Morgunblaðið - 25.05.2012, Side 16

BAKSVIÐ
Andri Karl
andri@mbl.is
Tekist var á um bótakröfu upp á rúm-
ar sextán milljónir fyrir Héraðsdómi
Reykjavíkur í gær en krafan var sett
fram vegna brots forsætisráðuneytis
á jafnréttislögum. Eitt helsta ágrein-
ingsefni í málinu er hvort úrskurðir
kærunefndar jafnréttismála séu bind-
andi, eins og kveðið er á um í lögum
um jafna stöðu kvenna og karla.
Forsaga málsins er að Anna Krist-
ín Ólafsdóttir stjórnsýslufræðingur
sótti um starf skrifstofustjóra skrif-
stofu stjórnsýslu- og samfélagsþróun-
ar í forsætisráðuneytinu á árinu 2010.
Arnar Þór Másson var skipaður í
starfið og sætti Anna Kristín sig ekki
við þá niðurstöðu og kærði niðurstöð-
una til kærunefndar jafnréttismála.
Nefndin komst að þeirri niðurstöðu
að ekki hefði verið sýnt fram á að aðr-
ar ástæður en kynferði hefðu ráðið
því að Arnar var ráðinn. Með því að
ráða hann hefði forsætisráðherra
brotið lög um jafna stöðu kvenna og
karla.
Önnu Kristínu voru boðnar miska-
bætur, sem að hámarki gátu orðið 500
þúsund krónur, en engar skaðabætur
vegna málsins. Hún sættist ekki á það
en lagði fram sáttatilboð upp á fimm
milljónir króna, þ.e. skaða- og miska-
bætur. Því var hafnað og því höfðaði
hún skaðabótamál.
Þórunn Guðmundsdóttir, lögmaður
Önnu, sagði kjarna málsins að úr-
skurðir kærunefndar væru bindandi
en ekki væru komin dómafordæmi frá
Hæstarétti um þá bindingu, sem lög-
fest var 2008.
Meðal þess sem Þórunn kom inn á
var að fyrir árið 2008 hefði kærunefnd
jafnréttismála aðeins gefið út álit.
Hún vitnaði í greinargerð með frum-
varpinu sem samþykkt var 2008 en
þar segir að með þeirri tilhögun að úr-
skurðir séu bindandi fyrir málsaðila
hafi verið að leitast við að veita nið-
urstöðum nefndarinnar meira vægi.
Jóhanna flutti frumvarpið
Þá minnti Þórunn á að sá ráðherra
sem mælti fyrir lögunum 2008 væri sá
sami og braut þau svo 2010, Jóhanna
Sigurðardóttir. Hún vitnaði í fram-
söguræðu Jóhönnu þar sem hún sagði
að það væri fullkomin óvirðing ef eft-
irfylgni með jafnréttisbrotum væri
virt að vettugi.
Einnig að það væri lykilatriði að úr-
skurðir kærunefndar jafnréttismála
yrðu gerðir bindandi fyrir málsaðila í
stað álita áður.
Þórunn rakti þá viðbrögð Jóhönnu.
Bótakröfuna rökstuddi Þórunn
með útreikningum og annars vegar
var um að ræða fjártjónskröfu, þ.e. þá
upphæð sem Anna Kristín hefði haft í
höndum eftir að fimm ára skipunar-
tíma lyki, auk hálfrar milljónar króna
í miskabætur.
Faglegt umsóknarferli
Einar Karl Hallvarðsson ríkislög-
maður krafðist þess að íslenska ríkið
yrði sýknað af kröfum Önnu Kristínar
í málinu. Hann sagði ekkert benda til
þess að jafnréttislög hefðu verið brot-
in heldur hefði umsóknarferlið verið
afskaplega faglegt og sérstaklega hafi
verið hugað að jafnréttislögum.
Meðal þess sem Einar Karl benti á
var að í umsóknarferlinu hefði sér-
staklega verið hugað að jafnréttismál-
um og það komið skýrt fram, bæði hjá
ráðuneytisstjóra og ráðgjafa sem sáu
um ráðninguna, og eru konur. Þá
hefði þegar komist var að niðurstöðu
sá hæfasti, Arnar Þór, verið borinn
sérstaklega saman við þann umsækj-
anda sem var í öðru sæti, og er kona,
og Önnu. Niðurstaðan hefði verið sú
að Arnar Þór væri hæfasti umsækj-
andinn í starfið.
