldið reglu-
lega vinnufundi til að halda utan um hvert
smáatriði og líka lagst í rannsóknir og þau
fóru margar ferðir austur í leit að töku-
stöðum. „Við lásum allar bréfaskriftir
þegar verið var að bygginu hússins og
staðsetningu þess, fengum að fara í öll
gögn sem til eru hjá Þjóðminjasafninu og
lásum allt sem við gátum fundið um það.
Við lögðumst líka yfir viðtalið við Fjalla-
Bensa sem birtist í Eimreiðinni á sinum
tíma en þar fékk Gunnar hugmynd að
smásögunni sem síðar varð að Aðventu og
hann skrifaði fyrir þýska forlagið Reclam.
Við lásum einnig Aðventu aftur og aft-
ur, tættum hana í okkur til að finna 120
setningabrot sem kölluðu á myndir og
teiknuðum upp mótífin sem við sáum fyr-
ir okkur. Ferðirnar austur urðu alls níu til
að ná í réttu myndirnar í réttri lýsingu,
því það var ekki nóg að sólin væri á rétt-
um stað heldur þurfti maður líka að
treysta á að skýjafar væri rétt. Í hverri ferð
fundum við alltaf sterkar og sterkar fyrir
nærveru Fjalla-Bensa og anda Aðventu.“
25 ljósmyndir úr Aðventuverkefninu
voru sýndar í Gunnarsstofnun á Skriðu-
klaustri í Fljótsdal í haust og fram í febrúar
og í Gallerí Klaustri í sama húsi sýningin
Ferðalangar á Fjöllum með myndum af
áritununum af timburþili sæluhússins. Í
desember voru ljósmyndirnar síðan sýnd-
ar sem glærumyndasýning við árlegan
upplestur Aðventu í Jónshúsi í Kaup-
mannahöfn og einnig í húsnæði Rithöf-
undasambands Íslands á Dyngjuvegi 8.
Í nóvember næstkomandi verða síðan
væntanlega opnaðar tvær stórar sýningar
á myndum úr verkefninu í Listagili á Ak-
ureyri. Um 50 myndir verða til sýnis á
neðri hæð í Ketilhúsi úr Aðventu á Fjöll-
um og á efri hæð verða um 300 myndir af
áritunum úr Ferðalöngum á Fjöllum.
’
Ekki er verið að ljós-
mynda Aðventu held-
ur er hún höfð til
hliðsjónar og innblásturs.
„... blikuðu glitrandi rákir á blásvörtum svellum …“ segir í Aðventu og varð kveikja að þessari mynd í gljúfrinu neðan við Dettifoss.
„Kofinn var hólfaður í tvennt, hesthús og vistarveru með rúmstæði – hallar ígildi eins og hér stóð á.“ Svo er sæluhúsinu við Jökulsá á Fjöl-
um lýst í Aðventu Gunnars Gunnarssonar. Húsið var byggt 1881 úr grjóti úr nágrenninu.
Ljósmynd/Sigurjón Pétursson