Morgunblaðið - 25.05.2012, Page 14

14 FRÉTTIRInnlent
MORGUNBLAÐIÐ FÖSTUDAGUR 25. MAÍ 2012
Smiðshöfði 1, 110 Reykjavík, sími 587 9700, propack.is, propack@propack.is
Sérhæfum okkur í pökkun og frágangi
á búslóðum til flutnings milli landa,
landshluta eða innanbæjar
Við pökkum búslóðinni, önnumst farmbréf, tollafgreiðslu og sjáum um flutning á áfangastað. Flytjum fyrir
einstaklinga, fjölskyldur og fyrirtæki. Sjáum einnig um að pakka upp búslóðinni á nýju heimili og koma öllu fyrir
eins og óskað er. Ef heimilið er ekki tilbúið bjóðum við geymslu búslóða, í nýlegu og glæsilegu húsnæði, með
fullkomnu öryggis- og brunavarnakerfi.
Stofnað árið 1981
SVIÐSLJÓS
Ingvar P. Guðbjörnsson
ipg@mbl.is
Lögreglumennirnir sem kærðir voru
fyrir þagnaskyldubrot sögðu upp
störfum hjá embætti sérstaks sak-
sóknara í október á síðasta ári. Upp-
sögnin miðaði við áramót og var það
þekkt hjá embættinu að þeir hygðust
stofna eigið fyrirtæki og stunda þar
sjálfstæða rannsóknarvinnu.
„Þeir upplýstu okkur um að þeir
hefðu þetta í hyggju og það var gefið
upp sem ástæða fyrir uppsögninni.
Og það er í sjálfu sér ekkert að því að
stofna félagið og fara inn á þetta svið,
en þeir verða að gæta að því að rjúfa
ekki þagnarskylduna og hún helst
eftir að starfi lýkur,“ sagði Ólafur
Þór Hauksson, sérstakur saksóknari
í samtali við blaðið aðspurður hvort
embættið hefði haft vitneskju um
áform þeirra með að hefja sjálfstæða
rannsóknarvinnu.
Samkvæmt heimildum blaðsins
munu þeir í desember hafa minnkað
starfshlutfall sitt hjá sérstökum sak-
sóknara niður í hálft stöðugildi og
samhliða unnið hjá Lögmannsstof-
unni Opus í hálfu starfi á móti. Þetta
var einnig þekkt hjá sérstökum sak-
sóknara. Umrædd lögmannsstofa
mun ekki hafa verið tengd neinum af
þeim málum sem voru hjá embættinu
til skoðunar, það var talið jákvætt
skv. heimildum blaðsins.
Full heimild til gagnaaðgangs
Morgunblaðið hefur heimildir og
gögn undir höndum sem sýna að
skiptastjóri Milestone hefur haft full-
an aðgang að bókhaldsgögnum fé-
lagsins hjá sérstökum saksóknara,
eða menn í hans umboði. Auk þess
fékk þrotabúið aðgang að tölvupóst-
um félagsins, sem voru í haldi.
Í yfirlýsingu sem skiptastjóri
sendi frá sér í gær segir að við vinnu
hans hafi þurft að yfirfara þúsundir
tölvupósta á þriggja ára tímabili auk
bókhaldsgagna síðustu ára og ann-
arra gagna varðandi þrotabúið.
„Skiptastjóri taldi mikils virði að
reyndir rannsóknarlögreglumenn
ynnu þessa vinnu með þeim skipu-
lagða hætti sem hún krefðist. Um-
fangsmikil rannsókn þeirra skilaði
þrotabúinu miklu magni af gögnum
um rekstur Milestone, auk skýrslu
um félagið.
Skiptastjóri telur að öll þau gögn,
sem afhent voru á grundvelli rann-
sóknarinnar hafi annaðhvort verið í
eigu þrotabúsins eða þrotabúinu
heimilt að fá aðgang að þeim á
grundvelli gjaldþrotalaga,“ segir í yf-
irlýsingunni, en þar kemur einnig
fram að Milestone hafi verið eitt
stærsta fjárfestingarfélag landsins
og að vinna við skipti þessi hlaupi á
þúsundum vinnustunda.
Í gögnum sem blaðið hefur er
varpað ljósi á samskipti saksóknara
hjá embættinu við skiptastjóra. Þar
fer saksóknari lofsamlegum orðum
um hann og segir störf hans standa
upp úr. Einnig má sjá að embættið
hefur lagt sig fram um að aðstoða við
öflun gagna vegna meðferðar á
þrotabúi Milestone ehf. Gögnin nýtt-
ust hjá báðum við störf sín.
Skýrslan sem mennirnir skiluðu af
sér var gefin út í febrúar 2012. Um
hana segir skiptastjóri í minnisblaði
sem Morgunblaðið komst yfir: „Í
grófum dráttum eru niðurstöður
skýrslunnar þær að líklegt sé að
Milestone ehf. hafi fjármagnað af-
borganir og uppgreiðslu lána með
ólögmætum hætti frá 30. nóvember
2007.“ Auk þess segir: „Skiptastjóri
telur ótvírætt að skýrslan nýtist vel í
þeim dómsmálum sem hún hefur ver-
ið lögð fram í.“
Tugmilljóna kostnaður við slit
Minnisblaðið er dagsett 4. maí
2012. Þar kemur fram hve hár kostn-
aðurinn hefur verið við uppgjör
þrotabús Milestone. Í heildina nem-
ur kostnaðurinn, það sem af er, 211,7
milljónum króna, þar af hefur Laga-
stoð, fyrirtækið sem skiptastjóri
starfar hjá, fengið 76 milljónir og
eins og áður hefur komið fram P3 sf.,
sem unnu að gagnaöflun og skýrslu-
gerð, tæpar 30 milljónir.
