Morgunblaðið - 10.07.2012, Side 20
20 UMRÆÐAN
MORGUNBLAÐIÐ ÞRIÐJUDAGUR 10. JÚLÍ 2012
Nýlega hefur verið
skammarlega lítil um-
fjöllun um mál móður
sem var neydd til þess
að flýja danskan
barnsföður sinn, sem
hún deilir forræði með
yfir börnum þeirra
þremur. Ástæða þess
er líkamlegt og and-
legt ofbeldi mannsins í
garð barna sinna. Of-
beldi sem danskt rétt-
arkerfi hundsaði greinilega þegar
forræðinu var deilt. Ofbeldi sem ís-
lensk barnaverndarnefnd og lög-
gæsla hundsar þegar afstaða er tek-
in með manninum. Ofbeldi sem við
sem þjóð hundsum þegar við leyfum
manninum, dönsku réttarkerfi og
íslenskri barnavernd og löggæslu
og komast upp með framgang sem
þennan.
Það getur ekki talist eðlilegt að
átta löggæslubifreiðir, sjö bílar og
mótorhjól, komi saman
að taka börn grátandi
af móður sinni meðan
aðstandendum kon-
unnar er haldið frá.
Það getur ekki talist
eðlilegt að íslensk lög-
gæsla og íslensk
barnavernd lúti þess-
um dómsúrskurði án
þess að, að því er virð-
ist, huga nokkuð að
réttmæti hans.
Ég geri mér grein
fyrir því að samskipti
milli vinaþjóða geta
verið flókin og eflaust þá sér-
staklega í dómsmálum sem snúa að
forræði barna, en það er ekki rétt
að velja góð samskipti (og viðskiptin
sem fylgja þeim) fram yfir þrjú ung
líf. Það getur ekki verið rétt.
Rétt hefði verið að átta löggæslu-
bifreiðir hefðu komið í Leifsstöð og
meinað manninum inngöngu í land-
ið. Rétt hefði verið að hópur al-
mennra borgara hefði komið saman
og staðið vörð um börnin. Rétt hefði
verið að land og þjóð hefði komið
saman og bannað manninum að sjá
börnin þangað til réttlátur og hlut-
laus dómur hefði skorið úr um hæfi
beggja foreldra og dæmt forræði.
Rétt hefði verið að enginn efi
væri á því að mannréttinda þriggja
ungra lífa væri gætt áður en þau
voru send út fyrir landsteinana. Ég
sendi móður og aðstandendum
barnanna hlýjan hug og bar-
áttukveðjur.
Af mannslífum og
millilandasamskiptum
Eftir Stefán Ingvar
Vigfússon » Það getur ekki talist
eðlilegt að átta lög-
gæslubifreiðir, sjö bílar
og mótorhjól, komi sam-
an að taka börn grát-
andi af móður sinni
meðan aðstandendum
konunnar er haldið frá.
Stefán Ingvar
Vigfússon
Höfundur er úthringimaður
og framhaldsskólanemi.
Það þykja tíðindi
þegar 100 tónlist-
armenn og á að giska
450 áhorfendur og
hlustendur fylla stórt
íþróttahús í 1.300
manna bæ. Staðurinn
er Siglufjörður og til-
efnið er flutningur á
óperunni um kvenna-
flagarann og mann-
kertið Don Giovanni
eftir Wolfgang Ama-
deus Mozart sem lokahnykkur á
vel heppnaðri Þjóðlagahátíð. Hún
var yfirstaðin í þrettánda sinnið á
sunnudaginn var enn og aftur und-
ir listrænni stjórn Gunnsteins
Ólafssonar. Flutningur ópera í
heild er sjaldgæfur atburður utan
Reykjavíkur en mörg
okkar muna slíkt úr
Skagafirði, austan af
landi og á Akureyri.
Það sást og heyrðist
enda af viðtökum gest-
anna þennan regn-
þrungna dag. Þeir
stóðu allir sem einn á
fætur og klöppuðu
lengi.
Flytjendurnir voru
flestir fremur ungir að
árum. Einsöngvararnir
eru flestir í námi,
margir erlendis, Há-
skólakórinn var lifandi léttur og
Sinfóníuhljómsveit unga fólksins
sem fullmönnuð sinfóníugrúppa.
Gunnsteinn hélt á tónsprotanum og
leiddi þessa löngu og tiltölulega
krefjandi óperu en Bjarni Thor
Kristinsson óperusöngvari leik-
stýrði og þjálfaði með píanóleik-
aranum Guðríði St. Sigurðardóttur.
