Morgunblaðið - 09.06.2012, Blaðsíða 48

48 MENNING
MORGUNBLAÐIÐ LAUGARDAGUR 9. JÚNÍ 2012
Margrét Bóasdóttir og Chal-
umeaux-tríóið koma fram á
Gljúfrasteini á morgun kl. 16.
Á efnisskrá tónleikanna eru
þrjú stutt verk eftir barokk-
tónskáldin Johann Sebastian
Bach, Christoph Graupner og
Johann David Heinichen í um-
ritun fyrir klarínettutríó auk
íslenskra sönglaga við ljóð
Jónasar Hallgrímssonar og
Halldórs Laxness.
Margrét Bóasdóttir söngkona hefur margsinnis
áður komið fram með Chalumeaux-tríóinu á tón-
leikum víðsvegar um landið en tríóið skipa Ár-
mann Helgason, Kjartan Óskarsson og Sigurður
Ingvi Snorrason.
Tónlist
Barokktónverk og
íslensk sönglög
Margrét
Bóasdóttir
Hjónin Sigurjón Pétursson og
Þóra Hrönn Njálsdóttir munu
leiða gesti um ljósmyndasýn-
ingarnar Aðventa á Fjöllum og
Ferðalangar á Fjöllum, sem nú
standa í Þjóðminjasafni Ís-
lands, á morgun kl. 14. Að-
gangur er ókeypis og allir vel-
komnir.
Sigurjón og Þóra Hrönn eru
áhugaljósmyndarar og hafa
ljósmyndað vítt og breitt um
Ísland, sem og víða um heim, s.s. á Grænlandi, í
Alaska, Norður-Ameríku, Kína, víða um Evrópu,
Líbanon og Namibíu. Í tengslum við sýningarnar
gáfu Þóra Hrönn og Sigurjón út ljósmyndabókina
Aðventa á Fjöllum.
Ljósmyndir
Ferðalangar og Að-
venta á Fjöllum
Ein af myndum
Þóru Hrannar.
Kvartett sænska gítarleik-
arans Hans Olding og íslenska
saxófónleikarans Sigurðar
Flosasonar kemur fram á öðr-
um tónleikum djasssumar-
tónleikaraðar veitingahússins
Jómfrúarinnar við Lækjargötu
í dag kl. 15-17.
Auk þeirra skipa hljómsveit-
ina íslenski kontrabassaleik-
arinn Þorgrímur Jónsson og
sænski trommuleikarinn Erik
Qvick. Kvartettinn mun flytja valda djassstand-
arda, m.a. eftir Benny Golson, Dizzy Gillespie og
Bud Powell. Tónleikarnir fara fram utandyra á
Jómfrúartorginu. Aðgangur er ókeypis.
Tónlist
Flosason-Olding-
kvartett djassar
Hans
Olding
Nútímatónlistarhátíðin Frum verð-
ur haldin í sjöunda skipti sunnudag-
inn 10. júní. Megináhersla hátíð-
arinnar er að kynna nútímatónlist
fyrir tónlistarunnendum en það er
kammerhópurinn Adapter sem
stendur fyrir hátíðinni í samvinnu
við Listahátíð í Reykjavík.
Á hátíðinni í ár verður boðið upp á
fimm einleiksverk fyrir alt- og
bassaflautu, klarínett og bassa-
klarínett sem flutt verða af þeim
Kristjönu Helgadóttur og Ingólfi
Vilhjálmssyni. Eins og fyrri ár verða
tónleikarnir haldnir á Kjarvals-
stöðum og hefjast þeir kl. 20 annað
kvöld. „Annars vegar veljum við
verk eftir tónskáld sem okkur þykja
spennandi og svo verk sem eru eldri
og við viljum glíma við,“ segir Krist-
jana um dagskrá tónleikanna.
Eitt verkanna er eftir þýska tón-
skáldið Heather Frasch og verður
frumflutt á tónleikunum annað
kvöld. Verkið heitir Quietly breath-
ing og er samið fyrir bassaklarínett
og elektróník. „Við kynntumst
Heather í gegnum sameiginlega vini
í Berlín en höfum reyndar aldrei
spilað eftir hana áður,“ útskýrir
Kristjana en þau Ingólfur eru búsett
í Berlín. „Ingólfur talaði við hana og
athugaði hvort hún væri ekki til í að
semja stykki fyrir hann til að spila á
hátíðinni og hún tók svona rosalega
vel í það,“ segir Kristjana og bætir
við að Frasch sé virkilega spennandi
og efnilegt tónskáld.
