Morgunblaðið - 10.05.2012, Blaðsíða 24
24 FRÉTTIRInnlent
MORGUNBLAÐIÐ FIMMTUDAGUR 10. MAÍ 2012
BILLUND!
Ármúla 7 | 108 Reykjavík | 5 500 600 | www.icelandexpress.is
F
ÍT
O
N
/
S
ÍA
Verð frá:
Aðra leið með sköttum og öðrum greiðslum
14.900 kr.FÍTON
200.000 hótel í 165löndum / 800.000 bílarí 125 löndum
HÓTEL OG BÍL
BÓKAÐU
Karl Eskil Pálsson
karlesp@simnet.is
„Hlutverk miðstöðvarinnar er fyrst
og fremst að efla tengsl atvinnulífs og
skóla, að mínu mati hefur verið góður
skriður á starfseminni á síðustu ár-
um. Okkur er meðal annars ætlað að
afla upplýsinga og miðla þeim til fyr-
irtækja og samstarfsaðila, stunda
rannsóknir, stuðla að nýsköpun og
styðja við frumkvöðlastefsemi í sjáv-
arútvegi, svo ég nefni sem dæmi.
Sjávarútvegurinn er einn af mátt-
arstólpum atvinnulífsins og því er
nauðsynlegt að samstarfið við grein-
ina sé sem öflugast. Við reynum eftir
bestu getu að safna saman upplýs-
ingum um sjávarútveginn, sem nýt-
ast í margvíslegum rannsóknum,“
segir Hreiðar Þór Valtýsson, for-
stöðumaður Sjávarútvegsmiðstöðv-
arinnar við Háskólann á Akureyri.
Stofnunin var sett á laggirnar 2009
þegar samningur var undirritaður á
milli skólans og ríkisins.
„Samskiptin milli skóla og atvinnu-
lífsins voru orðin lítil og því var talin
þörf á slíkri miðstöð. Hérna við skól-
ann er starfrækt sjávarútvegsbraut,
þannig að margt mælti með því að
staðsetja miðstöðina hérna fyrir
norðan. Samstarf við sjávarútvegs-
brautina er afar náið, sérfræðingar
miðstöðvarinnar annast til dæmis
kennslu samhliða öðrum verkefnum.“
Hreiðar segir að á tímabili hafi
nemendur í sjávarútvegsfræðum ver-
ið fáir en þeim hafi fjölgað jafnt og
þétt eftir að Sjávarútvegsmiðstöðin
tók til starfa. Þá hafi og skipt sköpum
að Landssamband íslenskra útvegs-
manna hafi ákveðið að styrkja starf-
semina dyggilega.
Margir sækja um
„Í vetur var við nám í sjáv-
arútvegsfræðum einn stærsti ár-
gangurinn frá upphafi, sem er auðvit-
að gleðilegt og mér sýnist að
umsóknir um nám á næsta vetri verði
margar. Þetta er fjölbreytt nám,
enda sýna kannanir að þeir sem út-
skrifast starfa á mörgum sviðum og
eru eftirsóttir. Sjávarútvegurinn er
sannarlega spennandi grein, störfin
snúast ekki bara um að veiða fiskinn í
sjónum. Fyrirtækin þurfa að fá vel
menntað starfólk til að sinna fjöl-
þættum störfum, til dæmis við að
markaðssetja afurðirnar og sjá til
þess að allur rekstur sé sem hag-
kvæmastur.“
Hreiðar segir að mikil nýsköpun
eigi sér stað í sjávarútvegi, enda séu
íslensk fyrirtæki almennt talin fram-
sækin. „Sömu sögu er að segja um
einstaklinga sem vilji búa til verð-
mæti úr sjávarfangi.“
„Einn nemandi okkar mun í sumar
kanna möguleika á að gera meira
verðmæti úr þorsklifur sem til fellur.
Annar undirbýr að búa til snakk úr
roði og einnig hefur hann hug á að
vinna laxahrogn frekar en nú er al-
mennt gert. Sá þriðji er að vinna með
Samherja að því að þurrka sundmaga
fyrir Asíumarkað og fjórði nemand-
inn er núna í Vestmannaeyjum þar
sem kannaðir eru möguleikar á að
vinna skötuselslifur fyrir Frakk-
landsmarkað. Mun fleiri áhugaverð
verkefni eru í gangi. Okkar hlutverk
er að styðja við bakið á þessu unga
fólki og leita eftir samstarfi við fyr-
irtæki og stofnanir. Það hefur tekist
bærilega og nú er bara að vona að
einhver þessara verkefna skili arði í
framtíðinni.“
„Skeldýrarækt hefur verið að
ryðja sér til rúms hér við land á und-
anförnum árum og við höfum verið að
vinna talsvert með bláskeljabændum.
Að mínu mati eru möguleikar í þess-
ari grein miklir, enda aðstæður víða
góðar. Í Kanada er skeldýrarækt
orðin stór atvinnugrein og aðstæður
hérna eru svipaðar, jafnvel betri ef
eitthvað er. Við þurfum hins vegar að
halda rétt á spilunum í þessum efn-
um, skelræktin hefur átt erfitt upp-
dráttar á undanförnum árum. Við
megum hins vegar ekki leggja árar í
bát, kerfið hérna er til dæmis allt of
þungt í vöfum og því verður að breyta.
