Kjarninn - 21.08.2014, Blaðsíða 30

02/05 fjöLmiðLar
á
þeim tíma sem Kjarninn hefur verið starfandi,
frá 22. ágúst 2013, hefur verið að teiknast upp
merkileg staða í efnahagslífinu. Forsætis-
ráðherrann Sigmundur Davíð Gunnlaugsson
gaf tóninn í fyrsta ítarlega viðtalinu sem
hann veitti eftir að ríkisstjórn hans tók við á vormánuðum.
„Stundin nálgast“ var forsíðufyrirsögnin. Hún var skírskotun
í þá mikilvægu stund sem tengist afnámi eða rýmkun fjár-
magnshafta, samningum við kröfuhafa föllnu bankanna og
stefnumörkun um hvernig stýra skuli þjóðarskútinni í kjöl-
farið. Þetta fyrsta starfsár Kjarnans í þjóðmálaumræðunni
einkenndist ekki síst af þessum tóni sem forsætisráðherra
gaf í viðtalinu. Þó að ekki hafi enn verið stigin stór skref í átt
að afnámi eða rýmkun hafta nálgast sú stund óðum. Ríkis-
stjórnin, með Bjarna Benediktsson og Sigmund Davíð Gunn-
laugsson fremsta í flokki, hefur nú þegar fengið erlenda sér-
fræðinga til þess að hjálpa til við að höggva á hnúta og liðka
fyrir möguleikum á því að losa Ísland úr haftabúskapnum. Á
meðal þeirra sem aðstoða íslensk stjórnvöld er Lee Buchheit,
maður sem aðstoðaði við að ná samningum við
Hollendinga og Breta vegna Icesave-skuldar
Landsbankans. Eins og kunnugt er vann Ísland
fullnaðarsigur í því máli að lokum með dómi
fyrir EFTA-dómstólnum eftir að samningum
var hafnað í þjóðaratkvæðagreiðslu.
Breyttir tímar
Kjarninn fjallaði töluvert um neytendamál
ýmiss konar á fyrsta starfsári sínu, ekki
síst stöðu mála á fasteignamarkaði á höfuð-
borgarsvæðinu. Mikil spenna hefur verið að
byggjast upp á markaðnum allt undanfarið ár
og hafa hálfgerð neyðaróp heyrst í fjölmiðlum
frá fólki sem á erfitt með að koma þaki yfir
höfuðið með leigu eða kaupum. Neyðarópin
heyrðust ekki síst frá viðmælendum Kjarnans,
sem kvörtuðu yfir ónægu framboði af litlum
fjöLmiðLar
Magnús Halldórsson
L@maggihalld