Morgunblaðið - 08.05.2012, Qupperneq 6
6 FRÉTTIRInnlent
MORGUNBLAÐIÐ ÞRIÐJUDAGUR 8. MAÍ 2012
Björn Jóhann Björnsson
bjb@mbl.is
Skeljungur hf. áformar að reisa
skála með veitinga- og bensínsölu
við þjóðveginn um Húnaþing
vestra, nánar tiltekið í landi Mel-
staðar í Miðfirði, skammt frá Laug-
arbakka. Ef af framkvæmdum
verður þá verður skálinn rekinn
undir merkjum Stöðvarinnar en
sambærileg stöð er að rísa í Borg-
arnesi og verður opnuð í byrjun
júní, þar sem áður var Skeljungs-
stöð. Þar með myndi samkeppni ol-
íufélaganna aukast við þjóðveginn
um Húnaþingið en sem kunnugt er
rekur N1 Staðarskála í Hrútafirði, í
um 30 km fjarlægð.
Sveitarstjórn Húnaþings vestra
hefur fyrir sitt leyti samþykkt
breytta landnotkun á þessari lóð og
að sögn Skúla Þórðarsonar sveit-
arstjóra standa yfir tilheyrandi
breytingar á aðal- og deiliskipulagi.
Skúli segist reikna með því að það
fari athugasemdalaust í gegn, Stöð-
in yrði góð búbót við þá þjónustu
sem væri í boði fyrir ferðamenn og
íbúa í sveitarfélaginu.
Skeljungur á og rekur Stöðina og
hefur gert samning við kirkjuna um
leigu á landspildunni til næstu ára-
tuga, að því er fram kom á fréttavef
Feykis í gær. Á síðasta fundi skipu-
lags- og umhverfisráðs Húnaþings
vestra var umsókn Skeljungs sam-
þykkt en með fylgdi umboð frá
Kirkjumálasjóði.
Einar Örn Ólafsson, forstjóri
Skeljungs, segir að ekki sé búið að
tímasetja framkvæmdir í Miðfirði
ennþá, félagið hafi viljað byrja á því
að tryggja sér staðinn og heimildir
fyrir lóðinni. Stöðin er rekin á 13
stöðum á landinu í tengslum við
bensínstöðvar Shell og býður upp á
ýmsar veitingar. „Við erum að
reisa nýja stöð í Borgarnesi og ef
hún gengur vel er ekki fráleitt að
nota reynsluna þaðan á stöðum eins
og í Miðfirði, sem er nákvæmlega á
miðri leið milli Reykjavíkur og Ak-
ureyrar,“ segir Einar Örn.
Fyrir þá sem eru á norðurleið
verður Stöðin á Melsnesi, eða eyr-
unum við Miðfjarðará, þegar komið
er niður af Hrútafjarðarhálsi, á
hægri hönd. Sjá nánar á korti.
Skeljungur fær lóð í Miðfirði
Húnaþing vestra og Kirkjumálasjóður gefa heimild fyrir
lóð undir bensín- og veitingasölu í landi Melstaðar í Miðfirði
Reykjaskóli
Borðeyri
Laugarbakki
5 km
H
rú ta f jörður
Staðarskáli (N1)
HVAMMS-
TANGI
Melstaður
Stöðin/
Skeljungur
í Miðfirði
M
iðfjörður
1
VIÐTAL
Baldur Arnarson
baldura@mbl.is
„Ég tel að það gæti gerst. Það er
hugsanlegt að kjósendur í ríkjum
Suður-Evrópu, eftir því sem það
heldur áfram að harðna á dalnum í
efnahagslífi þeirra, muni vilja sjá
hvort ákvarðanir stjórnmálamanna, í
nútíð og fortíð, hafa verið réttar,“
segir hollenski stjórnmálamaðurinn
Pieter Omtzigt, um það fordæmi
sem Landsdómsmálið kunni að
skapa í sambærilegum dómsmálum í
þeim ríkjum Evrópu þar sem efna-
hagslægðin er hvað dýpst.
Omtzigt aflar nú gagna um rétt-
arhöldin gegn Geir H. Haarde fyrir
Evrópuráðsþingið, þing Evrópuráðs
ESB í Strassborg, þar sem hann á
sæti fyrir Kristilega demókrata
(CDA), stærsta stjórnmálaflokk
Hollands síðustu áratugi.
