Morgunblaðið - 04.06.2012, Page 12

12 FRÉTTIRInnlent
MORGUNBLAÐIÐ MÁNUDAGUR 4. JÚNÍ 2012
Hádegisverðartilboð
Tvíréttað í hádegi frá 1.890,-
Fljót og góð þjónusta
Veitingastaður / verslun
Nethylur 2 • 110 Reykjavík • Sími: 587 2882 • galleryfiskur.is
Hið margreynda björgunartæki,
Björgvinsbeltið svokallaða sem
upprunalega var hannað fyrir
rúmum tveimur áratugum, hefur
verið endurhannað með tilliti til
nútímakrafna í björgunarmálum.
Slysavarnafélagið Landsbjörg hef-
ur fengið einkaleyfi á sölu þess á
Norðurlöndum og Bretlandseyjum.
Björgvin Sigurjónsson, stýri-
maður og skipstjóri í Vest-
mannaeyjum, bjó til fyrsta beltið
fyrir rúmum 20 árum og hefur
það margsannað gildi sitt við
björgun mannslífa, að því er fram
kemur í tilkynningu. Nýja Björg-
vinsbeltið er framleitt úr enn
sterkara og veðurþolnara efni en
fyrirrennari þess auk þess sem á
það hefur verið bætt endur-
skinsmerkjum, ljósi og flautu, m.a.
í þeim tilgangi að auðvelda leit og
björgun í myrkri.
Sjóvá fjármagnaði endurhönnun
beltisins fyrir Slysavarnafélagið
Landsbjörg. Félagið hefur sett sér
það markmið að dreifa sem flest-
um nýjum Björgvinsbeltum um
borð í skip og báta auk fleiri
staða, svo sem við brýr og aðra
staði, þar sem nauðsyn er að hafa
björgunarbúnað við höndina.
Ljósmynd/Óskar Pétur Friðriksson
Björgunarbelti Bjarni Sighvatsson, útgerðarmaður í Eyjum, tekur við fyrsta
endurhannaða Björgvinsbeltinu úr höndum Björgvins Sigurjónssonar.
Endurbætt Björg-
vinsbelti í umferð
Hátíðarhöldin á sjómannadaginn
fóru fram í blíðskaparveði í sjáv-
arplássum víða um land og í
Reykjavík. Aldraðir sjómenn og út-
vegsmenn voru heiðraðir fyrir störf
sín, látinna sjómanna minnst, siglt
var með börnin og farið í koddaslag,
svo nokkur hefðbundin atriði séu
talin upp.
Stjórnmálamenn og útvegsmenn
héldu ræður og sögðu meðal annars
frá sjónarmiðum sínum í deilunni
um sjávarútvegsfrumvörp ríkis-
stjórnarinnar.
Sums staðar eru haldnar margra
daga bæjarhátíðir í kringum sjó-
mannadagshelgina, eins og Sjóarinn
síkáti í Grindavík og Hátíð hafsins í
Reykjavík.
Mikil hátíð var á Patreksfirði.
Liður í henni var að halda upp á
100 ára afmæli vélbátsins Garðars
BA-64. Báturinn þjónar enn eig-
anda sínum, Jóni Magnússyni, þótt
hann hafi verið á þurru landi í rúm
30 ár. Honum var komið fyrir í fjör-
unni í Skápadal í Patreksfirði 1981.
Hann fékk andlitslyftingu í tilefni
afmælisins og fjöldi gesta kom í af-
mælið, meðal annars nokkrir strák-
ar úr áhöfninni.
Björgunarsveitin Þorbjörn í
Grindavík fékk í gær afhentan nýj-
an björgunbát að gjöf frá Sjó-
manna- og vélstjórafélaginu, Þor-
birni hf., Vísi hf., Einhamri ehf. og
Stakkavík ehf. Báturinn er búinn
öllum nýjustu tækjum og tólum til
björgunarstarfa. Hann hefur fengið
nafnið Árni í Tungu og kemur í stað
annars báts með sama nafni sem
verður seldur. helgi@mbl.is
Sjómannadagurinn haldinn hátíðlegur í sól og blíðu í sjávarplássum um allt land
Fjöldi fólks
fagnaði deginum
með sjómönnum
Morgunblaðið/Skapti Hallgrímsson
Akureyri Fjöldi smábáta sigldi ásamt trébátnum Húna II frá Sandgerðisbót og dólaði við menningarhúsið Hof.
Ljósmynd/Óskar Pétur Friðriksson
Vestmannaeyjar Kappróður og siglingar eru fastur liður í hátíðahöldunum
á sjómannadaginn í Eyjum og víðar um land.
Ljósmynd/Þorsteinn Gunnarsson
Heiðrun í Grindavík Viðar Geirsson frá Sjómanna- og vélstjórafélagi
Grindavíkur, Bjarnfríður Jónsdóttir, Pétur Vilbergsson, Elín Þorsteins-
dóttir, Sverrir Vilbergsson, Bjarný Sigmarsdóttir, Sigmar Björnsson og
Ólafur Jón Arnbjörnsson skólastjóri.
Ljósmynd/Óskar Pétur Friðriksson
Eyjar Blómsveigur lagður við minn-
ismerki sjómanna.
 Nýr björgunarbátur gefinn í Grindavík