Morgunblaðið - 25.05.2012, Síða 11

víst er að þar er að finna kafla sem
eru allt frá því að vera mjög mel-
ódískir og yfir í grjótharða og kol-
svarta málmsöngva.
Smíðaði gítar hjá Gunnari
En hvaðan kemur nafngiftin
Hans gítar? „Nafnið kemur til af því
að ég smíðaði mér gítar hjá Gunnari
Erni gítarsmið þegar ég var á nám-
skeiði hjá honum í Tækniskólanum
fyrir tveimur árum. Ég samdi sem
sagt helling af lögum í framhaldi af
því,“ segir Kristján og bætir við að
það sé í raun ekki eins erfitt og fólk
heldur að smíða gítar. „En auðvitað
þarf maður að læra það. Gunnar Örn
er frábær kennari og hann leyfði okk-
ur að fara aðeins út fyrir staðlaðan
gítar í smíðinni. Ég lærði mjög mikið
á þessu frábæra námskeiði sem var
um hundrað og fimmtíu tímar. Ég hef
aðeins verið að velta fyrir mér að
smíða annan gítar.“
Bassinn kveikti áhugann
En hver ætli séu framtíðarplön
Kristjáns? „Ég stefni á að vinna við
tónlist, það hefur alltaf verið draum-
urinn. Ég hef áhuga á að vera í hljóm-
sveit og vona að til þess komi sem
fyrst. Tónlistaráhuginn hjá mér
kviknaði þegar ég var níu ára og byrj-
aði að læra að spila á bassa. Ég lærði
hjá Gítarskóla Íslands en pabbi valdi
eiginlega fyrir mig þetta hljóðfæri,
bassann, af því hann vantaði bassa-
leikara,“ segir Kristján og bætir við
að pabbi hans spili á gítar. „Svo fór ég
að taka upp gítarinn og kenna mér
sjálfum. Ég byrjaði á að spila „black
metal“-lög eftir Bathory og Burzum
en svo þróaði ég áhugann á dauða-
rokkinu og var aðallega að spila lög
eftir hljómsveitir eins og Death,
Amon Amath, At the Gates og fleiri.
Seinna sótti ég tíma hjá Þráni Árna
Baldvinssyni sem hjálpaði mér að
skilja fræðin á bak við það sem ég var
að gera.“ Diskurinn hans Kristjáns er
fáanlegur á starfænu formi en kemur
seinna út í föstu formi. Hægt er að
nálgast hann á netinu á slóðinni:
gogoyoko.com/album/Hans Gitar.
heilla Khamûl
Hljóðver Hún er skemmtileg stemningin í stúdíóinu góða eins og vera ber.
DAGLEGT LÍF 11
MORGUNBLAÐIÐ FÖSTUDAGUR 25. MAÍ 2012
Vorsýning Klassíska listdansskólans fór fram hinn30. apríl síðastliðinn. En nemendur frá 3 ára til23 ára aldurs tóku þátt í sýningunni sem var bæði
fjölbreytt og litrík.
Byrjunarverk sýningarinnar var Aldingarðurinn þar
sem yngstu nemendurnir 3-8 ára sýndu. En síðan sýndu
nemendur 9-23 ára verkið Vorboðann eftir Guðbjörgu
Astrid Skúladóttur, stofnanda skólans, en í því verki er
sól og blíða og koma fyrir margar skemmtilegar persón-
ur eins og Fríða fúla og Nóra gleðibanki. Þá dönsuðu
framhaldsnemendur og nemendur á fimmta stigi, 12-12
ára, atriði úr Don Quixote. Verkið Summertale dansaði
stór hópur saman og saman dönsuðu nemendur einnig
verkið Óraun raunveruleikur eftir Hrafnhildi Ein-
arsdóttur sem er einn af fyrstu nemendum Guðbjargar.
Það verk skírskotar til tölvuleikja og gáfu dansararnir
frá sér hljóð líkt og heyrist í tölvuleikjum t.d. þegar fólk
vinnur eða tapar. Einnig sýndu framhaldsnemendur
verkið Duende eftir Nacho Duato. En sá hópur tekst á
hverju ári á við verk eftir þekkta höfunda á borð við þau
sem flutt eru í hinum stóra nútímadansheimi. Loks var
flutt nútímaverkið Overdrive eftir Richard Alston.
Um 140 nemendur tóku þátt í sýningunni en Klassíski
listdansskólinn er einkarekinn dansskóli sem leggur sér-
staka áherslu á þjálfun einstaklingsins, hann fái að þróa
hæfileika sína frá upphafi, undir faglegri leiðsögn.
Skólinn var stofnaður 1993 af Guðbjörgu Astrid Skúla-
dóttur sem á að baki langan feril á sviði listdansins.
Vorsýning Klassíska listdansskólans
Ljósmyndir/Christopher Lund
Aldingarðurinn Tvær þriggja ára hnátur sýna á vorsýningu Klassíska listdansskólans.
Nútíminn og klassík í bland
Don Quixote Ellen Gunnarsdóttir glæsileg á sviðinu.
Litríkar Dansarar sýna hér verkið Vorboðann.Overdrive Heba Eir og Sóley stíga nútímadans.
Útskriftargjöfin fæst í Casa
Skeifunni 8, 108 Reykjavík,
Kringlunni
sími 588 0640.
Verð kr. 2.790