Morgunblaðið - 10.05.2012, Blaðsíða 60

60 MENNING
MORGUNBLAÐIÐ FIMMTUDAGUR 10. MAÍ 2012
Sýning Leikfélags Kópavogs á
Hringnum hefur verið valin athygl-
isverðasta áhugaleiksýning leikárs-
ins 2011-2012. Þetta er í 19. sinn sem
Þjóðleikhúsið velur athyglisverðustu
áhugasýningu ársins og býður að-
standendum að sýna sýningu sína í
Þjóðleikhúsinu í júní nk. Í ár sóttu
alls ellefu leikfélög um með jafn-
margar sýningar. Öll verkin voru
eftir íslenska höfunda og voru sjö
þeirra frumsamin fyrir félögin en
fjögur voru áður sýnd íslensk verk.
Í umsögn dómnefndar Þjóðleik-
hússins um sýninguna segir m.a.:
„Leikfélag Kópavogs sýnir
skemmtilega dirfsku í verkefnavali
sínu en Hringurinn eftir Hrefnu
Friðriksdóttur er óvenjulegt og
frumlegt nýtt íslenskt leikrit. Leik-
stjórinn Hörður Sigurðsson og leik-
hópur blása svo lífi í þann lítt hvers-
dagslega heim sem höfundur dregur
upp mynd af í verki sínu. Við hverf-
um inn í furðuheim sirkussins þar
sem spurningarmerki eru sett við
ýmsar viðteknar hugmyndir okkar
og leggjum ásamt aðalpersónunni í
ferð í leit að leyndarmálum fortíðar.
Í meðförum Leikfélags Kópavogs
verður þessi ferð full af spennu og
ógnum, en jafnframt hugljúf og
nostalgísk, m.a. fyrir tilstilli tónlist-
ar og myndbandsbrota sem sýna
sirkuslífið í fortíðinni. Hinn sjónræni
þáttur sýningarinnar er vel unninn
og hugvitssamlegur og leikarar
standa sig með prýði.“
Líf Sjónræni þáttur sýningarinnar
er vel unninn að mati dómnefndar.
Hringurinn
þótti bestur
 Verður sýndur í
Þjóðleikhúsinu í júní
Silja Björk Huldudóttir
silja@mbl.is
„Þetta var rosaleg áskorun, en nú er
ég klár í slaginn og hlakka bara til,“
segir Sigrún Eðvaldsdóttir sem
leikur einleik í fiðlukonsert nr. 1 eft-
ir Dmitríj Sjostakovitsj á tónleikum
Sinfóníuhljómsveitar Íslands í Eld-
borgarsal Hörpu í kvöld kl. 19:30.
„Ég hef alltaf verið mjög hrædd
við þennan konsert, því hann er svo
stór og frægur. Auk þess stendur
flutningur uppáhaldsfiðluleikara
míns, Davids Oistrakhs, upp úr þeg-
ar kemur að þessum konsert,“ segir
Sigrún, en Sjostakovitsj samdi
konsertinn fyrir Oistrakh á sínum
tíma. „En maður þroskast með
hverri áskorun og verður alltaf
stærri eftir hverja raun þannig að
þetta æfingaferli hefur verið æð-
islega gott fyrir mig,“ segir Sigrún.
Small loks saman í apríl
Aðspurð segist Sigrún hafa byrj-
að að æfa verkið í haust sem leið.
„Lengi framan af hafði ég miklar
efasemdir um að ég gæti þetta. En
ég æfði mig reglulega og það er nú
þannig að dropinn holar steininn.
Svo allt í einu í apríl fór þetta loks-
ins að smella saman og taka á sig
form,“ segir Sigrún og tekur fram
að í þeim mánuði hafi hún farið í
tónleikaferð til Grænlands með
dönskum vinum sínum og nýtt ferð-
ina vel til æfinga. Segist hún ekki í
vafa um að umhverfið hafi líka haft
góð áhrif á sig. „Auk þess sem með
í ferðinni voru tveir fiðluleikarar
sem leikið hafa þennan konsert
þannig að við ræddum hann
mikið og annar þeirra gaf mér
t.d. góð ráð um hvernig best
væri að æfa
einn tiltekinn
kafla.“
Krefst mikils úthalds
Spurð í hverju helsta
áskorunin við flutn-
ing verksins felist
segir Sigrún að
verkið krefjist gríð-
arlegs úthalds. „Konsertinn er í
fjórum köflum og annar kaflinn
strax er alveg brjálaður. Í framhald-
inu kemur mjög erfiður þriðji kafli
með risastórri kadensu þar sem fiðl-
an er alein. Það er svo magnað
hvernig Sjostakovitsj byggir verkið
upp og lætur það verða dálítið tryllt.