Að tónlistarhátíðinni lokinni tekur
við spennandi sumar hjá kamm-
erhópnum Adapter. Meðal annars
hefur Walter Zimmermann, eitt
fremsta núlifandi tónskáld Þjóð-
verja, skrifað verk fyrir þau sem
verður spilað inn á plötu í ágúst.
sigyn@mbl.is
Einleikur
og smá
elektróník
 Nútímatónlistar-
hátíð á Kjarvalsstöðum
Frumleg Kristjana og Ingólfur
flytja einleiksverk á morgun.
Viðar Guðjónsson
vidar@mbl.is
„Þetta eru tónlistarmenn úr ýmsum
áttum sem allir eiga það sameigin-
legt að hafa orðið fyrir áhrifum frá
Sri Chimnoy. Því má segja að þetta
sé þeirra leið til þess að þakka fyrir
sig,“ segir Torfi Leósson, skipu-
leggjandi tvennra tónleika sem
haldnir verða í Hörpu í dag kl. 17
og 20. Sri Chimnoy samdi hug-
leiðslutónlist og hélt 800 tónleika
áður en hann féll frá árið 2007.
Meðal þeirra voru tvennir tónleikar
fyrir troðfullu Háskólabíói, árin
1988 og 2000. Hann leit á tónlist
sem máttuga leið til að gera fólki
kleift að upplifa innri frið og gleði.
„Ég lærði hugleiðslu hjá Sri
Chimnoy. Hann taldi tónlist réttu
leiðina til hugarróar. Þó hann hafi
fallið frá hafa flytjendur tónlistar
hans haldið nafninu á lofti og
hljómsveitirnar fara um allan heim
til að spila tónlist hans,“ segir Torfi.
Tónleikarnir nefnast Songs for
the soul og samanstanda af níu
hljómsveitum. Á þeim kemur sam-
an fjölþjóðlegur hópur tónlist-
arfólks úr röðum djasstónlistar,
klassískrar tónlistar og heimstón-
listar til að leika, útsetja og túlka
tónlist Sri Chimnoy á sem fjöl-
breyttastan hátt. Chimnoy var
sjálfur þekktur fyrir fjölbreytni í
tónlist sinni og spilaði gjarnan á
tugi hljóðfæra á einum og sömu
tónleikunum.
„Við skipuleggjendur og tónlist-
armennirnir leggjum sjálf fram
vinnu og peninga til þess að halda
þessa tónleika. Það eru svona 20
einstaklingar á Íslandi sem lært
hafa hugleiðslu af Chi Chimnoy.
Hann kenndi hugleiðsluhefð sem
tengd er jóga. Þetta er alveg hand-
an trúarbragða,“ segir Torfi.
Andrés Ramón er Íslendingur
sem fæddur er í Kólumbíu. Hann
leikur með einni af hljómsveitunum
sem koma fram á tónleikunum.
Andrés spilar á charango sem er
hljóðfæri sem á uppruna sinn frá
indjánum í Andersfjöllum. Char-
ango er einungis eitt af þeim fram-
andi hljóðfærum sem tónlist-
armennirnir leika á. Meðal annarra
má nefna armensku flautuna du-
duk, kínverska tveggja strengja
fiðlu, erhu og tabla-trommu, svo
eitthvað sé nefnt.
Andrés hefur leikið með hljóm-
sveitinni í 6 ár. „Við vorum öll nem-
endur Sri Chimnoy og höfum stúd-
erað tónlist hans og
hugmyndafræði. Við sem erum í
hljómsveitinni kynntumst flest í
gegnum hans verk úti í New York
fyrir sex árum og síðan höfum við
verið að spila saman um allan
heim,“ segir Andrés.
Aðgangur að tónleikunum ókeyp-
is.
Framandi hljómaheimur Sri Chimnoy
 Tónleikar til heiðurs Sri Chimnoy haldn-
ir í Hörpu í dag  Leikið á framandi
hljóðfæri sem heyrist sjaldan í á Íslandi
Framandi Andrés Ramón er meðal þeirra sem fram koma á tónleikunum.
Frekari upplýsingar á harpa.is og
srichinmoy.org.
