Morgunblaðið - 10.05.2012, Blaðsíða 62
62 MENNING
MORGUNBLAÐIÐ FIMMTUDAGUR 10. MAÍ 2012
Ormstunga hefur
gefið út bókina Ör-
lagaborgina, brota-
brot úr afrekasögu
frjálshyggjunnar
(fyrri hluti) eftir
Einar Má Jónsson,
sagnfræðing og
doktor í mið-
aldafræðum. Í
kynningu bók-
arinnar segir að
Einar Már „reki sögu frjálshyggj-
unnar, fjallar um upphaf hennar og
framgang fram á nítjándu öld með
sagnfræði og heimspeki að leið-
arljósi í bland við tæra fantasíu,
tengda bæði heimsfræði og skáld-
skap. Með þessum verkfærum
skyggnist hann bak við vígorðin sem
dunið hafa á okkur undanfarna ára-
tugi, t.d. „molana af borðunum“ og
„ósýnilegu höndina“.“
Adam Smith er fyrirferðarmikill í
bókinni, sem vonlegt er, en líka Ric-
ardo. Malthus, Mandeville, Tocque-
ville, Karl Marx, Friedrich Engels,
Arnljótur Ólafsson, Voltaire, Eliza-
beth Gaskell og Charles Dickens.
Einnig koma við sögu skáldsagna-
persónur eins og dr. Altunga, Rafael
Hythlodeus, Kobbi krumla og Caleb
Williams.
Einar Már kenndi miðaldafræði
og íslensku við Sorbonne-háskóla.
Örlagaborg
Einars Más
Kápa Örlaga-
borgarinnar.
Í kvöld verða haldnir styrkt-
artónleikar í Gamla bíói og rennur
ágóðinn til uppbyggingar lista-
smiðju Galtarvita.
Undanfarin sumur hefur lista-
mönnum staðið til boða að koma á
Galtarvita til listsköpunar og/eða í
leit að innblæstri og í undirbúningi
er að bæta húsakost og aðstöðu
listamannanna sem nýta sér aðstöð-
una. Allir tónlistarmennirnir sem
spila á tónleikunum hafa með einum
eða öðrum hætti fengið leiðarljós
eða innblástur af eða frá Galtarvita
og hyggjast launa fyrir með tónlist.
Fram koma Hjaltalín, Snorri
Helgason, Tilbury, Mr. Silla og
Borko. Tónleikarnir hefjast kl. 21.
Styrktartónleikar
í Gamla bíói í kvöld
Tónleikar Listamenn sækja innblástur til Galtarvita.
Ljóðskáldin Þór-
arinn Eldjárn og
Kristján Hreins-
son lesa upp úr
verkum sínum á
veitingastaðnum
Kryddlegnum
hjörtum á Skúla-
götu 17 annað
kvöld kl. 19:30.
Gestgjafi kvölds-
ins verður leik-
stjórinn og leik-
skáldið Árni
Kristjánsson.
Þetta er fjórða og
síðasta ljóða-
dagskráin að
þessu sinni og
mun, að sögn
skipuleggjenda,
marka það að
vetri er lokið og yndisleiki sumars
fyllir brátt hjörtu mannanna. Allir
eru velkomnir meðan húsrúm leyfir.
Kryddlegin
skáld
Þórarinn Eldjárn
Kristján Hreinsson
Sköpunargleði
nefnist sýning
sem Kolbrún S.
Kjarval opnar í
Listasetrinu
Kirkjuhvoli á
Akranesi nk.
laugardag. Sýn-
ingin er fyrir alla
aldurshópa og
sýnir marga
tjáningar-
möguleika leirsins, ólíkar leirteg-
undir og vinnuaðferðir.
„List getur endurspeglað eða
túlkað raunveruleikann jafnt sem
óraunveruleikann og skapað nýjar
víddir og sagt margar sögur,“ segir
Kolbrún. Hún hefur starfað við
myndlist í rúm fjörutíu ár og tekið
þátt í fjölda samsýninga hér á landi
sem og erlendis. Þetta er tíunda
einkasýning hennar.
Sýningin verður opnuð kl. 15. Hún
stendur til 27. maí og er opin alla
daga, nema mánudaga, frá kl. 14-17.
Listasetrið er í Merkigerði 7, við
hliðina á Sjúkrahúsi Akraness.
Myndlist
Sköpun
í leir
Kolbrún S.
Kjarval
Elísabet Ein-
arsdóttir heldur
útskriftartónleika
í Fríkirkjunni í
Reykjavík annað
kvöld kl. 20, en
hún lýkur BMus-
gráðu í einsöng
frá LHÍ í vor þar
sem söngkennari
hennar hefur ver-
ið Elísabet Er-
lingsdóttir en auk þess stundaði hún
nám í píanóleik hjá Peter Máté.
Á efnisskrá tónleikanna verða
sönglög og aríur frá mismunandi
tímabilum. Þar er að finna verk eftir
Pál Ísólfsson, Johannes Brahms,
Henry Bishop, Wilhelm Stenhamm-
ar, Luciano Berio, Orrorino Re-
spighi, G.F. Händel og Guiseppe
Verdi. Auk þess verður flutt Un-
derklassens reflektioner eftir Petter
Ekman, tónsmíðanema í LHÍ, sem
samdi verkið fyrir Elísabetu og
kammerhljómsveit.
Undirleikari Elísabetar á tónleik-
unum er Selma Guðmundsdóttir.
Tónlist
Söng-
tónleikar
Elísabet
Einarsdóttir
Kristín Þor-
kelsdóttir,
myndlistarkona
og grafískur
hönnuður, opn-
ar í dag sýn-
ingu sem hún
nefnir Í blóma
í Herberginu,
sýningarrými
verslunarinnar
Kirsuberjatrés-
ins á Vesturgötu 4.
Á veggjum blómstra vatns-
litamyndir sem Kristín hefur mál-
að í garðinum heima hjá sér sl.
sumur, en Kristín er þekkt fyrir
vatnslitamyndir sínar og hönnun,
m.a. fyrir íslensku peningaseðlana
sem nú eru í notkun.
Kristín Þorkelsdóttir hefur
haldið á þriðja tug einkasýninga
og tekið þátt í fjölda samsýninga
á ferli sínum.
Sýningin stendur til 21. maí og
er opin mánudaga til föstudaga
kl. 11-18 og á laugardögum kl. 11-
16.
Myndlist
Í blóma í
Herberginu
Kristín
Þorkelsdóttir