Morgunblaðið - 09.06.2012, Blaðsíða 31

AFP
Drekafluga á reyrstilk við tjörn ná-
lægt Briesen í Þýskalandi. Dreka-
flugur eru stór skordýr, með lang-
an bol, stór augu og fagur-
mynstraða vængi sem haldið er
útréttum á flugi og í hvíldarstöðu.
Bláeygð drekafluga
FRÉTTIR 31Erlent
MORGUNBLAÐIÐ LAUGARDAGUR 9. JÚNÍ 2012
Bogi Þór Arason
bogi@mbl.is
Stjórn breska Íhaldsflokksins hefur
hótað að beita neitunarvaldi innan
Evrópusambandsins í annað skipti á
tæpu ári ef leiðtogar evrulandanna
samþykkja pólitískan samruna og
breytingar á fjármálakerfinu sem
ógni hagsmunum Bretlands á innri
markaði sambandsins.
Breska blaðið The Telegraph
hafði eftir David Cameron, forsætis-
ráðherra Bretlands, að hann væri
staðráðinn í því að vernda „Bretland
gegn áformum Þjóðverja um ofur-
ríki á evrusvæðinu“ með sameigin-
legu bankakerfi og pólitískum
samruna.
Ýjar að þjóðaratkvæði
Þýska stjórnin vill að brugðist
verði við skuldavandanum með
auknum pólitískum samruna sem
myndi auka áhrif Þýskalands á evru-
svæðinu, auk þess sem komið yrði á
bandalagi í banka- og ríkisfjármál-
um sem fæli í sér fullveldisafsal
evruríkja. Talið er að slíkur samruni
krefjist breytinga á Lissabon-sátt-
málanum sem öll 27 aðildarríki ESB
myndu þurfa að samþykkja. George
Osborne, fjármálaráðherra Bret-
lands, sagði að breska stjórnin
myndi hafna bankabandalagi sem
ógnaði hagsmunum „mikilvægustu
atvinnugreinar Bretlands og
stærstu fjármálamiðstöðvar Evr-
ópu“. Osborne sagði að fyrirhugað
bankabandalag myndi líklega krefj-
ast breytinga á Lissabon-sáttmálan-
um og breska þingið hefði sett lög
sem kvæðu á um að allar breytingar
sem fælu í sér fullveldisafsal til
Brussel þyrfti að bera undir þjóðar-
atkvæði í Bretlandi.
Breska stjórnin
varar við ofurríki
 Hótar að beita
neitunarvaldi gegn
auknum samruna
AFP
Leiðtogafundur David Cameron og
Angela Merkel í Berlín í fyrradag.
Bretar í bankabandalag?
» Breska stjórnin hafnaði
sáttmála um aukið aðhald í
ríkisfjármálum á leiðtogafundi
ESB í desember. Cameron
sagði að Bretland myndi ekki
heldur ganga í bankabandalag
sem fæli í sér að breskir skatt-
borgarar ábyrgðust innstæður
í bönkum evrulanda.
» Framkvæmdastjórn ESB
segir að lagt verði til að öll
ESB-ríkin verði í bandalaginu.
Elsta kona í Evr-
ópu, Marie-
Therese Bardet,
lést í Frakklandi
í gær, nokkrum
dögum eftir að
hún hélt upp á
114 ára afmæli
sitt. Bardet lést á
elliheimili í þorpi
sínu,
Pontchateau.
Bardet var sjötta elsta mann-
eskjan í heimi samkvæmt gögnum
bandaríska rannsóknarfyrirtækis-
ins Gerontology Research Group,
sem safnar fæðingarvottorðum
fólks sem er eldra en 110 ára. 70
eru nú á skrá GRG og elst þeirra er
bandaríska konan Besse Cooper,
115 ára gömul.
FRAKKLAND
Elsta kona
Evrópu látin
Marie-Therese
Bardet
Framkvæmdastjórn Evrópusam-
bandsins birti í gær niðurstöður
Eurobarometer-könnunar sem
bendir til þess að stuðningur við
mannúðaraðstoð hafi aukist í ríkj-
um ESB þrátt fyrir efnahagsþreng-
ingar. Um 88% þátttakenda í
könnuninni sögðust telja mikilvægt
að ESB héldi áfram að leggja fram
fé til mannúðaraðstoðar. Stuðn-
ingurinn við aðstoðina var níu pró-
sentustigum meiri en í samskonar
könnun sem gerð var fyrir tveimur
árum. 84% aðspurðra sögðu að ESB
ætti að halda áfram mannúðar-
aðstoðinni þrátt fyrir efnahags-
vanda og sparnaðaraðgerðir í að-
ildarríkjunum.
EVRÓPUSAMBANDIÐ
Aukinn stuðningur
við mannúðaraðstoð
DÚKA KRINGLUNNI SÍMI: 533 1322 SMÁRALIND SÍMI: 564 2011
Eruð þið búin að
kíkja á okkur í
Smáralindinni?