Morgunblaðið - 07.06.2012, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 7. JÚNÍ 2012
H
V
ÍT
A
H
Ú
SI
Ð
/
SÍ
A
Grillosturinn bráðnar betur en aðrir ostar og
hentar því einstaklega vel á hamborgara eða
annan grillaðan mat.
alveg grillaður!
Útbreiðsla lúpínunnar á höfuðborgarsvæðinu
hefur sett mikinn svip á umhverfið að und-
anförnu. Að sögn Þórólfs Jónssonar, garð-
yrkjustjóra Reykjavíkurborgar, hefur ekki verið
tekið á lúpínunni nema á örfáum stöðum. „Við
höfum skoðað þetta nokkrum sinnum og látið
gera úttekt á þessu fyrir okkur. Við höfum feng-
ið starfsmann hjá Náttúrufræðistofnun til að
skoða þetta fyrir okkur og þær tillögur sem hafa
alltaf legið fyrir eru að það sé í rauninni al-
gjörlega óraunhæft fyrir okkur að hefta út-
breiðslu hennar nema á ákveðnum stöðum. Við
höfum reynt að halda henni í skefjum í Laug-
arásnum og við Rauðhóla.“ Þórólfur segir það
ekki vera inni í myndinni að útrýma lúpínunni
heldur sé frekar verið að reyna að sporna við
frekari útbreiðslu. Þórólfur þvertekur fyrir það
að eitra skuli fyrir landnemanum. „Eitrun er
ekki neitt sem kemur til greina að mínu mati.
Það er auðvitað ein leiðin en þá steindrepst nátt-
úrlega allt annað í leiðinni.“ Þórólfur segir að
samkvæmt athugunum muni lúpínan hörfa með
tímanum og við muni taka frjótt graslendi.
davidmar@mbl.is
Lúpínan dreifir sér á höfuðborgarsvæðinu
Morgunblaðið/RAX
Samband íslenskra sam-
vinnufélaga er enn starf-
andi sem félagslegur vett-
vangur kaupfélaganna í
landinu en SÍS hefur enga
atvinnustarfsemi haft með
höndum frá 1994 að sögn
Guðsteins Einarssonar,
kaupfélagsstjóra Kaupfélags Borg-
firðinga. Guðsteinn er stjórnar-
formaður SÍS.
Í ár eru 110 ár liðin frá því að SÍS
var stofnað en það varð eitt öflugasta
viðskiptaveldi landsins á seinustu
öld. Boðað hefur verið til aðalfundar
SÍS í dag á Hótel Kea á Akureyri.
Guðsteinn segir kaupfélagsmenn
hittast á vettvangi Sambands ís-
lenskra samvinnufélaga og þar ræði
þeir málin.
Árið 2012 er ár samvinnufélaga og
samvinnuhreyfingarinnar í heim-
inum af hálfu Sameinuðu
þjóðanna, að sögn Guð-
steins. ,,Umræður manna
eru á þeim grundvelli vegna
þess að þó [samvinnurekst-
ur] hafi misjafnlega gott orð
á sér hér á landi, þá er þetta
mjög algengt rekstrarform
erlendis,“ segir hann. „Sam-
vinnuhreyfingin er í miklum ham
víða um Evrópu eftir hrunið vegna
þess að hún fór yfirleitt betur út úr
hruninu en aðrir,“ bætir hann við.
Að sögn Guðsteins eru uppi vanga-
veltur um hvort fara eigi út í ein-
hvers konar kynningu á hug-
myndafræðilegum þætti
samvinnuhugsjónarinnar. „Ég tel að
hún eigi alveg fullan rétt á sér í dag
svo við endum ekki í sömu súpunni
aftur,“ segir hann og vísar til fjár-
málahrunsins.
„Ef bankarnir og önnur stórfyrir-
tæki hefðu hegðað sér eins og Sam-
bandið þá hefðum við sloppið mjög
vel,“ bætir hann við.
Gerði upp 98% sinna skulda
Guðsteinn minnir á að SÍS varð
aldrei gjaldþrota á sínum tíma. Sam-
bandið gerði upp sín mál og borgaði
98% af sínum skuldum, að sögn
hans.
Spurður hvort hugmyndir séu
uppi um að endurreisa SÍS í atvinnu-
lífinu, segir Guðsteinn svo ekki vera.
Kaupfélögin í landinu eigi í dag í
miklu samstarfi og séu mörg mjög
öflug í sínum byggðarlögum.
Milli 40 og 45 manns eiga seturétt
á aðalfundi Sambands íslenskra
samvinnufélaga í dag og á Guðsteinn
von á góðri mætingu kaupfélags-
manna á fundinn. omfr@mbl.is
SÍS lifir enn og er 110 ára
 Ræða hugsjónir samvinnuhreyfingarinnar á aðalfundi SÍS
Hreyfing er komin á deilurnar við
Rússa vegna úthafskarfaveiða þeirra
á Reykjaneshrygg, að sögn Jóhanns
Guðmundssonar, skrifstofustjóra í
sjávarútvegsráðuneytinu. Á fundi
embættismanna þjóðanna í Moskvu
nýverið var ákveðið að haldinn yrði
annar fundur snemma í júlí í Reykja-
vík og yrði þar reynt að ná sam-
komulagi.
