Kjarninn - 26.06.2014, Blaðsíða 17
13/16 DómsmáL
gæsluvarðhalds beiðni yfir Magnúsi Guðmundssyni, fyrr-
verandi forstjóra Kaupþings í Lúxemborg, í maí 2010, segir
að „tilgangur viðskiptanna hafi verið sá að flytja áhættuna
af fallandi verðgildi skuldabréfanna af eigendum þeirra
og yfir á Kaupþing á Íslandi“. Gögn benda auk þess til þess
að Lindsor hafi keypt skuldabréfin á mun hærra verði en
markaðsverði.
Þegar Kaupþing féll þremur dögum eftir kaupin á bréf-
unum var ljóst að Lindsor gat ekki greitt lánið til baka, enda
eina eign félagsins verðlitlu skuldabréfin sem félagið hafði
keypt á yfirverði þremur dögum áður. Engar tryggingar voru
veittar fyrir láninu og tap kröfuhafa Kaupþings vegna þess
var því gríðarlegt. Þeir sem seldu bréfin losuðu sig hins vegar
undan ábyrgðum og tryggðu sér sömuleiðis marga milljarða
króna í gróða. Og gróðinn var í evrum þannig að hann marg-
faldaðist í íslenskum krónum þegar íslenska krónan féll.
EignuM SEM SkiLuðu tapi var koMið fyrir í otriS og fErradiS
Otris S.A. var stofnað af starfsmanni Búnaðarbank-
ans til að kaupa hlutabréf í bankanum sjálfum í
janúar 2002. Bréfin átti að nota til að mæta kaup-
réttarsamningum sem gerðir höfðu verið við lykil-
stjórnendur bankans. Þeir áttu síðan að innleysast
árið 2004. Áður en kom að þeirri dagsetningu hafði
margt gerst sem breytti stöðu mála. Lykilstarfs-
menn bankans höfðu flutt sig yfir til Landsbankans
í kjölfar einkavæðingar og þegar kom að því að
selja bréfin í september 2004 voru þeir sem áttu að
innleysa kaupréttina að mestu farnir. Í staðinn voru
komnir stjórnendur Kaupþings, sem hafði samein-
ast Búnaðarbankanum í millitíðinni.
Bréfin voru seld með miklum hagnaði. Guðný
Arna Sveinsdóttir, fyrrverandi fjármálastjóri Kaup-
þings, var spurð um það við skýrslutöku hjá rann-
sóknarnefnd Alþingis hvað hefði orðið um þennan
hagnað: hvort hann hefði verið látinn sitja eftir í
Otris, og öðru félagi sem var notað í sama tilgangi
og hét Ferradis, eða hvort hann hefði verið fluttur
heim í móðurbankann. Hún svaraði: „Ég veit...það er
ekki komið heim...ég er viss um það.“
Árið 2007 virðist Otris hafa risið úr dvala. Vafn-
ingar sem Kaupþing hafði keypt og voru farnir að
tapa miklu fé voru þá seldir þangað inn. Kaupþing
lánaði Otris, og Ferradis, fé til að kaupa vafningana.
Með þessum hætti gátu stjórnendur Kaupþings falið
slæma fjárfestingu í aflands félögum sem þeir sjálfir
stjórnuðu. Þeir lánuðu síðan aflandsfélögunum
tveimur fé almenningshlutafélagsins Kaupþings
til að kaupa ónýtu eignirnar af sér. Með þessum
snúningi gat bankinn ekki bara falið tapið heldur
einnig skráð lán til eigin félags sem eign í ársreikn-
ingi sínum. Alls skulduðu félögin tvö Kaupþingi 28,5
milljarða króna í upphafi árs 2008.
Otris var skráður eigandi Lindsor Holdings
Corpor ation, sem fékk 26,5 milljarða króna lánaða
frá Kaupþingi 6. október 2008, eða jafnvel síðar, til
að kaupa skuldabréf bankans sem þá var annað-
hvort fallinn eða alveg við það að falla.