Morgunblaðið - 10.05.2012, Blaðsíða 2

2 FRÉTTIRInnlent
MORGUNBLAÐIÐ FIMMTUDAGUR 10. MAÍ 2012
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Skáksveit Verkís sigraði á Verkísmótinu, firma-
keppni í skák, sem fram fór í Ráðhúsi Reykjavík-
urborgar í gær, með 17,5 vinninga. Í öðru sæti
hafnaði skáksveit Hafgæða og í því þriðja hafn-
aði Stelpusveit SS.
Stigahæsti skákmaður mótsins var Hjörvar
Steinn Grétarsson landsliðsmaður. Þátttaka í
mótinu var góð en samtals tóku þrettán lið frá
tólf fyrirtækjum þátt í því.
Skáksveit Verkís vann Verkísmótið
Morgunblaðið/Kristinn
Firmakeppnin í skák fór fram í Ráðhúsi Reykjavíkur í gær
Kristján Jónsson
kjon@mbl.is
Áætlaðar fjárfestingar í framleiðslu
og flutningi á orku munu dragast
saman um 120 milljarða króna og
fjárfestingar í orkufrekum iðnaði og
afleidd áhrif um 150 milljarða 2012-
2016 ef tillögur ríkisstjórnarinnar
um rammaáætlun verða að veru-
leika. Þetta kemur fram í umsögn
fjármálafyrirtækisins GAMMA til
atvinnuveganefndar Alþingis.
Ríkisstjórnin vill m.a. setja virkj-
anir í neðri hluta Þjórsár og við
Skrokköldu í biðflokk en þessar
virkjanir eru taldar vera með hag-
kvæmari virkjanakostum á Íslandi.
Hagfræðingar GAMMA álíta að
uppsafnaður hagvöxtur verði 4-6%
minni fyrir vikið og atvinnulífið verði
af um það bil 5.000 ársverkum á um-
ræddu fjögurra ára tímabili. Ásgeir
Jónsson hjá GAMMA segir að við
Kárahnjúka hafi erlendir verktakar
séð að mestu um verkið. En þar sem
virkjanir í Þjórsá séu minni að um-
fangi megi gera ráð að fyrir að inn-
lendir aðilar gætu tekið
meiri þátt í þeim og af-
leiddu áhrifin því hlut-
fallslega jákvæðari fyrir
þjóðarbúið. Þessum at-
riðum megi stýra að
nokkru með gerð útboða.
„En ég held að um sé
að ræða vanmat á afleiddu
áhrifunum af virkjunun-
um, ekki ofmat,“ segir
Ásgeir.
Fjárfestingar snarminnka
 GAMMA segir breytta rammaáætlun ríkisstjórnarinnar í virkjanamálum þýða
að ekki verði af fjárfestingum upp á alls 270 milljarða fram til 2016
Morgunblaðið kynnir í dag sérstakt
tilboð til háskólastúdenta sem felst í
því að bjóða þeim iPad-áskrift að
Morgunblaðinu og iPad-spjaldtölva
fylgir með. Áskriftin er bundin í 30
mánuði og kostar 2.990 kr. á mánuði.
„Með þessu er brotið blað í ís-
lenskri blaðaútgáfu, ef svo má kom-
ast að orði,“ segir Óskar Magnússon,
útgefandi Morgunblaðsins, og vísar
til þess að ekki sé um hefðbundna
áskrift að blaði að ræða, þar sem
enginn pappír sé borinn út.
Til þess að gera þessa áskrift
mögulega hefur sérstakt form verið
útbúið fyrir iPad-spjaldtölvu í sam-
starfi við Apple. Það gerir Morgun-
blaðið mjög aðgengilegt og þægilegt
aflestrar á iPad-spjaldtölvu. „Ég veit
ekki til að þessi
aðferð við tækni-
lausnina og nálg-
un við markaðinn
hafi verið notuð
annars staðar,“
segir Óskar.
Hann bætir við að
Apple hafi sýnt
því sérstakan
áhuga að gefa há-
skólastúdentum
kost á að eignast iPad með þessum
hætti og því sé hægt að hafa verðið
eins lágt og raun ber vitni. Samning-
urinn hljóði hins vegar upp á tak-
markað magn af iPad-spjaldtölvum
frá Apple.
Háskólastúdentum gefst kostur á
iPad-áskrift og iPad-spjaldtölvu með
því að fara inn á sérstaka slóð á net-
inu (www.mbl.is/mogginn/ipad) og
fylgja síðan leiðbeiningum. Þessir
áskrifendur fá svo iPad-spjaldtölv-
urnar afhentar hjá epli.is á Lauga-
vegi 132. Þar verða þjónustufulltrú-
ar frá Morgunblaðinu nýjum
áskrifendum til halds og trausts.
