Morgunblaðið - 10.05.2012, Blaðsíða 12

12 FRÉTTIRInnlent
MORGUNBLAÐIÐ FIMMTUDAGUR 10. MAÍ 2012
Samfélagsstyrkir
Landsbankans
landsbankinn.is 410 4000Landsbankinn
Samfélagsstyrkjum er ætlað að styðja við verkefni á ýmsum sviðum, þar á
meðal í mannúðarmálum, menningu og listum, menntun, rannsóknum og
vísindum, einnig forvarna- og æskulýðsstarfi og sértækri útgáfustarfsemi.
Samfélagsstyrkir verða veittir tvívegis í ár en seinni úthlutunin verður í
nóvember. Samtals nema samfélagsstyrkir því 20 milljónum króna á árinu.
Á hvoru úthlutunartímabili verða veittir eftirtaldir styrkir:
 5 styrkir að upphæð 1.000.000 kr. hver.
 5 styrkir að upphæð 500.000 kr. hver
 10 styrkir að upphæð 250.000 kr. hver.
Verkefni sem einkum koma til greina:
 verkefni mannúðarsamtaka og góðgerðarfélaga
 verkefni á sviði menningar og lista
 menntamál, rannsóknir og vísindi
 forvarna- og æskulýðsstarf
 sértæk útgáfustarfsemi
Umsóknarfrestur til 4. júní
Umsóknarfrestur vegna samfélagsstyrkja er til og með 4. júní 2012.
Dómnefnd er skipuð fagfólki á hverju sviði. Sótt er um styrkina rafrænt,
á landsbankinn.is.
Samfélagssjóður Landsbankans hefur það hlutverk að veita styrki
til verðugra verkefna. Árlega eru veittar fimm tegundir styrkja:
Afreksstyrkir, námsstyrkir, nýsköpunarstyrkir, samfélagsstyrkir
og umhverfisstyrkir.
Nánari upplýsingar á landsbankinn.is.
Landsbankinn veitir 10 milljónum króna
í samfélagsstyrki til 20 verkefna í fyrri
úthlutun fyrir árið 2012.
Það styttist í að framkvæmdum við eina af um-
deildari byggingum borgarinnar ljúki en ný
framhlið er komin á húsið við Pósthússtræti 9.
Löngum hafa menn deilt um fagurfræðilegt
gildi byggingarinnar en hönnun hennar þykir í
litlu samræmi við glæsileik nærliggjandi stór-
hýsa, þ.e. Hótel Borgar til suðurs og hús Nat-
hans og Olsens, einnig þekkt sem Reykjavík-
urapótek, til norðurs. Margir hafa veitt
framkvæmdunum undanfarið athygli enda
byggingin vel sýnileg öllum þeim sem leið eiga
um Austurvöll.
Þegar ljóst var að skipta þyrfti út framhlið
hússins athuguðu rekstraraðilar Hótel Borgar
hvort heimilt væri að breyta útliti framhlið-
arinnar, öðru fremur með því að skipta græna
litnum út fyrir spegilgler. Vegna höfundarrétt-
arlaga reyndist það hins vegar ekki heimilt.
Því var nýja framhliðin gerð að fyrirmynd
þeirrar eldri með smávægilegum breytingum.
„Höfundarrétturinn er sterkur og við að sjálf-
sögðu virðum hann,“ sagði Ólafur Þorgeirsson,
hótelstjóri Hótel Borgar, í samtali við Morg-
unblaðið.
Samfelld lóð var upprunalega við Póst-
hússtræti 9-11 sem skipt var upp þegar ráðist
var í byggingu Hótel Borgar árið 1928. Gert
var að skilyrði að framkvæmdir á númer níu
yrðu ávallt gerðar í samræmi við húsin beggja
vegna. Ekki virðist hins vegar hafa verið lögð
áhersla á þetta ákvæði þegar byggt var á
reitnum árið 1958. Hafa ber þó í huga að
ríkjandi straumar og stefnur voru að vonum
aðrar á þeim tíma og byggingin í takt við tíð-
arandann þá en hún var byggð í svokölluðum
síðfúnkísstíl.
Almennar tryggingar reistu húsið upp-
runalega undir skrifstofur sínar. Reykjavík-
urborg keypti síðan bygginguna af trygginga-
félaginu árið 1981 og ýmist hélt þar úti eigin
starfsemi eða leigði út. Á tíunda áratugnum
var húsið selt undir hótelrekstur sem staðið
hefur alla tíð síðan ef frá er talið á jarðhæðinni.