Ríki við N-Atlantshaf hlíta veiði-
ráðgjöf um tæplega 30 þúsund tonna
afla árlega en Rússar neita að sam-
þykkja hana. Segja þeir sínar rann-
sóknir sýna að hægt sé að veiða mun
meira og veiða sjálfir um 30 þúsund
tonn. Skip Rússa hafa fengið að landa
aflanum í mun stærri skip í Hafn-
arfirði og því ljóst að Íslendingar geta
sett þeim stólinn fyrir dyrnar.
En Jóhann segir að reynt hafi verið
eftir megni að ná frekar „mjúkri“
lendingu. Í maí sl. hefði Rússum hins
vegar verið sent bréf þar sem gerðar
voru „alvarlegar athugasemdir“ við
veiðarnar og þetta bréf virðist hafa
borið árangur.
Ofveiðin hættuleg
„Íslendingar eiga langmestra hags-
muna að gæta, þeir fá mest úthlutað,“
sagði Jóhann. „Þetta er gamall stofn
og ofveiði á slíkum stofni er mjög
hættuleg. Rússum er ætlað að veiða
um 6.600 tonn af heildaraflanum en
þeir veiða jafn mikið og allir eiga að fá
til samans. En þeir taka þessu greini-
lega alvarlega og bjóða okkur fund og
það er mjög gott, að aðilar hittist og
tali saman áður en þetta fer út í hrein
vandræði. Það viljum við ekki, sam-
bandið við Rússa hefur verið gott og
við eigum ekki svo marga vini!“
-Eru ekki nokkur líkindi með af-
stöðu Rússa og okkar gagnvart mak-
rílnum?
„Þessar fiskveiðideilur eru svona.
Oft þykir mönnum gott að hafa sam-
ræmi í málflutningi sínum um fisk-
veiðimál á alþjóðlegum vettvangi. En
þú getur á sama tíma verið alveg sitt
hvorum megin.“ kjon@mbl.is
Halda
fund um
karfann
 Rússar samþykkja
viðræður í júlí
Morgunblaðið/Árni Sæberg
Hal Togari að karfaveiðum.
Guðrún Sóley Gestsdóttir
gudrunsoley@mbl.is
Tillögum Kjartans Magnússonar,
borgarfulltrúa, um að leynd verði
létt af upplýsinum um sameiginleg
fjármál Orkuveitu Reykjavíkur og
Gagnaveitunnar hefur ítrekað ver-
ið frestað af hálfu stjórnar OR. Nú
hafa borgarfulltrúar Sjálfstæðis-
flokks lagt fram tillögu í borg-
arstjórn um að borgarstjórn beini
því til stjórnar OR að gera þessar
upplýsingar opinberar. Kjartan
segir leyndina og tafirnar mjög
óeðlilegar.
Beiðnin nær til upplýsinga um
allar fjárfestingar, fjárframlög og
lán OR til Gagnaveitu Reykjavíkur
ehf. og Línu nets
hf. Tillögunni
var vísað til
frekari meðferð-
ar í borgarráði.
Kjartan gerir
athugasemdir
við rekstur OR.
„Þrátt fyrir mik-
inn samdrátt hjá
Orkuveitunni
eru enn miklar
fjárfestingar hjá Gagnaveitunni,“
segir Kjartan.
Málið hafi tafist fram úr hófi.
„Það er hreint ótrúlegt að hafa
flokka í meirihluta sem segjast
vilja vinna með gagnsæi og upp-
lýsingagjöf til almennings að leið-
arljósi og svo gangi ekki betur en
þetta þegar gera á upplýsingar af
þessu tagi opinberar.“
Að sögn Kjartans skortir á
sparnað. „Aðgerðaáætlun fyrir-
tækisins skýtur skökku við, hún
átti að búa til 50 milljarða meðal
annars með frestun allra mögu-
legra framkvæmda. Á meðan alls
staðar er sparað, meðal annars í
veitukerfum og annarri beinni
þjónustu við almenning, er eins
og að þetta ágæta fyrirtæki sé
stikkfrí. Meðal annars halda
nýlagnir áfram í fjarskipta-
kerfinu en öllum ný-
lögnum Orkuveit-
unnar hefur verið
hætt.“
Liggja enn á upplýsingum
 Gagnrýnir óeðlilegar tafir á afhendingu upplýsinga um
Gagnaveituna  Sparað hjá OR en Gagnaveitan stikkfrí
Kjartan
Magnússon
„Tafirnar finnast mér ekki óeðli-
legar, þetta er flókið mál og það
þarf að sætta mörg sjónarmið.
Ég er óstressaður yfir þessu, en
vil auðvitað koma þessu í gegn,“
segir Haraldur Flosi Tryggvason,
stjórnarformaður Orkuveit-
unnar. Beðið verði nið-
urstöðu eigendanefndar áð-
ur en hægt verði að
opinbera gögnin. Haraldur
segir leyndina stafa af sam-
keppnis- og viðskiptahags-
munum, þó að vilji sé til
að opinbera sem mest.
Eðlilegar tafir
BÍÐUR NIÐURSTÖÐU
Haraldur Flosi
Tryggvason