Fer gagnaöflunin fram með fund-
um með stjórnmálamönnum, lög-
spekingum og öðrum sem að Lands-
dómsmálinu komu, þar með talið
hinum ákærða í málinu. Er meðal
annars leitað svara við spurningunni
af hverju einn ráðherra var dreginn
fyrir Landsóm en ekki allir fjórir.
Fer næst til Úkraínu
Eftir heimsókn sína til Íslands
áformar Omtzigt að afla gagna í
Kænugarði um réttarhöldin gegn
Júlíu Tymosjenko, fyrrverandi for-
sætisráðherra Úkraínu, sem nánar
er fjallað um hér til hliðar.
Verður niðurstaðan kynnt í sam-
anburðarskýrslu og tekur Omtzigt
fram að vitaskuld sé margt ólíkt með
hinum pólitísku réttarhöldum á Ís-
landi og í Úkraínu.
Hann segir þingmenn á Evrópu-
ráðsþinginu ekki hafa sýnt mikinn
áhuga á Landsdómsmálinu í fyrstu,
en það hafi síðan breyst.
„Fyrir um hálfu ári setti ég þessa
rannsókn í gang. Hafði ég þá þurft
að telja öðrum þingmönnum trú um
að það sem væri að gerast á Íslandi
væri áhugavert og hefði skírskotun
til margra annarra ríkja. Nú er
áhuginn á málinu að aukast vegna
þess að stjórnmálamenn eru orðnir
uggandi um vaxandi og langvarandi
óstöðugleika í stjórnmálum aðildar-
ríkja evrusvæðisins. Það sem er
einkar áhugavert við Ísland er að
saman fara djúpstæð efnahags-
kreppa og lög sem varða ákvarðanir
stjórnmálamanna,“ segir hann og á
við lögin um Landsdóm frá 1905.
„Við viljum komast að því hvernig
þessum lögum er beitt. Það er
áhugavert vegna þess að ég tel að í
mörgum öðrum ríkjum verði sam-
bærilegur þrýstingur [á réttarhöld].
Ef eitt ríki fer annaðhvort í greiðslu-
þrot eða yfirgefur evrusvæðið mun
það leiða til gífurlegrar endurúthlut-
unar fjármuna. Evrópskir stjórn-
málamenn hafa alltaf óttast að efna-
hagskreppan breiðist út á
evrusvæðinu. Þeir vonuðu fyrst að
Grikkland yrði einangrað tilvik,“
segir Omtzigt sem vill ekki nefna
einstök ríki í þessu sambandi.
Titringur í Suður-Evrópu
Hlýtur þar að verða horft til
Grikklands, Portúgals, Spánar og
Ítalíu, en öll eiga ríkin það sameig-
inlegt að skipt hefur verið um leið-
toga síðan efnahagskreppan hófst.
Hefur það sama gerst í N-Evrópu.
Spurður hvaða augum sé litið á
evrukrísuna á vettvangi Evrópu-
ráðsþingsins, segir Omtzigt, sem er
dr. í hagfræði, að vandinn muni ekki
hverfa á næstu misserum.
„Bankakreppan á evrusvæðinu
náði til fjölþjóðlegra banka. Spenna
á evrusvæðinu hefur fylgt í kjölfarið.
Íslendingar líða ekki fyrir skulda-
kreppuna af þeirri einföldu ástæðu
að Ísland er ekki aðili að myntbanda-
laginu, heldur hefur eigin mynt. En
Ísland var fyrst í röðinni þegar
ábyrgð stjórnmálamanna er annars
vegar,“ segir Omtzigt og á við þá
ákvörðun meirihluta Alþingis að
draga Geir fyrir Landsdóm vegna
meintrar vanrækslu í aðdraganda
bankahrunsins haustið 2008.
Samhæfa efnahagsstefnuna
„Kreppan á evrusvæðinu mun að
líkindum standa yfir í nokkur ár enn.
