Kjarninn - 21.08.2014, Blaðsíða 31
03/05 fjöLmiðLar
og meðalstórum íbúðum, erfiðum fjármögnunarskilyrðum
og úrræðaleysi stjórnvalda og sveitarstjórna þegar að þessu
kemur. Þúsundir Íslendinga á höfuðborgarsvæðinu glíma
við húsnæðisvanda og eiga í erfiðleikum með að koma þaki
yfir höfuðið. Í fjórðu útgáfu Kjarnans, um miðjan september-
mánuð, var þessi vandi til ítarlegrar umfjöllunar undir
fyrirsögn á forsíðunni; Ný bóla skrifuð í skýin. Kjarninn var
miðpunktur þessarar umræðu og velti upp ólíkum sjónar-
miðum. Leigumarkaðurinn var ekki síst í kastljósinu, en
undanfarið ár hefur leiguverð í Reykjavík á fermetra hækkað
um 9,3 prósent að raunvirði. Álit, leiðarar og
almenn skoðanaskrif ritstjórnarinnar voru
helguð þessu viðfangsefni og ekki síst hvernig
skuldaleiðrétting stjórnvalda tónaði saman við
þessar aðstæður; hvort það væri hugsanlegt að
skuldaleiðréttingaráform stjórnvalda myndu
ýta undir aukna einkaneyslu og stuðla að frek-
ari hækkun fasteignaverðs með tilheyrandi
erfiðleikum fyrir þá sem væru að stíga fyrstu
skrefin á fasteignamarkaði.
Hættulegastur?
Jón Gnarr, fyrrverandi borgarstjóri í Reykja-
vík, hefur alla tíð átt auðvelt með að fanga
athygli Íslendinga með uppátækjum sínum
og málflutningi. Ítarlegt viðtal við hann í
Kjarnanum hinn 3. október í fyrra varð tilefni
til að velta því upp hvort Jón hygðist halda
áfram sem borgarstjóri að loknum kosningum.
Hann sagðist í viðtalinu vera „hættulegasti“ stjórnmála-
maður landsins, að enginn vissi fyrir hvað hann stæði og
andstæðingar hans gætu því varla komið á hann höggi. Hann
ákvað síðan að tilkynna það í Tvíhöfðaþætti á Rás 2 hinn 30.
október að hann hygðist ekki halda áfram sem borgarstjóri.
Þetta markaði djúp spor í pólitískt landslag í Reykjavík
enda kosningasigur Jóns árið 2010 líklega ótrúlegasta afrek
íslenskrar stjórnmálasögu, en framboð Besta flokksins vann