Morgunblaðið - 09.06.2012, Blaðsíða 27
27
MORGUNBLAÐIÐ LAUGARDAGUR 9. JÚNÍ 2012
arbyggð ráðgerð og við hlið Hörpu
rís glæsilegt Mariott-hótel á næstu
árum. „Frá upphafi hefur verið mikil
þróun á hafnarsvæðinu og vænt-
anlegt er rammaskipulag frá Sjó-
minjasafninu að Hörpu,“ segir Gísli
og bendir á að með skipulaginu verði
hringnum lokað, en áfram verði unn-
ið að því að styrkja svæðið með
áherslu á menningu og ferðaþjón-
ustu. „Við reynum líka að laga okkur
að nýju umhverfi.“ Gísli áréttar að
höfnin hafi þróast í nær 100 ár og
mikilvægt sé að þróunin verði hægt
og bítandi þannig að öruggt sé að
tekin séu góð skref og þau dugi til
langrar framtíðar. „Það er lykilatriði
að menn hoppi ekki á einhverjar
hugmyndir sem verða ekki taldar
mjög góðar eftir nokkur ár.“
Þjónusta fyrir gesti
Á árum áður þótti nokkur spotti að
ganga frá Ægisgarði út á Granda, en
nú er þetta þægileg og vinsæl göngu-
leið. Í því sambandi skiptir öllu máli
fyrrgreind uppbygging, en í byrjun
aldarinnar var gert ráð fyrir að Mýr-
argatan færi í stokk og hluti verbúð-
anna við Geirsgötu yrði fjarlægður.
Gísli segist alltaf hafa verið mótfall-
inn niðurrifi og fljótlega hafi þróast
hugmyndir um að breyta geymslu-
húsnæðinu í verbúðunum í þjónustu-
húsnæði fyrir matstaði og listafólk.
„Með því að hætta við stokkinn var
verbúðunum bjargað,“ segir Gísli.
En það eru ekki aðeins menning
og matur sem hafa náð fótfestu við
höfnina heldur líka margskonar
þjónusta. Í suðurbugtinni og við
Ægisgarð bjóða nokkur fyrirtæki
upp á hvalaskoðun og nýtur sú starf-
semi síaukinna vinsælda. Eins er
þar hjólaleiga og vespuleiga og boðið
er upp á siglingar og sjóstangaveiði.
Samhliða allri þessari þjónustu er
gamla höfnin ein stærsta fiskihöfn
landsins. „Gamla höfnin í Reykjavík
er eina höfuðborgarhöfnin í Evrópu
sem er með virka fiskútgerð, fisk-
móttöku og fiskvinnslu,“ segir Gísli.
„Þetta er auðvitað hornsteinn í at-
vinnusögu og menningu höfuðborg-
arinnar. Það er algjört lykilatriði.“
Heimkoma Halldór Laxness kemur með Gullfossi til Íslands eftir að hafa
fengið Nóbelsverðlaunin 1955. Mikill mannfjöldi tók á móti skáldinu.
Þjónusta Gestir og gangandi kunna vel að meta þjónustuna við gömlu höfnina og ekki síst hvalaskoðunarferðir.
Reykjavíkurhöfn 1947 Á kreppuárunum þróaðist sú list að slæða kol upp
af botni Reykjavíkurhafnar þar sem kolakraninn Hegri gnæfði yfir.
Löndun Meðferð á afla hefur breyst mikið. Nú er allur fiskur í körum og
hreinlæti eins og best verður á kosið, en það var ekki alltaf þannig.
Magnús Ingi Magnússon mat-
reiðslumeistari hefur staðið vaktina
á Grandagarði undanfarin sex ár,
opnaði þar fyrst Sjávarbarinn og
síðan Texasborgara við hliðina fyrir
um þremur vikum. Hann er mjög
ánægður með staðsetninguna og
segir að stöðugt fleiri geri sér grein
fyrir hvað gamla hafnarsvæðið í
Reykjavík hafi upp á mikið að bjóða.
„Ég hef verið í bransanum í 25 ár
og átt marga veitingastaði, en Sjáv-
arbarinn er fyrsti veitingastaðurinn
sem ég hanna frá grunni, er alveg
eins og ég vil hafa hann,“ segir
Magnús. „Mig langaði til þess að búa
til fiskiveitingastað eins og ég hef
kynnst erlendis og það gekk eftir.
Þetta hefur gengið mjög vel, sér-
staklega á sumrin og heimagerðu
hamborgurunum á hamborgara-
staðnum hefur verið vel tekið.“
Sjávarbarinn er snyrtilegur stað-
ur, en ekki í fínni kantinum, hvorki
dúkuð borð né þjónar á hverju strái.
Magnús segir að staðurinn eigi ein-
mitt að vera eins og hann er, ódýr en
með gott hráefni og vínveitingar.
„Hann á að vera eins og er í höfnum
erlendis, svona „original“ staður.
Aðrir staðir eru fínni en aðalatriðið
er að fólk hafi val.“ Í því sambandi
nefnir hann að yngra fólk komi frek-
ar á Texasborgara, en gestirnir á
Sjávarbarnum séu af ýmsum toga.
„Svo kynni ég einn listamann árlega
og nú er það Jón Baldur Hlíðberg,“
segir Magnús og bendir á teikningar
af fiskum á veggjum Sjávarbarsins.
„Ég er líka með Evrópuboltann í
beinni á hamborgarastaðnum.“
Sægreifinn var fyrsta veitinga-
húsið sem byrjaði í gömlu verbúð-
unum við Geirsgötu, byrjaði reyndar
sem fiskbúð 2002 en veitingasalan
varð fljótlega ofan á. Magnús segir
að við það hafi orðið hugarfarsbreyt-
ing og Faxaflóahafnir hafi unnið gott
starf við uppbygginguna á svæðinu.
„Fyrir nokkrum árum varð stefnu-
breyting þegar byrjað var að leigja
út húsnæði við Suðurbugtina við
Ægisgarð,“ segir hann og bætir við
að atvinnurekendur á hafnarsvæð-
inu hafi verið kallaðir á fund árlega
þar sem komandi áform hafi verið
kynnt. „Við fáum þannig að fylgjast
með, sem er af hinu góða.“
Ferskur fiskur og heima-
lagaðir hamborgarar
Morgunblaðið/RAX
Menning Magnús I. Magnússon fyrir utan veitingastaði sína.
verbúðunum við Geirsgötu þar sem
Sægreifinn er núna og geymdu þar
veiðarfæri sín. „Verbúðirnar eru
best faldi fjársjóður Reykjavík-
urborgar,“ segir Sigurður og segist
vilja sjá þar safn uppi á lofti. „Það
hefur aftur kviknað líf í gömlu ver-
búðunum,“ segir Stefán og áréttar
að allar breytingar og flutningur
fyrirtækisins út á Granda hafi verið
gerð í sátt og samlyndi. „Þau hús eru
fornminjar og það var ánægjulegt að
fá þar líf – það er bara af hinu góða
sem þar er. Þetta er nútíminn.“
Hann er líka ánægður með breyt-
inguna á gömlu verbúðunum á
Granda. „Það verður að nota þetta.
Það eru engir bátar eftir, við erum
að verða síðustu móhíkanarnir, og
túrisminn hérna er af hinu góða.
Þetta fer ágætlega saman og það er
gaman að hafa líf í kringum sig.
Höfnin er í góðu samstarfi við alla á
svæðinu og ekkert út á hana að
setja. Þar er allt til fyrirmyndar,
þrifnaður og annað. En mannlífið er
komið í allt aðra átt. Sem er til bóta.“