Þar hafa ýmis fyrirtæki verið til húsa, m.a.
Gallerý Borg um tíma og kaffihúsið Kaffi-
brennslan. Undanfarin ár hefur veitingastað-
urinn Íslenski barinn verið þar til húsa.
gunnhildur@mbl.is
Umdeild bygging fær andlitslyftingu
 Framkvæmdum við nýja framhlið hússins við Pósthússtræti 9 að ljúka  Höfundarréttur kemur í
veg fyrir að breytingar séu leyfðar  Ýmis fyrirtæki hafa átt athvarf í byggingunni í gegnum tíðina
Morgunblaðið/Ómar
Andlitslyfting Kannað var hvort draga mætti úr græna litnum sem hefur verið ríkjandi.
Sprunga kom í ljós í stýrinu á flutn-
ingaskipinu Fernanda sem strand-
aði við Sandgerðishöfn síðastliðinn
laugardag. Skipið var í bráðabirgða-
viðgerð í gær hjá véla- og skipaþjón-
ustunni Framtaki í Garðabæ.
„Sprungan kom í ljós þegar botninn
á skipinu var skoðaður í sambandi
við strandið,“ segir Bjarni Thorodd-
sen, framkvæmdastjóri Framtaks.
„Við erum að laga sprunguna til
bráðabirgða. Þetta er smáviðgerð,
skipinu var hallað aðeins og við-
gerðin fer fram á floti,“ segir Bjarni.
Sprungan var ofarlega á stýrinu
og segir Bjarni nokkuð víst að hún
hafi verið þar í nokkurn tíma.
Sprungan var þó það lítil að hún hef-
ur ekki átt að hafa áhrif á stýri
skipsins að sögn Bjarna. „Sprungan
átti alls ekki þátt í strandinu, hún
hefði ekki getað haft nein áhrif. En
það á auðvitað ekki að vera sprunga
á stýrinu og ef hún hefði stækkað
hefði skipið geta misst stýrið.“
Eigendur skipsins vildu að gert
yrði við sprunguna til bráðabirgða
áður en skipið færi héðan. Það fer
ekki í frekari viðgerðir hér á landi. Í
dag siglir það til Hafnarfjarðar, tek-
ur þar farm og siglir svo frá landinu.
ingveldur@mbl.is
Ljósmynd/Reynir Sveinsson
Til bráðabirgða Unnið við viðgerð á stýri Fernanda hjá Framtaki í gær.
Skipinu var aðeins hallað og viðgerðin gerð á flotpalli.
Sprunga kom í ljós
í stýri Fernanda
Fé sem flutt var yfir sauðfjár-
varnalínur nýverið hefur verið farg-
að og fá eigendur þess engar bætur
vegna förgunarinnar þar sem með
flutningnum var unnið gegn útrým-
ingu á riðu. Jafnframt verður málið
kært til lögreglu, að því er segir á
vef Matvælastofnunar.
Nýlega fannst fé sem flutt hafði
verið úr Rangárvallahólfi yfir í
Hreppa-, Skeiða- og Flóahólf ásamt
fleira fé sem flutt hafði verið milli
bæja innan síðarnefnds hólfs. Alls
var um 19 kindur að ræða sem þrír
eigendur voru að. Matvælastofnun
segir að flutningar á sauðfé séu tak-
mörkunum háðir til varnar út-
breiðslu á riðu og garnaveiki. Er
m.a. bannað að flytja fé yfir varn-
arlínur sbr. 25. gr. laga um dýra-
sjúkdóma og varnir gegn þeim.
Varnarlínur eru ákveðnar með
reglugerð og afmarkaðar með girð-
ingum eða náttúrulegum hindr-
unum.
„Hvort sem um er að ræða stóra
fjáreigendur eða smáa, eina kind eða
margar, ber að virða reglurnar svo
árangur náist í baráttunni gegn riðu
og garnaveiki. Tillitsleysi eins bónda
eða áhugamanns með nokkrar kind-
ur getur eyðilagt fyrir öllum öðrum í
sama varnarhólfi,“ segir á vef Mat-
vælastofnunar.
Sauðfjárflutningur
kærður til lögreglu