Aðrir seinna
„Fyrst í stað er eingöngu um að
ræða tilboð til háskólastúdenta en
við stefnum að því innan tíðar að
gefa öðrum kost á því að kaupa iPad-
áskrift að Morgunblaðinu þótt það
kunni að vera í öðru formi en það
sem við kynnum nú,“ segir Óskar
Magnússon útgefandi.
iPad-tölva fylgir áskrift
 Morgunblaðið bryddar upp á nýjung í blaðaútgáfu
 Sérstakt tilboð fyrir alla háskólastúdenta
Óskar
Magnússon
Á næstunni verð-
ur hringt í 5-10
manns sem tóku
gengislán og þeir
beðnir um að
höfða mál gegn
fjármálastofn-
uninni sem lánaði
þeim. Tilgang-
urinn er sá að
láta reyna á það
fyrir dómi hvaða
áhrif nýlegur hæstaréttardómur
hefur á lán þeirra. Þetta segir Svan-
borg Sigmarsdóttir, upplýsinga-
fulltrúi umboðsmanns skuldara.
Verið er að kanna hvaða mál gætu
komið til greina og síðan hefjast út-
hringingar.
Í gær sendu umboðsmaður skuld-
ara og Samtök fjármálafyrirtækja
frá sér fréttatilkynningu um að ekki
yrði farið út í endurútreikninga
gengistryggðra íbúðarlána á grund-
velli dóms Hæstaréttar síðan í febr-
úar fyrr en ljóst verður hvaða reikni-
aðferð á að liggja fyrir.
Bera ekki kostnað af málinu
„Þetta verða vonandi ekki meira
en allt í allt 5-10 mál, þannig að það
eru voðalega fáir sem munu fá svona
símtöl,“ segir Svanborg. Viðkomandi
fær aðstoð við að finna lögmann og
að sögn Svanborgar er stefnt að því
að tryggja að þessar málshöfðanir
verði skuldurum að kostnaðarlausu.
Þannig munu fjármálafyrirtæki t.d.
ekki gera kröfu um málskostnað í
þessum málum.
Hugsanlega verður sá háttur
hafður á að fjármálastofnun höfði
mál gegn skuldurunum, fallist þeir á
slíka málsmeðferð. skulih@mbl.is
Getur þú
farið í mál
við banka?
Svanborg
Sigmarsdóttir
 Eyða þarf óvissu
um reikniaðferðir
Mikill meirihluti stjórnenda í ís-
lenskum fyrirtækjum er andvígur
aðild Íslands að Evrópusambandinu.
Samkvæmt niðurstöðum nýrrar
stjórnendakönnunar MMR, sem var
unnin í samstarfi við Viðskiptablað-
ið, eru 63,9% stjórnenda í íslensku
atvinnulífi mótfallin aðild að ESB en
36,1% hlynnt aðild. Andstaðan við
aðild að ESB er mest á meðal stjórn-
enda í sjávarútvegi en þar mældist
hún tæp 80%.
Stjórnendur
á móti ESB
„Því miður ber tillagan merki öfga-
sjónarmiða í umhverfispólitík á
kostnað skynsamlegrar verð-
mætasköpunar, sem knýjandi
þörf er fyrir til að bæta afkomu
heimilanna í landinu, ekki síst
hér á Suðurnesjum þar sem at-
vinnuástandið er einna bágast,“
segir í umsögn lykilfólks í sveitar-
stjórnum, verkalýðshreyfingu og
atvinnurekendasamtökum á
Suðurnesjum, um þings-
ályktunartillöguna. Þau telja til-
löguna ótæka og óviðunandi.
Ólafur Þór Ólafsson, forseti
bæjarstjórnar Sandgerðis, segist
hafa stutt þá sátt sem náðist með
rammaáætlun. Hann segir að ál-
verið í Helguvík sé mikilvægt fyrir
Suðurnesin og horft sé til þess að
fá orku frá virkjun í Þjórsá til að
koma verkefninu af stað.
46 starfsmenn HS Orku hafa
sent inn svipaða umsögn.
Ber merki öfgasjónarmiða
LYKILFÓLK Á SUÐURNESJUM GERIR ATHUGASEMDIR
Ólafur Þór Ólafsson
50% afsláttur í sal
12.–20. maí.
Láttu þetta ekki framhjá þér fara!
Við erum í alfara leið.
55 12345
Hlíðasmára 15 - beint fyrir ofan Smáralind
Kíktu inn á italiano.is
2
ára