Kjarninn - 26.06.2014, Blaðsíða 33

25/29 nýsköpun
h
eimsmeistaramót FIFA í Brasilíu trekkir að 3,7
milljónir ferðamenn þetta árið. Flestir þeirra
gista á hótelherbergjum eða gistiheimilum
eins og við má búast. Einn af hverjum fimm
hefur hins vegar kosið að hreiðra um sig í
íbúðum heimafólks.
Brasilíumenn eru þekktir fyrir hlýlegt viðmót en svo
er ekki að gistiplássin standi fólki til boða án endurgjalds.
Plássin voru öll auglýst til leigu á vefsíðunni Airbnb.
Deilihagkerfið
Airbnb er eitt þeirra fyrirtækja sem kenna sig við deili-
hagkerfið (e. sharing economy). Fjárfestar binda vonir við
að deilihagkerfið ryðji sér til rúms og að með rafrænum
markaðs torgum megi auka nýtni, sem skili sér til neytenda
í hagkvæmni og fjölbreyttari framboði. Vaxtarmöguleikar
þessara sprota eru miklir, þar sem framboð og eftirspurn á
vörum og þjónustu er mætt af notendum síðunnar en ekki
virðiskeðju fyrirtækisins. Fjárfesting og
eign þessara félaga er mæld í notenda-
fjölda og virkni fremur en afkastagetu
verksmiðja og fjölda sölustaða.
Airbnb lauk nýverið fjármögnun
þar sem fyrirtækið var metið á 10 millj-
arða dollara. Verðmatið þótti mörgum
merki um bólumyndun í nýsköpunar-
fjárfestingu líka þeirri sem sprakk um aldamótin. Fyrirtækið
var stofnað fyrir aðeins sex árum með einfalda hugmynd
um að tengja saman ferðalanga og eigendur svefnsófa. Í
dag er eigendum fasteigna gert kleift að leysa úr læðingi
falið virði eigna sinna og hámarka nýtni með því að leigja
pláss til fólks, hvort sem um ræðir aukaherbergi, tréhús úti
í garði eða heilu sveitavillurnar með sundlaugum og det
hele. Með einfaldri leit á vefsíðu Airbnb má sjá að hundruð
manns hér á landi drýgja tekjur sínar með þessum hætti yfir
sumarmánuðina.
nýsköpun
Jökull Sólberg
Auðunsson
L@jokull
„Skoðanakannanir benda til
þess að enn örli á íhaldssemi í
fólki, þ.e. að fæstir vænti þess
að drýgja tekjur af því að finna
fleirum not á eigum sínum.“