Kjarninn - 10.07.2014, Blaðsíða 28

21/23 alÞjóðamál
tók evruna fram yfir lúxemborg
Juncker er, eins og áður sagði, ekki allra. Hann hefur hins
vegar náð gríðarlega langt. Hann var forsætisráðherra
smáríkisins Lúxemborg frá 1995 til ársins 2013. Það gerir
hann að þeim kjörna þjóðarleiðtoga sem setið hefur lengst
allra Evrópusambandsríkjanna. Raunar eru fáir lýðræðis-
lega kjörnir leiðtogar í heiminum sem hafa setið lengur en
Juncker.
Juncker missti forsætisráðherrastólinn í fyrra eftir að
hafa boðað sjálfur til snemmbúinna kosninga. Í hans stað
settist Xavier Bettel, fyrrverandi borgarstjóri Lúxemborgar.
Hann er annar í röð opinberlega samkynhneigðra þjóðarleið-
toga í Evrópu. Sá fyrsti var Jóhanna Sigurðardóttir.
Ástæður þess að Juncker þurfti að sækjast eftir endur-
nýjuðu umboði kjósenda áður en kjörtímabilið var liðið voru
helst tvær. Annars vegar ásakanir um að hann tæki úrlausn
evruvandans fram yfir þann vanda sem Lúxemborg glímdi við
heimafyrir og hins vegar hleranahneyksli tengt leyniþjónustu
landsins sem Juncker var talinn tengjast.