Silja Björk Huldudóttir
silja@mbl.is
„Við erum þjóðarhljómsveit og þess
vegna verðum við að fara í ólíka bún-
inga þannig að allir geti fundið eitt-
hvað við sitt hæfi. Það er bæði krefj-
andi en líka mjög gefandi,“ segir
Arna Kristín Einarsdóttir, tónleika-
stjóri Sinfóníuhljómsveitar Íslands,
en komandi starfsár Sinfóníu-
hljómsveitar Íslands verður kynnt
formlega eftir helgi. Sem endranær
verður boðið upp á Gula tónleikaröð
fyrir þá sem vilja heyra fjölbreytilega
klassíska tónlist, Rauða tónleikaröð
þar sem stór verk fyrir hljómsveit
eru í forgrunni og Græna tónleikaröð
með vinsælli klassík af léttara taginu
auk þess sem tónleikaröðin Litli tón-
sprotinn er á sínum stað. „Þar kynnir
trúðurinn Barbara töfra tónlistar-
innar fyrir ungum tónleikagestum,“
segir Arna Kristín og bendir á að
meðal þess sem boðið verði upp á þar
sé Pétur og úlfurinn eftir Sergei
Prokofíev þar sem Bernd Ogrodnik
brúðugerðarmeistari miðlar sögunni.
Meðal þess sem flutt verður undir
merkjum Gulu raðarinnar er Geysir
eftir Jón Leifs undir stjórn Rumons
Gamba auk þess sem Vladimir
Ashkenazy mun m.a. stjórna sinfóníu
nr. 6 og fiðlukonsert nr. 2 eftir Dmit-
ríj Sjostakovitsj. Undir merkjum
Rauðu raðarinnar verður m.a. flutt
Ernster Gesang eftir Wolfgang Rihm
undir stjórn Hans Grafs. Í Grænu
röðinni mun Kristur á Olíufjallinu
eftir Ludwig van Beethoven óma
undir stjórn Ilans Volkovs, en á sömu
tónleikum mun Víkingur Heiðar
Ólafsson leika píanókonsert nr. 5,
Keisarakonsertinn, eftir Beethoven.
Af öðrum tónleikum má nefna að
Saleem Abboud Ashkar mun leika
einleik í píanókonsert nr. 1 eftir Felix
Mendelssohn undir stjórn Pietaris
Inkinens.
Aðspurð segir Arna Kristín ekkert
launungarmál að fingraför Ilans Vol-
kovs, aðalhljómsveitarstjóra og list-
ræns stjórnanda, séu greinileg á dag-
skrá næsta vetrar. „Hann
hefur mjög spennandi og
ferska sýn á hlutina auk
þess sem hann hefur mikla
ástríðu fyrir því hvernig
Sinfóníuhljómsveitin
talar inn í samtím-
ann,“ segir Arna
Kristín og nefnir
Tectonics-tónlistarhá-
tíðina sem dæmi þar
um en hún verður hald-
in í annað sinn á næsta
ári.
Sinfóníuhljómsveit Íslands
bregður sér í ólíka búninga
Morgunblaðið/Eggert
Leiðandi Ilan Volkov setur sem aðalhljómsveitarstjóri og listrænn stjórn-
andi SÍ afgerandi fingrafar sitt á tónleikadagskrá komandi starfsárs.
„Að vanda tökum við á móti
heimsþekktum sólistum. Í
þeim hópi eru skoski píanó-
leikarinn Steven Osborne,“
segir Arna Kristín, en hann
mun leika píanókonsert fyrir
vinstri hönd eftir Maurice Ra-
vel undir stjórn Ilans Volkovs.
„Það má enginn missa af
sænska klarínettuleikaranum
Martin Fröst. Hann mun flytja
Peacock Tales eftir Anders
Hillborg, en verkið býður upp
á mikla leikræna tilburði og er
Fröst þekktur fyrir að dansa
við klarínettið á sviðinu,“ seg-
ir Arna Kristín og tekur fram
að hún hlakki einnig til að
heyra Christian Tetzlaff
takast á við fiðlukonserta
Karols Szymanowskis undir
stjórn Johns Storgårds.
Síðast en ekki síst nefnir
Arna Kristín stórstjörn-
una Deborah Voight
sem syngja mun
Sjöslæðudansinn úr
Salóme eftir Richard
Strauss undir stjórn
James Gaffigans.
Enginn má
missa af Fröst
DANSAR VIÐ KLARÍNETTIÐ
Deborah
Voight