Einnig benti Einar Karl á að í úr-
skurði kærunefndar jafnréttismála
væri farið rangt með ýmis atriði, með-
al annars menntun Arnars Þórs. Hún
hefði því verið afar lítils metin af
nefndinni. „Ég á ekki orð yfir það
hversu rangt þetta mat er hjá kæru-
nefndinni,“ sagði Einar og spurði
hvort dómurinn gæti byggt á röngum
úrskurði. „Dómstóllinn getur ekki
leyft sér að byggja á röngum efnis-
þáttum í úrskurði, sem þó segir í lög-
um að sé bindandi.“
Auk þess velti Einar því upp hvaða
áhrif það ætti að hafa, að úrskurður-
inn væri bindandi. Hann hefði sjálfur
spurt nefndina að því en ekki fengið
nein svör. Hún hefði því ekki áttað sig
sjálf á því hvaða áhrif úrskurðurinn
hefði átt að hafa, eða um hvað hann
væri bindandi. „Eru einhver efnisat-
riði í úrskurðinum sem binda hendur
dómstóla?“
Vill á annan tug milljóna
vegna brots ráðherra
Morgunblaðið/Golli
Dómur Anna Kristín Ólafsdóttir og Þórunn Guðmundsdóttir í gærmorgun.
 Tekist á um úr-
skurð kærunefnd-
ar jafnréttismála
16 FRÉTTIRInnlent
MORGUNBLAÐIÐ FÖSTUDAGUR 25. MAÍ 2012
Öldrunarráð Íslands hefur veitt dr.
Ingibjörgu Hjaltadóttur hjúkr-
unarfræðingi viðurkenningu fyrir
einstakt framlag í þágu aldraðra.
Ingibjörg hefur unnið að rann-
sóknum á sviði öldrunarhjúkrunar
og þverfaglegum rannsóknum á
sviði öldrunarfræða og auk þess tek-
ið þátt í starfi stýrinefndar um rann-
sóknir á mælitækjum RAI-staðla á
vegum heilbrigðisráðuneytisins (nú
velferðarráðuneyti) frá árinu 1993.
Í rannsóknum sínum hefur Ingi-
björg m.a. skoðað lífsgæði aldraðra
á hjúkrunarheimilum, mönnunar-
módel í öldrunarhjúkrun, gæði í
öldrunarhjúkrun, næringarástand
aldraðra á sjúkrahúsi og meðferð
með aðstoð dýra. Ingibjörg hefur
tekið þátt í öðru rannsóknarstarfi.
Ingibjörg tók við viðurkenningu
Öldrunarráðs Íslands úr hendi for-
manns stjórnar, Péturs Magn-
ússonar.
Heiðruð fyrir störf
í þágu aldraðra
STUTT
Á aðalfundi Félags Sameinuðu
þjóðanna á Íslandi, sem var haldinn
miðvikudaginn 23. maí, var kosinn
nýr formaður, Þröstur Freyr Gylfa-
son. Ólafur Örn Haraldsson, sem
gegnt hefur störfum formanns und-
anfarin tvö ár, gaf ekki kost á sér
til áframhaldandi formennsku.
Aðrir sem skipa nýja stjórn eru
Tumi Tómasson, forstöðumaður
Sjávarútvegsskóla Háskóla Sam-
einuðu þjóðanna, Bogi Ágústsson
fréttamaður, Elín Vigdís Guð-
mundsdóttir, meistaranemi í lög-
fræði, Embla Eir Oddsdóttir, verk-
efnastjóri hjá Stofnun Stefáns
Vilhjálmssonar, Heiða Anita Halls-
dóttir, BA í alþjóðafræðum, Hera
Björk Þórhallsdóttir söngkona,
Hjálmar W. Hannesson sendiherra
og Martin L. Sörensen, upplýsinga-
fulltrúi í franska sendiráðinu.
Nýr formaður
Lögreglan á höfuðborgarsvæðinu
stöðvaði kannabisræktun í húsi í
Kópavogi í fyrradag. Við húsleit á
áðurnefndum stað fundust 25
kannabisplöntur. Húsráðandi, karl
á fertugsaldri, viðurkenndi aðild
sína að málinu. Slík mál hafa komið
upp nær daglega að undanförnu.
Sem fyrr minnir lögreglan á
fíkniefnasímann 800-5005. Í hann
má hringja nafnlaust til að koma á
framfæri upplýsingum um fíkni-
efnamál. Fíkniefnasíminn er sam-
vinnuverkefni lögreglu og toll-
yfirvalda og er liður í baráttunni
við fíkniefnavandann.
Stöðvuðu ræktun
Best fyrir
sumarið
Úrval fríuppskrifta
er á vef okkar
istex.is
Kæri áskrifandi!
Framan á Morgunblaðinu í dag er nýtt Moggaklúbbskort.
Kortið er sent til áskrifenda Morgunblaðsins.
Moggaklúbbsfélagar fá góð kjör á m.a. veitingahúsum,
bíóhúsum, utanlandsferðum, listviðburðum, bókum
auk fjölda annarra fríðinda.
Hafi kortið ekki borist þér
hafðu þá samband við
áskriftardeild
í síma 569-1100 eða
sendu okkur tölvupóst á
askrift@mbl.is