Það er ljóst að nýi samningurinn um
neyðarsjóðinn [ESM] verður varan-
legur samningur með varanlegum
björgunarsjóði. Evrópski seðlabank-
inn hefur lánað yfir þúsund milljarða
evra í bankakerfið, að megninu til til
Suður-Evrópu… Samningurinn og
endurskoðun Evrópska seðlabank-
ans á stefnu sinni eru birtingar-
myndir aukinnar samþættingar
efnahagsstefnunnar í Evrópu,“ segir
Omtzigt sem lýsir yfir undrun sinni á
því að ekki skuli hafa verið sýnt frá
réttarhöldunum yfir Geir í sjónvarpi.
Óttast pólitísk réttarhöld
Morgunblaðið/Kristinn
Í kynnisferð Hollenski stjórnmálamaðurinn Pieter Omtzigt hefur mikinn áhuga á Landsdómsmálinu.
Þingmaður á Evrópuráðsþinginu segir horft til Landsdómsmálsins í Evrópu
Ráðamenn óttist að vera dregnir fyrir rétt vegna viðbragða við evrukrísunni
Júlía Tymosjenko öðlaðist
heimsfrægð er hún leiddi „rauð-
gulu byltinguna“ svonefndu í
Úkraínu fyrir átta árum og varð
svo forsætisráðherra.
Byltingaraldan lét undan síga
í kosningunum 2010 þegar Vikt-
or Janúkovítsj bar sigurorð af
Tymosjenko í forsetakjöri.
Undir lok síðasta árs beindist
athygli heimsbyggðarinnar aft-
ur að Tymosjenko er hún var
fundin sek um misferli vegna
samnings um kaup á jarðgasi
frá Rússum 2009. Þykir málið
hafa skaðað ímynd landsins.
Hún segir ákæruna tilhæfu-
lausa og af pólitískum rótum
runna. Hún kveðst sæta bar-
smíðum af hendi fangavarða.
Álitshnekkir
fyrir Úkraínu
DÓMSMÁL Í KÆNUGARÐI
Bæjarlind 6, Kópavogi, sími 517 6067. Opið mán. - fös. 10 -18, laug. 11-16.
Glæsilegt í baðherbergið
SWIFT
BURSTAÐ
STÁL
2.990,-
4.990,-
2.190,-
2.990,-
1.590,-
1.590,-1.390,-
1.390,-
2.590,-
Framkvæmdir um byggingu eld-
gosasafns í Vestmannaeyjum voru
kynntar í gær. Því er ætlað að
mynda umgjörð um sýningar
tengdar Heimaeyjar- og Surts-
eyjargosinu. Safnið mun bera nafn-
ið Eldheimar. Fyrirhugað er að
grafa upp og byggja yfir rústir af
Gerðisbraut 10 sem fór undir ösku
og hraun 1973, sem síðan verður
þungamiðja þeirrar sýningar sem
safnið hýsir.
Framkvæmdir eiga að hefjast í
sumar. Umhverfisstofnun og Vest-
mannaeyjarbær undirrituðu vilja-
yfirlýsingu sem kynnt var á blaða-
mannafundi í gær. „Ekki þarf að
efast um að Eldheimar eiga eftir að
verða gríðarlegt aðdráttarafl fyrir
ferðamenn um leið og þeim er ætl-
að að styðja við hið fjölbreytta
mannlíf og menningu í Vest-
mannaeyjum,“ segir í fréttatilkynn-
ingu.
Eldgosasafn Fyrirhugað er að opna
eldgosasafn í Vestmannaeyjum.
Eldgosasafn
í Vestmannaeyjum
Innanríkisráðu-
neytið hefur upp-
lýst ríkislög-
reglustjóra um
að heimilt sé að
leita bakgrunns-
upplýsinga hjá
ólögráða ein-
staklingum með
samþykki for-
ráðamanna.
Fyrirtæki á
Keflavíkurflugvelli höfðu ráðið 70
sautján ára unglinga til vinnu þar í
sumar. Þau drógu hins vegar ráðn-
ingarnar til baka eftir að ríkislög-
reglustjóri mat sem svo að yfirvöld-
um væri óheimilt að gera sérstaka
öryggisskoðun á börnum. Innanrík-
isráðuneytið tilkynnti í gær að bak-
grunnskönnun væri lögleg og fór
þess á leit við ríkislögreglustjóra að
hann hlutaðist til um að hægt yrði
að kanna bakgrunn viðkomandi
einstaklinga eins fljótt og auðið
verður.
Upplýsingaöflun um
bakgrunn ólögráða
einstaklinga heimil
Ögmundur
Jónasson