Kjarninn - 26.06.2014, Blaðsíða 18

14/16 DómsmáL
skjöl talin fölsuð
Embætti sérstaks saksóknara telur, samkvæmt greinar-
gerðum sem það hefur lagt fram vegna rannsóknar á
Lindsor-málinu, að þau skjöl sem lánasamningur Kaupþings
við Lindsor byggði á hafi verið útbúin og undirrituð í nóvem-
ber og desember 2008, töluvert eftir fall Kaupþings. Skjölin
eru því talin fölsuð bæði hvað varðar efni og dagsetningar.
Þau eru undirrituð af Hreiðari
Má Sigurðssyni og nokkrum
starfsmönnum Kaupþings í
Lúxemborg og rannsakendur
telja að Guðný Arna Sveinsdóttir,
fyrrverandi fjármálastjóri Kaup-
þings, hafi haft milligöngu um
frágang þeirra. Guðný Arna var
á þeim tíma enn starfandi hjá
Nýja Kaupþingi, sem var byggt
á grunni hins fallna Kaupþings,
og hafði setið í skilanefnd gamla
bankans. Hún hætti ekki störf-
um í bankanum fyrr en í lok
desember 2008.
Þeir sem liggja undir grun
í málinu gáfu á sínum tíma
þær skýringar að skjölin hefðu
verið undirrituð eftir á að kröfu
skiptastjóra Kaupþings í Lúxem-
borg, sem var á þeim tíma í fjár-
hagslegri endurskipulagningu.
Hann var skömmu síðar keyptur af David Rowland og fjöl-
skyldu hans og endurnefndur Banque Havilland. Undir því
nafni starfar hann enn í dag. Þessar skýringar eru ein ástæða
þess að málið er rannsakað af yfirvöldum í Lúxemborg.
forstjórinn fyrrverandi
Hreiðar Már Sigurðsson segist
gera ráð fyrir að Lindsor-rann-
sókninni hafi verið hætt. Svo
er hins vegar ekki.