Veiðar á ígulkerum ættu líka að geta
orðið arðbærar í framtíðinni. Þar er
staðan svipuð, reglurnar eru óljósar
og fæla jafnvel frá. Svipað á við um
krabbaveiðar.“
Fisheries.is
„Fisheries.is er allsherjar upplýs-
ingaveita um íslenskan sjávarútveg,
sem við settum upp á sínum tíma og
rekum fyrir hið opinbera. Þessari
veitu er ætlað að koma á framfæri
helstu upplýsingum um greinina til
útlanda, enda er vefurinn á ensku.
Það er erfitt að leggja mælistiklu á ár-
angurinn, en samkvæmt teljara síð-
unnar er notkunin talsverð. Sjávar-
útvegur er alþjóðleg atvinnugrein og
því er nauðsynlegt að halda úti öfl-
ugri kynningu, þessi upplýsingavefur
jákvæð viðleiti í þá átt. Upplýsing-
arnar á vefnum nýtast líka vel við
kennslu í sjávarútvegsfræðum, en
frekar lítið er til af kennsluefni um
hafið og sjávarútveg, svo skrýtið sem
það nú er.“
Takmörkuð vitneskja
um sjávarútveg
„Okkar rannsóknir sýna svart á
hvítu að unga kynslóðin virðist ekki
hafa mikinn áhuga á sjávarútvegi. Ég
álít að ástæðan sé almennur skortur
á þekkingu á því hversu mikilvægt
hafið er fyrir okkur og hversu spenn-
andi vettvangur sjávarútvegurinn er
í raun og veru. Háskólar og fram-
haldsskólar sem hafa með sjáv-
arútvegstengda menntun að gera
vinna nú saman. Þetta samstarf er
undir hatti Sjávarklasans, markmið
hans er að efla vitund, áhuga og sam-
starf í íslenskum sjávarútvegi. Ég
vona sannarlega að þessi vinna beri
árangur. Sjávarútvegur er og verður
ein helsta atvinnugrein landsins og
þess vegna verðum við að sjá til þess
að mennta hæft fólk til starfa,“ segir
Hreiðar Þór Valtýsson, for-
stöðumaður Sjávarútvegmiðstöðv-
arinnar við Háskólann á Akureyri.
Verðum að mennta hæft
fólk til starfa í sjávarútvegi
Nemendum í sjávarútvegsfræðum að fjölga Ungt fólk áhugalítið um sjávarútveg
Kennsluefni um sjávarútveg takmarkað Fyrirtækin þurfa vel menntað starfsfólk
Morgunblaðið/Skapti Hallgrímsson
Nýsköpun Störf í sjávarútvegi snúast ekki bara um að veiða fiskinn í sjónum, segir Hreiðar Þór Valtýsson, lektor við auðlindadeild Háskólans á Akureyri.
Morgunblaðið/Ómar
Nýjung Möguleiki er á að vinna úr skötuselslifur fyrir Frakklandsmarkað.
Bláskel Miklir möguleikar eru tald-
ir vera í bláskeljaræktun.
EDDA – öndvegissetur við Há-
skóla Íslands, stendur í samstarfi
við Raymond Aron Center for
Sociological and Political Studies
(CESPRA) við Institute of
Advanced Studies in the Social
Sciences í París(EHESS), að al-
þjóðlegri ráðstefnu sem ber heitið
In/Equalities, Democracy, and the
Politics of Transition.
Ráðstefnan er haldin við Há-
skóla Íslands 10.-12. maí 2012 í
Öskju, stofu 132, fer fram á ensku
og er öllum opin án endurgjalds.
Hér má nálgast dagskrá ráðstefn-
unnar: www.transition.hi.is. Meg-
inviðfangsefni ráðstefnunnar er
lýðræði og íslenska stjórnlagaráð-
ið/þingið; ó/jafnrétti og velferð; og
pólitískar, samfélagslegar og
menningarlegar tilraunir til að
glíma við afleiðingar hrunsins og
kreppunnar á Íslandi og al-
þjóðlegu samhengi.
Markmiðið er að leiða saman
fræðimenn á sviðum stjórnmála,
heimspeki, sagnfræði, bókmennta-
fræði og lögfræði til að ræða fé-
lagslegt umbreytingar- og end-
urreisnarskeið í þverþjóðlegu
samhengi. Sjónum verður sér-
staklega beint að lýðræðis-
tilraunum, stjórnmálaþátttöku og
endurreisnarorðræðum, og verða
kynntar niðurstöður sameiginlegs
rannsóknarverkefnis EDDU og
EHESS á því sviði.
Í fréttatilkynningu kemur fram
að ráðstefnunni er ekki einungis
ætlað að vera alþjóðlegur fræða-
vettvangur heldur sé hún skipu-
lögð í því augnamiði að hvetja til
samræðu milli fræðasamfélagsins
og almennings um samfélagslegt
og hugarfarslegt endurmat og
uppbyggingu innan lands og utan.
Lýðræði, samfélagsáföll og
pólitísk umbreytingaskeið