Bjarni Thor var líka skemmtilegur
sögumaður og söng föðurhlutverkið
í verkinu af miklum myndugleika. Í
heild var flutningurinn fagmann-
legur og þrunginn sönggleði og
hljómsveitin lék af smekkvísi. Með
litlum sem engum leikmunum tókst
að skapa létta og ánægjulega
stemningu þrátt fyrir erfiða heyrn í
þessum stóra límtrés- og járngeymi
sem íþróttahúsið er.
Óperan Don Giovanni Mozarts er
fyndin á köflum en líka tragísk og
endirinn þar sem flagarinn fær
makleg málagjöld í faðmi vofu föð-
urins sem hann myrti hefur verið
endurtekinn þúsund sinnum sem
stórdramatískt og ógnandi tónlist-
aratriði um allan heim. Með þessu
og hverju athyglisverðu atriðinu
eftir annað, námskeiðum, vinnustof-
um og tónleikum síðan árið 2000,
hefur Þjóðlagahátíðin fest kirfilega
í sessi sem til dæmis má sjá af ótal
fastagestum ár eftir ár. Hún og
margt fleira, þar með talin lang-
þráð jarðgöng, hafa komið gamla
Siglufirði vel á kortið að nýju. Þeg-
ar mikið af fréttum af hátíðum og
samkomum um allt land snýst um
fíkniefni, glæpi og slys er gott að
eiga skjól í viðburðum á borð við
þessa siglfirsku hátíð. Umfjöllun
um hana vantaði að mestu í fjöl-
miðlunum, hvað þá þennan óp-
eruflutning.
Syngjandi flagari og fleira fólk
Eftir Ara Trausta
Guðmundsson » Vel heppnaðri Þjóð-
lagahátíð lauk með
flutningi á óperunni
Don Giovanni eftir
Wolfgang Amadeus
Mozart fyrir fullu húsi.
Ari Trausti
Guðmundsson
Höfundur er náttúrufræðingur
og er áhugamaður um tónlist.
Í þeim deilum sem eru um arð af fisk-
veiðum við Ísland og umræðum um
skiptingu arðs þá er rétt að benda á
að Ísland gæti átt rétt á stærri fiski-
miðum. Hvað
verður gert við ný
og stærri fiskimið
sem koma undan
ísnum fyrir norð-
an okkur þegar
hann bráðnar?
Kemur þá ekki
fiskur handa okk-
ur undan ísnum
sem bráðnar?
Hver fær hann?
Lengi var talað um niðurstöðu
dóms „Haag-dómsins“ fyrir stríð. Þá
létu Danir og Norðmenn dæma í
Haag um hvor þessara aðila ætti um-
ráð á svæðum á Norðaustur- Græn-
landi sem deilt var um. Dönum var
dæmt Grænand allt. Sjá mátti eitt
kvöldið í sjónvarpinu myndir af
dönskum „landamæravörðum“ á
hundasleðum uppi í norðausturhorni
Grænlands. Danir ætla að passa sitt
vel.
Á þessum árum fram að stríðinu
1939-1945 vorum við með sameig-
inleg landamæri með Dönum svo illa
var haldið á hlut okkar í átt til Noregs
og í norður. Mátti vera betra.
Núna koma þessi vandamál fram í
sambandi við makríl. Er þetta það
sem koma skal? Menn í Evrópu vilja
ekki sætta sig við það, að þessi fiskur
syndi hingað og veiðist hér. Við eig-
um okkar part með fullum rétti.
Veiðist hér.
Er þetta byrjun á stærri og nýjum
deilum. Ísland vill norður og stærri
part með fullum rétti.
LÚÐVÍK GIZURARSON
hæstaréttarlögmaður.
Ný og stærri fiskimið
Frá Lúðvík Gizurarsyni
Lúðvík
Gizurarson
Bréf til blaðsins
Svalaskjól
-sælureitur innan seilingar
Hentar mjög vel
íslenskri veðráttu
Við höfum framleitt viðhaldsfría
glugga og hurðir í 28 ár
Nánari upplýsingar á www.solskalar.is
Frábært skjól gegn vindi og regni
Yfir 40 litir í boði!
Smiðsbúð 10 • 210 Garðabær • Sími: 554 4300 • Fax: 564 1187
GÆÐI, ÞJÓNUSTA OG ÁBYRGÐ -ÞAÐ ER TENGI
Opið virka daga frá 8 -18 laugardaga frá 10 -15 • www. tengi.is • tengi@tengi.is
Smiðjuvegi 76 • Kópavogi • Sími 414 1000 • Baldursnesi 6 • Akureyri • Sími 414 1050
HREINSIEFNI FYRIR HEITA POTTA