Fram kemur í minnisblaðinu að
skiptastjóri hafi komið flestum eig-
um þrotabúsins í verð. Að auki segir
skiptastjóri að þau dómsmál sem
þrotabúið reki séu þung í vöfum og
að það muni líkast til taka nokkurn
tíma áður en niðurstaða fáist í þeim.
Í yfirlýsingu skiptastjóra segir um
upphaf samstarfs P3 sf. og skipta-
stjóra: „Um var að ræða tvo starf-
andi lögreglumenn sem komu fram
fyrir hönd félagsins. Kynntu þeir fyr-
ir skiptastjóra að þeir hygðust hætta
störfum sem lögreglumenn og helga
sig fyrirtæki sínu. Væri þetta gert
með fullri vitund þáverandi yfir-
manna þeirra hjá lögreglunni.“ Kæra
sérstaks saksóknara gengur út á að
mennirnir hafi miðlað upplýsingum
til þriðja aðila án heimildar. „Gerð
þessarar skýrslu er á árinu 2011,
þegar þeir eru enn í vinnu hér og
ráðningarsambandi enn ekki slitið,“
sagði Ólafur Þór í samtali við blaðið í
gær og ítrekaði fyrri yfirlýsingu um
að þeir hefðu ekki haft heimild til að
hagnýta upplýsingar sem þeir öðluð-
ust í starfi hjá embættinu. Heimildir
blaðsins herma þó að slitastjóri hafi
talið sig í fullum rétti til að nýta þær
upplýsingar sem mennirnir unnu og
afhentu þrotabúinu.
Vissu af áformum um eigin rekstur
 Í október var vitað hjá sérstökum saksóknara að mennirnir hygðust stofna eigið rannsóknarfélag
 Slitastjóri fékk aðgang að bókhaldi og tölvupóstum Milestone í skjalageymslum sérstaks saksóknara
Morgunblaðið/Ómar
Blaðið náði tali af Ólafi Eiríks-
syni, verjanda Karls Werners-
sonar, eins af fyrrverandi eig-
endum Milestone ehf. og spurði
hvort kærurnar hefðu áhrif á
stöðu mála gagnvart skjólstæð-
ingi hans. „Ekki að öðru leyti en
því að við erum bara að skoða
það. Þetta þarf að upplýsast bet-
ur áður en kemur í ljós hvaða
áhrif þetta hefur,“ sagði Ólafur.
„Þegar við fengum skýrsluna í
hendur sáum við hverjir skrifuðu
undir hana og vissum að það
væru fyrrverandi starfsmenn
sérstaks saksóknara,“ sagði
Ólafur aðspurður hvort hann
hefði vitað um tengsl skýrslu-
höfunda við sérstakan saksókn-
ara. Aðspurður hvort lögmenn
hefðu gert athugasemdir við
hana sagði hann: „Ekki þegar við
fengum skýrsluna í hendur því
við vissum ekki hvert innihald
hennar var. En þegar við vorum
búin að kynna okkur hana gerð-
um við athugasemd.“
Í skýrslunni er leitast við að
svara þremur spurningum. Í
fyrsta lagi með hvaða hætti
Milestone ehf. hafi greitt skuldir
félagsins sem voru á gjalddaga
frá miðju ári 2007 fram að gjald-
þroti. Í öðru lagi hvort vísbend-
ingar væru um lögbrot í
tengslum við greiðslu skulda á
tímabilinu og í þriðja lagi hvort
vísbendingar væru um að starfs-
menn, stjórnendur eða eigendur
hefðu talið félagið ógjaldfært
einhvern tímann á þessu um-
rædda tímabili.
Lögmenn
gerðu at-
hugasemd
SKÝRSLA UM GJALDÞOL
Ingvar P. Guðbjörnsson
ipg@mbl.is
Lýstar kröfur í þrotabú Milestone,
sem var í eigu systkinanna Karls,
Steingríms og Ingunnar Werners-
barna, nema um 95 milljörðum
króna, segir Grímur Sigurðsson,
skiptastjóri búsins.
Aðspurður hversu margar af þeim
kröfum séu ágreiningslausar segir
Grímur að flóknara sé að meta það.
Það sé ágreiningur um stórar kröfur,
en að samþykktar kröfur séu í kring-
um 75 milljarðar. Þá standa út af
borðinu um 20 milljarðar sem
þrotabúið samþykkir ekki og af því
verður tekist á um einhvern hluta
fyrir dómstólum. Meðal annars
standa fyrir dyrum riftunarmál
vegna viðskipta Milestone fyrir hrun.
Gefnar hafa verið út ákærur á
hendur Lárusi Welding, fyrrv.
bankastjóra Glitnis, og Guðmundi
Hjaltasyni, fyrrv. framkvæmda-
stjóra hjá Glitni, en Glitnir mun hafa
lánað félaginu umtalsverðar fjárhæð-
ir. Milestone átti hlut í Glitni fyrir
hrun.
Meðal félaga sem tengdust Mile-
stone voru Sjóvá og Lyf og heilsa, en
það síðarnefnda keyptu bræðurnir
Karl og Steingrímur af Milestone
með láni frá Moderna, félagi í eigu
þeirra bræðra.
Aðspurður segir skiptastjóri að
hann reikni með að það fáist um 2-5%
upp í kröfurnar, eða um 1,9-4,8 millj-
arðar í heildina. Í gær var búið að
greiða út um 1% krafnanna.
Morgunblaðið/Golli
Lyf og heilsa Félag sem Wernersbræður keyptu af Milestone, sem þeir áttu
sjálfir, með láni frá félaginu Moderna sem var að auki í eigu þeirra bræðra.
Þrotabú upp á 95 milljarða