Maður má hins vegar ekki eyða öllu
púðrinu sínu í öðrum kaflanum því
maður verður að eiga nógu mikið
eftir fyrir þriðja og fjórða kafla,“
segir Sigrún og tekur fram að sér
finnist konsertinn henta sér sérlega
vel. „Þessi konsert er svo mikið ég,
þótt ég segi sjálf frá. Ég fæ mikla
útrás í þessum konsert, en það er
alls ekki sjálfgefið í öllum tón-
verkum. Markmiðið mitt á tónleik-
unum er bara að vera ég sjálf og
sleppa fram af mér beislinu. Ég gef
sem sagt allt sem ég á í þetta,“ segir
Sigrún að lokum.
„Gef allt sem ég á í þetta“
 Sigrún spilar
Sjostakovitsj í
Eldborg í kvöld
Morgunblaðið/Styrmir Kári
Útrás „Ég fæ mikla útrás í þessum konsert, en það er alls ekki sjálfgefið í öllum tónverkum,“ segir Sigrún.
Evrópustofa býður til tónleika í Eld-
borgarsalnum sunnudaginn 13. maí
kl. 20 þar sem stíga á svið hljóm-
sveitirnar European Jazz Orchestra
og Stórsveit Reykjavíkur.
European Jazz Orchestra er stór-
sveit ungs hæfileikaríks tónlist-
arfólks víðs vegar að úr Evrópu.
Sveitin mun leika ný tónverk eftir
fremstu tónskáld Evrópu undir
stjórn Jeres Laukkanens.
Stórsveit Reykjavíkur leikur nýja
og nýlega tónlist sem samin hefur
verið sérstaklega fyrir hljómsveit-
ina. Annars vegar verða flutt verk
eftir Agnar Má Magnússon, Hilmar
Jensson og Kjartan Valdemarsson
af nýjustu plötu sveitarinnar. Hins
vegar verður flutt svíta finnska tón-
skáldsins Eeros Koivistoinens Tví-
söngur, en hún byggist á íslenskum
þjóðlagastefjum.
Tónleikarnir í Hörpu eru almenn-
ingi að kostnaðarlausu en nálgast
þarf miða á www.harpa.is.
Tónleikar Stórsveit Reykjavíkur.
Boðið til tón-
leika í Hörpu
Auk fiðlukonserts Sjostako-
vitsj mun Sinfón-
íuhljómsveit Íslands leika
aðra sinfóníu Jeans Si-
beliusar. Stjórnandi
kvöldsins er finnski
hljómsveitarstjórinn Piet-
ari Inkinen.
Samkvæmt upplýsingum
frá Sinfóníuhljómsveit
Íslands vakti hann
gríðarlega hrifningu
hljóðfæraleikara og
tónleikagesta þegar
hann stjórnaði Sin-
fóníuhljómsveitinni í febrúar 2010
og var honum því umsvifalaust
boðið að koma aftur til Íslands
við fyrsta tækifæri. Inkinen var
skipaður aðalstjórnandi Sinfón-
íuhljómsveitar Nýja Sjálands árið
2008 og hafa hljóðritanir þeirra á
sinfóníum Sibeliusar fyrir Naxos-
útgáfuna hlotið einróma lof gagn-
rýnenda.
Túlkun Inkinens á annarri sin-
fóníunni hlaut fjórar stjörnur í
Financial Times nú í apríl sl. og
The Guardian sagði að diskurinn í
heild væri „hreinasta gullnáma“.
„Hreinasta gullnáma“
FINNINN PIETARI INKINEN ER STJÓRNANDI KVÖLDSINS
komdu og kíktu
Efst á Skólavörðustígnum, sími 551 1121
ÚTSALA